అంతర్జాతీయం
విమానం హైజాక్ ఉదంతం సుఖాంతం
S ,7 à 8 RSCA (si SASPAS) et 6 cialis pharmacie cialis rapports de stage.
లార్నాక (సైప్రస్), మార్చి 29: ఈజిప్టు విమాన హైజాక్ కథ సుఖాంతమైంది. ఈ విమానాన్ని బలవంతంగా దారిమళ్లించి సైప్రస్‌కు తీసుకెళ్లిన హైజాకర్‌ను అధికారులు మంగళవారం ఎట్టకేలకు అరెస్టు చేశారు. ఈ విమానం నుంచి ప్రయాణికులు, సిబ్బంది సురక్షితంగా బయటపడిన తర్వాత ఈ అరెస్టు జరిగింది. వ్యక్తిగత కారణాలతోనే అతను ఈ విమానాన్ని హైజాక్ చేసి లార్నాక విమానాశ్రయంలో దింపించాడని, పేలుడు పదార్థాలతో కూడిన బెల్టును ధరించినట్లుగా చెబుతున్న ఈ హైజాకర్‌ను పలు గంటల తీవ్ర ఉత్కంఠ తర్వాత అరెస్టు చేశామని సైప్రస్ ప్రభుత్వ అధికార ప్రతినిధి నికోస్ క్రిస్టోడౌలిడెస్ ‘ట్విట్టర్’లో పేర్కొన్నారు. ఇందుకు సంబంధించిన మిగిలిన వివరాలు అందలేదు. అంతకుముందు ఈ విమానం నుంచి బయటికి వచ్చిన ఒక వ్యక్తి చైతులు పైకెత్తి రన్‌వే మీదుగా నడుచుకుంటూ అప్పటికే అక్కడ ఎదురు చూస్తున్న ఇద్దరు ఉగ్రవాద నిరోధక దళ అధికారుల వైపు రావడం కనిపించింది. అనంతరం అధికారులు గ్రౌండ్‌లోనే రెండు నిమిషాలు అతడిని సోదాచేసి అక్కడి నుంచి తీసుకెళ్లిపోయారు. అంతకుముందే ఈ విమానం నుంచి ప్రయాణికులతో పాటు సిబ్బంది బయటికి రావడం కనిపించింది. వీరిలో ఒకరు కాక్‌పిట్ కిటికీ నుంచి బయటికి వచ్చారు. అనంతరం హైజాకర్‌ను అదుపులోకి తీసుకున్నట్లు సైప్రస్ ప్రభుత్వం ప్రకటించడంతో ఈ విమానం నుంచి ప్రయాణికులు, సిబ్బంది ఎటువంటి హాని లేకుండా సురక్షితంగా బయటపడ్డారని ఈజిప్టు పౌర విమానయాన శాఖ మంత్రి షెరీఫ్ ఫాథీ ప్రభుత్వ టెలివిజన్ ద్వారా స్పష్టం చేశారు.
Related Articles
రోమ్, మార్చి 22: ప్రపంచవ్యాప్తంగా కరోనా వైరస్ తీవ్రత మరింత జఠిలంగా మారుతోంది. దాదాపు 100 కోట్ల మంది ఇళ్లకే పరిమితమైపోయే పరిస్థితి తలెత్తింది. ఇప్పటివరకు మరణించినవారి సంఖ్య 13,444కు పెరిగింది. దాదాపు 170 దేశాల్లో ఈ వ్యాధి తీవ్రత పెరుగుతోంది. దాదాపు 35 దేశాలు లాక్ డౌన్ పరిస్థితిలోకి వెళ్లిపోయాయి.
వాషింగ్టన్: చైనా కరోనా వైరస్ విషయంలో చాలా గోప్యంగా వ్యవహరించిందని, ఈ సమాచారాన్ని సకాలంలో ప్రపంచ దేశాలతో పంచుకోలేదని అమెరికా అధ్యక్షుడు డొనాల్డ్ ట్రంప్ విమర్శించారు.
వాషింగ్టన్: కరోనా వైరస్ భయంతో అమెరికా వణికిపోతున్నది. విదేశాల నుంచి వచ్చే వారి సంఖ్యను పరిమితం చేసే దిశగా చర్యలు చేపట్టింది. అదేవిధంగా వివిధ కార్యక్రమాలనూ రద్దు చేసుకుంది. అందులో భాగంగానే స్పెయిన్ రాజు ఫెలిప్-6, రాణి లెటిజియా పర్యటనకు బ్రేక్ వేసింది.
కరోనా వైరస్ దెబ్బకు కరచాలనాలు, ఆలింగనాలు పోయి నమస్తే పెట్టడం అలవాటవుతోంది. విదేశాల్లోనూ ‘నమస్తే’ సంప్రదాయాన్ని పాటిస్తున్నారు. జకార్తాలో నెదర్లాండ్స్ రాజు విలియమ్ అలెగ్జాండర్, ఇండోనేషియా విదేశాంగ మంత్రి రెంటో మర్సూదీ ఒకరినొకరు ‘నమస్తే’తో పలకరించుకున్నారు
బార్సిలోనా, మార్చి 15: ప్రాణాంతక మహమ్మారి కరోనా వైరస్ వ్యాప్తిని కట్టడి చేయలేక ప్రపంచ దేశాలు కకావికలవుతున్నాయి. దాదాపు అన్ని దేశాలను కమ్ముకుని ఈ వైరస్ ఇప్పటివరకు దాదాపు 6వేల మందిని బలిగొంది. ప్రపంచవ్యాప్తంగా 1.50 లక్షలకు పైగా ఈ ప్రాణాంతక వ్యాధి సోకి అల్లాడుతున్నారు.