అంతర్జాతీయం
మా స్నేహం విడదీయలేనిది
S ,7 à 8 RSCA (si SASPAS) et 6 cialis pharmacie cialis rapports de stage.
న్యూయార్క్, సెప్టెంబర్ 22: ఉరి ఘటన నేపథ్యంలో ఓ వైపు ఐరాసలో భారత్ పాక్‌పై దుమ్మెత్తి పోయడం, మరోవైపు ప్రపంచ దేశాలన్నీ భారత్‌కు అండగా నిలుస్తుండడం లాంటి ఘటనలు జరుగుతూ ఉంటే చైనా మాత్రం పాకిస్తాన్ తమకు చిరకాల మిత్ర దేశమని, తమ బంధం విడదీయలేనిదని చెబుతూ ఉండడం గమనార్హం.
ఐరాస జనరల్ అసెంబ్లీ సమావేశాల నేపథ్యంలో బుధవారం చైనా ప్రధాని లీ కెక్వియాంగ్, పాక్ ప్రధాని నవాజ్ షరీఫ్‌లు సమావేశమైనారు. వ్యూహాత్మక భాగస్వాములైన ఇరు దేశాల మధ్య పరస్పర సహకారం, స్నేహం కొనసాగుతాయని.. తమ బంధాన్ని ఎవరూ విడదీయలేరని లీ ఈ సందర్భంగా అన్నట్లు చైనా అధికార వార్తాసంస్థ ‘జిన్హువా’ తెలిపింది. పాకిస్తాన్‌కు ఆచరణాత్మక సాయం చేయడానికి చైనా సిద్ధంగా ఉందని, ద్వైపాక్షిక సంబంధాలను మరింత మెరుగుపర్చుకోవడానికి కృషి చేస్తుందని లీ తెలిపారు. అయితే షరీఫ్‌తో సమావేశంలో లీ కాశ్మీర్ అంశాన్ని కానీ, ఉరీ ఉగ్రవాద దాడి సంఘటనను కానీ ప్రస్తావించక పోవడం గమనార్హం. అంతర్జాతీయ, స్థానిక వ్యవసారాలపై పాకిస్తాన్‌తో సన్నిహిత సంబంధాలను కొనసాగించడానికి చైనా ఆసక్తితో ఉందని లీ తెలిపారు. చైనా-పాకిస్తాన్ ఆర్థిక కారిడార్, గ్వాడార్ రేవు, ఇండస్ట్రియల్ పార్కు తదితర అంశాల్లో రెండు దేశాల మధ్య సహకారం కొనసాగుతుందని కూడా ఆయన తెలిపారు.
వాస్తవాలు ఇలా ఉంటే పాక్ మీడియా మాత్రం లీ, షరీఫ్ సమావేశంపై పాక్‌కు అనుకూలంగా వార్తలు ప్రసారం చేస్తున్నాయి. తాము పాకిస్తాన్‌ను సమర్థిస్తామని, అన్ని వేదికలపైనా పాకిస్తాన్‌కు మద్దతుగా మాట్లాడుతామని లీ షరీఫ్‌తో అన్నట్లు ‘డాన్’ దినపత్రిక పేర్కొంది. కాశ్మీర్‌పై పాక్ వైఖరికి చైనా అత్యధిక ప్రాధాన్యత ఇస్తోందని, పాకిస్తాన్ కూడా ఉగ్రవాదానికి బలయిన దేశమేనని కూడా ఆయన అన్నట్లు ఆ పత్రిక పేర్కొంది.
Related Articles
రోమ్, మార్చి 22: ప్రపంచవ్యాప్తంగా కరోనా వైరస్ తీవ్రత మరింత జఠిలంగా మారుతోంది. దాదాపు 100 కోట్ల మంది ఇళ్లకే పరిమితమైపోయే పరిస్థితి తలెత్తింది. ఇప్పటివరకు మరణించినవారి సంఖ్య 13,444కు పెరిగింది. దాదాపు 170 దేశాల్లో ఈ వ్యాధి తీవ్రత పెరుగుతోంది. దాదాపు 35 దేశాలు లాక్ డౌన్ పరిస్థితిలోకి వెళ్లిపోయాయి.
వాషింగ్టన్: చైనా కరోనా వైరస్ విషయంలో చాలా గోప్యంగా వ్యవహరించిందని, ఈ సమాచారాన్ని సకాలంలో ప్రపంచ దేశాలతో పంచుకోలేదని అమెరికా అధ్యక్షుడు డొనాల్డ్ ట్రంప్ విమర్శించారు.
వాషింగ్టన్: కరోనా వైరస్ భయంతో అమెరికా వణికిపోతున్నది. విదేశాల నుంచి వచ్చే వారి సంఖ్యను పరిమితం చేసే దిశగా చర్యలు చేపట్టింది. అదేవిధంగా వివిధ కార్యక్రమాలనూ రద్దు చేసుకుంది. అందులో భాగంగానే స్పెయిన్ రాజు ఫెలిప్-6, రాణి లెటిజియా పర్యటనకు బ్రేక్ వేసింది.
కరోనా వైరస్ దెబ్బకు కరచాలనాలు, ఆలింగనాలు పోయి నమస్తే పెట్టడం అలవాటవుతోంది. విదేశాల్లోనూ ‘నమస్తే’ సంప్రదాయాన్ని పాటిస్తున్నారు. జకార్తాలో నెదర్లాండ్స్ రాజు విలియమ్ అలెగ్జాండర్, ఇండోనేషియా విదేశాంగ మంత్రి రెంటో మర్సూదీ ఒకరినొకరు ‘నమస్తే’తో పలకరించుకున్నారు
బార్సిలోనా, మార్చి 15: ప్రాణాంతక మహమ్మారి కరోనా వైరస్ వ్యాప్తిని కట్టడి చేయలేక ప్రపంచ దేశాలు కకావికలవుతున్నాయి. దాదాపు అన్ని దేశాలను కమ్ముకుని ఈ వైరస్ ఇప్పటివరకు దాదాపు 6వేల మందిని బలిగొంది. ప్రపంచవ్యాప్తంగా 1.50 లక్షలకు పైగా ఈ ప్రాణాంతక వ్యాధి సోకి అల్లాడుతున్నారు.