అంతర్జాతీయం
కాశ్మీర్‌కు ప్రతిచర్యే ‘ఉరీ’
S ,7 à 8 RSCA (si SASPAS) et 6 cialis pharmacie cialis rapports de stage.
ఇస్లామాబాద్, సెప్టెంబర్ 24: జమ్మూ, కాశ్మీర్‌లోని ఉరీలో ఉగ్రవాద దాడి నేపథ్యంలో పాకిస్తాన్ ప్రధాని నవాజ్ షరీఫ్ భారత్‌పై మరోసారి వివాదాస్పద వ్యాఖ్యలు చేశారు. కాశ్మీర్‌లో పరిస్థితులకు ప్రతి చర్యగానే ఉరీ ఘటన జరిగి ఉంటుందని ఆయన వ్యాఖ్యానించారు. ఐక్యరాజ్య సమితి జనరల్ అసెంబ్లీ సమావేశాల్లో పాల్గొన్న అనంతరం న్యూయార్క్‌నుంచి స్వదేశానికి తిరిగివెళ్తూ షరీఫ్ శుక్రవారం లండన్‌లో ఆగారు. అక్కడ ఆయన విలేఖరులతో మాట్లాడుతూ, భారత్‌పై ఈ వివాదాస్పద వ్యాఖ్యలు చేశారు. కాశ్మీర్‌లో ప్రభుత్వాలు పాల్పడుతున్న దమనకాండకు ప్రతి చర్యగా బాధిత ప్రజలు, మృతుల బంధువులు ఉరీ దాడి జరిపి ఉండవచ్చని ఆయన అన్నారు. అంతేకాకుండా భారత్ పాకిస్తాన్‌పై ఎలాంటి సాక్ష్యాధారాలు లేకుండానే విమర్శలు చేస్తోందని కూడా ఆయన అన్నారు. ఉరీ దాడి ఘటనపై ఎలాంటి దర్యాప్తు జరిపించకుండానే భారత్ తొందరపాటుగా పాకిస్తాన్‌ను నిందిస్తోందని షరీఫ్ అన్నారు.
కాశ్మీర్‌లో భారత్ పాల్పడుతున్న అకృత్యాల గురించి మొత్తం ప్రపంచానికి తెలుసునని, అక్కడ ఇప్పటివరకు 108 మంది చనిపోగా, 150 మంది కంటిచూపు కోల్పోయారని, వేలాది మంది గాయపడ్డారని ఆయన చెప్పారు.
ఉరీ దాడిపై ఎలాంటి ప్రాథమిక దర్యాప్తు జరిపించకుండానే దాడి జరిగిన వెంటనే తమ దేశంపై ఎలా ఆరోపణలు చేస్తారని పాక్ ప్రధాని ప్రస్తావించారు. పాకిస్తాన్‌ను నిందించే ముందు భారత్ కాశ్మీర్‌లో తన దారుణమైన పాత్ర గురించి ఆత్మ పరిశీలన చేసుకోవాలని కూడా షరీఫ్ సలహా ఇచ్చారు. అంతేకాదు కాశ్మీర్ సమస్య పరిష్కారం కాకుండా దక్షిణాసియాలో శాశ్వత శాంతి అసాధ్యమని కూడా ఆయన తేల్చి చెప్పారు.
చిత్రం.. పాక్ ప్రధాని నవాజ్ షరీఫ్ వ్యాఖ్యలకు నిరసనగా శనివారం భోపాల్‌లో
ఆయన చిత్రపటాన్ని, ఆ దేశ జెండాలను దగ్ధం చేస్తున్న బిజెపి కార్యకర్తలు
Related Articles
రోమ్, మార్చి 22: ప్రపంచవ్యాప్తంగా కరోనా వైరస్ తీవ్రత మరింత జఠిలంగా మారుతోంది. దాదాపు 100 కోట్ల మంది ఇళ్లకే పరిమితమైపోయే పరిస్థితి తలెత్తింది. ఇప్పటివరకు మరణించినవారి సంఖ్య 13,444కు పెరిగింది. దాదాపు 170 దేశాల్లో ఈ వ్యాధి తీవ్రత పెరుగుతోంది. దాదాపు 35 దేశాలు లాక్ డౌన్ పరిస్థితిలోకి వెళ్లిపోయాయి.
వాషింగ్టన్: చైనా కరోనా వైరస్ విషయంలో చాలా గోప్యంగా వ్యవహరించిందని, ఈ సమాచారాన్ని సకాలంలో ప్రపంచ దేశాలతో పంచుకోలేదని అమెరికా అధ్యక్షుడు డొనాల్డ్ ట్రంప్ విమర్శించారు.
వాషింగ్టన్: కరోనా వైరస్ భయంతో అమెరికా వణికిపోతున్నది. విదేశాల నుంచి వచ్చే వారి సంఖ్యను పరిమితం చేసే దిశగా చర్యలు చేపట్టింది. అదేవిధంగా వివిధ కార్యక్రమాలనూ రద్దు చేసుకుంది. అందులో భాగంగానే స్పెయిన్ రాజు ఫెలిప్-6, రాణి లెటిజియా పర్యటనకు బ్రేక్ వేసింది.
కరోనా వైరస్ దెబ్బకు కరచాలనాలు, ఆలింగనాలు పోయి నమస్తే పెట్టడం అలవాటవుతోంది. విదేశాల్లోనూ ‘నమస్తే’ సంప్రదాయాన్ని పాటిస్తున్నారు. జకార్తాలో నెదర్లాండ్స్ రాజు విలియమ్ అలెగ్జాండర్, ఇండోనేషియా విదేశాంగ మంత్రి రెంటో మర్సూదీ ఒకరినొకరు ‘నమస్తే’తో పలకరించుకున్నారు
బార్సిలోనా, మార్చి 15: ప్రాణాంతక మహమ్మారి కరోనా వైరస్ వ్యాప్తిని కట్టడి చేయలేక ప్రపంచ దేశాలు కకావికలవుతున్నాయి. దాదాపు అన్ని దేశాలను కమ్ముకుని ఈ వైరస్ ఇప్పటివరకు దాదాపు 6వేల మందిని బలిగొంది. ప్రపంచవ్యాప్తంగా 1.50 లక్షలకు పైగా ఈ ప్రాణాంతక వ్యాధి సోకి అల్లాడుతున్నారు.