అంతర్జాతీయం
యుద్ధం వచ్చే పరిస్థితులు లేవు
S ,7 à 8 RSCA (si SASPAS) et 6 cialis pharmacie cialis rapports de stage.
న్యూయార్క్, అక్టోబర్ 22: నియంత్రణ రేఖ వెంబడి ఉద్రిక్తతలు పెరిగిపోయినప్పటికీ భారత్, పాక్‌ల మధ్య ఇప్పటికిప్పుడు యుద్ధం జరిగే పరిస్థితులు ఉన్నాయని తాను భావించడం లేదని జమ్మూ, కాశ్మీర్ మాజీ ముఖ్యమంత్రి ఒమర్ అబ్దుల్లా అన్నారు. అంతేకాదు, కొన్ని టీవీ చానళ్లు కోరుకున్నదానికన్నా రెండు దేశాలు మరింత జాగ్రత్తగా వ్యవహరిస్తున్నాయని కూడా ఆయన అన్నారు. న్యూయార్క్ యూనివర్శిటీ విద్యార్థులు శుక్రవారం ఇక్కడ ‘్భరత్, పాకిస్తాన్: ఎ సబ్‌కాంటినెంటల్ అఫైర్’ అనే అంశంపై ఏర్పాటుచేసిన చర్చాగోష్ఠిలో ఒమర్ అబ్దుల్లా పాల్గొన్నారు. భారత్, పాక్‌లు యుద్ధం అంచుల్లో ఉన్నాయా అన్న ప్రశ్నకు ఆయన సమాధానమిస్తూ తాను అలా అనుకోవడం లేదని చెప్పారు. మన టీవీ చానళ్లు కొన్ని భావించిన దానికన్నా భారత్, పాక్ ప్రభుత్వాలు యుద్ధ ప్రమాదం విషయంలో మరింత జాగ్రత్తగా వ్యవహరిస్తున్నాయని ఆయన చెప్పారు. పాకిస్తాన్ మాజీ అధ్యక్షుడు పర్వేజ్ ముషారఫ్ కూడా ఈ సదస్సులో మాట్లాడాల్సి ఉండింది. అయితే చివరి నిమిషంలో భద్రతా కారణాలను చూపిస్తూ ఆయన ఈ కార్యక్రమాన్ని రద్దు చేసుకున్నారు. భారత్, పాక్ దేశాల విద్యార్థులు కూడా పాల్గొన్న ఈ చర్చాగోష్ఠిలో కాశ్మీర్‌పైన, భారత సైన్యం జరిపిన మెరపుదాడులు, హిజ్బుల్ ముజాహిద్దీన్ కమాండర్ బుర్హాన్ వనీ మృతి, భారత్-పాక్ ఉద్రిక్తతలు, కాశ్మీరీ పండిట్ల కష్టాలు, 370 అధికరణంలాంటి అంశాలపై విద్యార్థులు, ఒమర్ అబ్దుల్లాకు మధ్య వాడీవేడి చర్చ జరిగింది.
Related Articles
రోమ్, మార్చి 22: ప్రపంచవ్యాప్తంగా కరోనా వైరస్ తీవ్రత మరింత జఠిలంగా మారుతోంది. దాదాపు 100 కోట్ల మంది ఇళ్లకే పరిమితమైపోయే పరిస్థితి తలెత్తింది. ఇప్పటివరకు మరణించినవారి సంఖ్య 13,444కు పెరిగింది. దాదాపు 170 దేశాల్లో ఈ వ్యాధి తీవ్రత పెరుగుతోంది. దాదాపు 35 దేశాలు లాక్ డౌన్ పరిస్థితిలోకి వెళ్లిపోయాయి.
వాషింగ్టన్: చైనా కరోనా వైరస్ విషయంలో చాలా గోప్యంగా వ్యవహరించిందని, ఈ సమాచారాన్ని సకాలంలో ప్రపంచ దేశాలతో పంచుకోలేదని అమెరికా అధ్యక్షుడు డొనాల్డ్ ట్రంప్ విమర్శించారు.
వాషింగ్టన్: కరోనా వైరస్ భయంతో అమెరికా వణికిపోతున్నది. విదేశాల నుంచి వచ్చే వారి సంఖ్యను పరిమితం చేసే దిశగా చర్యలు చేపట్టింది. అదేవిధంగా వివిధ కార్యక్రమాలనూ రద్దు చేసుకుంది. అందులో భాగంగానే స్పెయిన్ రాజు ఫెలిప్-6, రాణి లెటిజియా పర్యటనకు బ్రేక్ వేసింది.
కరోనా వైరస్ దెబ్బకు కరచాలనాలు, ఆలింగనాలు పోయి నమస్తే పెట్టడం అలవాటవుతోంది. విదేశాల్లోనూ ‘నమస్తే’ సంప్రదాయాన్ని పాటిస్తున్నారు. జకార్తాలో నెదర్లాండ్స్ రాజు విలియమ్ అలెగ్జాండర్, ఇండోనేషియా విదేశాంగ మంత్రి రెంటో మర్సూదీ ఒకరినొకరు ‘నమస్తే’తో పలకరించుకున్నారు
బార్సిలోనా, మార్చి 15: ప్రాణాంతక మహమ్మారి కరోనా వైరస్ వ్యాప్తిని కట్టడి చేయలేక ప్రపంచ దేశాలు కకావికలవుతున్నాయి. దాదాపు అన్ని దేశాలను కమ్ముకుని ఈ వైరస్ ఇప్పటివరకు దాదాపు 6వేల మందిని బలిగొంది. ప్రపంచవ్యాప్తంగా 1.50 లక్షలకు పైగా ఈ ప్రాణాంతక వ్యాధి సోకి అల్లాడుతున్నారు.