అంతర్జాతీయం
‘ఉగ్రవాద హయాం అంతం’
S ,7 à 8 RSCA (si SASPAS) et 6 cialis pharmacie cialis rapports de stage.
వాషింగ్టన్: ఇరాన్ టాప్ కమాండర్ ఖాసీం సొలేమానీని లక్ష్యిత దాడిలో హతమార్చడాన్ని అమెరికా అధ్యక్షుడు డొనాల్డ్ ట్రంప్ శుక్రవారం గట్టిగా సమర్థించుకున్నారు. ‘ఉగ్రవాద హయాం అంతమయింది’ అని ఆయన అన్నారు. ఖాసీం సోలేమాని అనేక ఉగ్రవాద కుట్రలకు సూత్రధారి అని ఆయన పేర్కొన్నారు. బాగ్దాద్‌లోని అంతర్జాతీయ విమానాశ్రయంపై అమెరికా శుక్రవారం జరిపిన లక్ష్యిత దాడిలో ఇరాన్ ఉన్నత స్థాయి అల్-ఖుద్స్ ఫోర్స్ అధిపతి, దాని ప్రాంతీయ భద్రతా విభాగం నిర్మాణంలో కీలక పాత్ర పోషించిన జనరల్ ఖాసీం సోలేమాని మృతి చెందిన విషయం తెలిసిందే. ‘ఇరాక్‌లోని అమెరికన్లను లక్ష్యంగా చేసుకొని ఇటీవలి కాలంలో జరిగిన దాడులన్నిటికీ సూత్రధారి ఖాసీం సోలేమానినే. ఒక అమెరికన్‌ను హతమార్చిన, మరో నలుగురు అమెరికా సైనికులను తీవ్రంగా గాయపరచిన రాకెట్ దాడులు సోలేమాని కనుసన్నుల్లోనే జరిగాయి. బాగ్దాద్‌లోని మా ఎంబసీపై జరిగిన హింసాత్మక దాడికి కుట్ర పన్నింది కూడా సోలేమానినే’ అని ట్రంప్ ఫ్లోరిడాలోని మార్-అ-లాగో వద్ద విలేఖరులతో మాట్లాడుతూ అన్నారు. ‘సోలేమాని అనేక మంది అమాయకులను హతమార్చాడు. అనేక ఉగ్రవాద కుట్రలకు చేయూతనిచ్చాడు. సోలేమాని జరిపిన అనేక అత్యాచారాల బాధితులను ఈ రోజు మేము గుర్తు చేసుకుంటున్నాం. అతని ఉగ్రవాద హయాం ముగిసిపోయిందని తెలుసుకున్నాం’ అని ట్రంప్ అన్నారు. సోలేమాని గత 20 ఏళ్లుగా మధ్యప్రాచ్యాన్ని అస్థిరత్వం పాల్జేయడానికి ఉగ్రవాద కార్యకలాపాలను పెంచిపోషిస్తూ వచ్చాడని ట్రంప్ ఆరోపించారు. ‘అమెరికా నిన్న చేసిన పనిని ఎంతో కాలం ముందే చేసి ఉండాల్సింది. అనేక మంది ప్రాణాలు పోకుండా ఉండేవి. ఇటీవలి కాలంలో సోలేమాని ఇరాన్‌లో నిరసనలను క్రూరంగా అణచివేశాడు. వెయ్యికి పైగా మంది అమాయక ఇరాన్ ప్రజలను స్వంత ప్రభుత్వమే చిత్రహింసలు పెట్టడమో, హతమార్చడమో చేసింది’ అని ట్రంప్ అన్నారు. సోలేమాని హత్య యుద్ధానికి దారితీయదని ఆయన పేర్కొన్నారు. ‘యుద్ధాన్ని నివారించడానికే మేము నిన్న రాత్రి చర్య తీసుకున్నాం. మేము యుద్ధాన్ని ప్రారంభించడానికి ఈ చర్య తీసుకోలేదు. నేను ఇరాన్ ప్రజలను ఎంతగానో గౌరవిస్తాను’ అని ట్రంప్ అన్నారు.
'చిత్రం... అమెరికా అధ్యక్షుడు డొనాల్డ్ ట్రంప్
Related Articles
రోమ్, మార్చి 22: ప్రపంచవ్యాప్తంగా కరోనా వైరస్ తీవ్రత మరింత జఠిలంగా మారుతోంది. దాదాపు 100 కోట్ల మంది ఇళ్లకే పరిమితమైపోయే పరిస్థితి తలెత్తింది. ఇప్పటివరకు మరణించినవారి సంఖ్య 13,444కు పెరిగింది. దాదాపు 170 దేశాల్లో ఈ వ్యాధి తీవ్రత పెరుగుతోంది. దాదాపు 35 దేశాలు లాక్ డౌన్ పరిస్థితిలోకి వెళ్లిపోయాయి.
వాషింగ్టన్: చైనా కరోనా వైరస్ విషయంలో చాలా గోప్యంగా వ్యవహరించిందని, ఈ సమాచారాన్ని సకాలంలో ప్రపంచ దేశాలతో పంచుకోలేదని అమెరికా అధ్యక్షుడు డొనాల్డ్ ట్రంప్ విమర్శించారు.
వాషింగ్టన్: కరోనా వైరస్ భయంతో అమెరికా వణికిపోతున్నది. విదేశాల నుంచి వచ్చే వారి సంఖ్యను పరిమితం చేసే దిశగా చర్యలు చేపట్టింది. అదేవిధంగా వివిధ కార్యక్రమాలనూ రద్దు చేసుకుంది. అందులో భాగంగానే స్పెయిన్ రాజు ఫెలిప్-6, రాణి లెటిజియా పర్యటనకు బ్రేక్ వేసింది.
కరోనా వైరస్ దెబ్బకు కరచాలనాలు, ఆలింగనాలు పోయి నమస్తే పెట్టడం అలవాటవుతోంది. విదేశాల్లోనూ ‘నమస్తే’ సంప్రదాయాన్ని పాటిస్తున్నారు. జకార్తాలో నెదర్లాండ్స్ రాజు విలియమ్ అలెగ్జాండర్, ఇండోనేషియా విదేశాంగ మంత్రి రెంటో మర్సూదీ ఒకరినొకరు ‘నమస్తే’తో పలకరించుకున్నారు
బార్సిలోనా, మార్చి 15: ప్రాణాంతక మహమ్మారి కరోనా వైరస్ వ్యాప్తిని కట్టడి చేయలేక ప్రపంచ దేశాలు కకావికలవుతున్నాయి. దాదాపు అన్ని దేశాలను కమ్ముకుని ఈ వైరస్ ఇప్పటివరకు దాదాపు 6వేల మందిని బలిగొంది. ప్రపంచవ్యాప్తంగా 1.50 లక్షలకు పైగా ఈ ప్రాణాంతక వ్యాధి సోకి అల్లాడుతున్నారు.