అంతర్జాతీయం
పశుపతినాథ్ ఆలయంలో రాష్టప్రతి ప్రత్యేక పూజలు
S ,7 à 8 RSCA (si SASPAS) et 6 cialis pharmacie cialis rapports de stage.
ఖాట్మండు, నవంబర్ 3: రాష్టప్రతి ప్రణబ్ ముఖర్జీ నేపాల్‌లోని ప్రసిద్ధ పశుపతినాథ్ ఆలయంలో గురువారం ప్రత్యేక పూజలు చేశారు. బాగమతి నదీతీరంలో వేంచేసిన ఆలయం 5వ శతాబ్దానికి చెందింది. ఆలయానికి వచ్చిన రాష్టప్రతి ప్రణబ్ ముఖర్జీకి పశుపతి ఏరియా డెవలప్‌మెంట్ ట్రస్ట్ చీఫ్ గోవిందా టాండన్ తదితరులు ఘన స్వాగతం పలికారు. 108 మంది బతుక్ (హిందూ బాలురు) ‘స్వస్తిమంత్రాలు’, మంగళవాద్యాలు, బాజాభజంత్రీలతో తోడ్చొనివచ్చారు. ఆలయం తూర్పు ద్వారం వద్ద రాష్టప్రతికి ఘన స్వాగతం లభించింది. ప్రణబ్ రుద్రాభిషేకం, ప్రత్యేక పూజలు చేశారు. పాలు, పెరుగు, తేనె, పంచదార, నెయ్యితో శివలింగానికి అభిషేకం చేశారు. లక్ష దీపార్చన జరిగింది. ప్రసిద్ధ పశుపతినాథ్ ఆలయాన్ని యునెస్కో ప్రపంచ వారసత్వ సంపదగా గుర్తించింది. ప్రపంచ నలుమూలల నుంచి వేలాది మంది హిందువులు ఏటా ఈ ఆలయాన్ని దర్శించుకుంటారు. రాష్టప్రతి ప్రణబ్ ముఖర్జీ సుమారు 45 నిముషాల సేపు ఆలయంలోనే గడిపారు. ప్రత్యేక పూజలు అయ్యేవరకూ ఆయన ఉన్నారు. ఆలయానికి 27వేల రూపాయల విరాళం అందచేశారు. హిందూ ప్రధాన పూజారి గణేశ్ భట్టా నేతృత్వంలో పలువురు పురోహితులు పూజాది కార్యక్రమాలు పర్యవేక్షించారు. అలాగే పశుపతినాథ్ ఆలయ ప్రాంగణంలో ఉన్న వాసుకి నాగ్ ఆలయంలో రాష్టప్రతి పాలాభిషేకం నిర్వహించారు. రాష్టప్రతి వెంట నేపాల్‌లో భారత రాయబారి రంజిత్ రే ఉన్నారు.
చిత్రం.. గురువారం నేపాల్‌లోని పశుపతినాథ్ ఆలయాన్ని సందర్శించిన రాష్టప్రతి ప్రణబ్
Related Articles
రోమ్, మార్చి 22: ప్రపంచవ్యాప్తంగా కరోనా వైరస్ తీవ్రత మరింత జఠిలంగా మారుతోంది. దాదాపు 100 కోట్ల మంది ఇళ్లకే పరిమితమైపోయే పరిస్థితి తలెత్తింది. ఇప్పటివరకు మరణించినవారి సంఖ్య 13,444కు పెరిగింది. దాదాపు 170 దేశాల్లో ఈ వ్యాధి తీవ్రత పెరుగుతోంది. దాదాపు 35 దేశాలు లాక్ డౌన్ పరిస్థితిలోకి వెళ్లిపోయాయి.
వాషింగ్టన్: చైనా కరోనా వైరస్ విషయంలో చాలా గోప్యంగా వ్యవహరించిందని, ఈ సమాచారాన్ని సకాలంలో ప్రపంచ దేశాలతో పంచుకోలేదని అమెరికా అధ్యక్షుడు డొనాల్డ్ ట్రంప్ విమర్శించారు.
వాషింగ్టన్: కరోనా వైరస్ భయంతో అమెరికా వణికిపోతున్నది. విదేశాల నుంచి వచ్చే వారి సంఖ్యను పరిమితం చేసే దిశగా చర్యలు చేపట్టింది. అదేవిధంగా వివిధ కార్యక్రమాలనూ రద్దు చేసుకుంది. అందులో భాగంగానే స్పెయిన్ రాజు ఫెలిప్-6, రాణి లెటిజియా పర్యటనకు బ్రేక్ వేసింది.
కరోనా వైరస్ దెబ్బకు కరచాలనాలు, ఆలింగనాలు పోయి నమస్తే పెట్టడం అలవాటవుతోంది. విదేశాల్లోనూ ‘నమస్తే’ సంప్రదాయాన్ని పాటిస్తున్నారు. జకార్తాలో నెదర్లాండ్స్ రాజు విలియమ్ అలెగ్జాండర్, ఇండోనేషియా విదేశాంగ మంత్రి రెంటో మర్సూదీ ఒకరినొకరు ‘నమస్తే’తో పలకరించుకున్నారు
బార్సిలోనా, మార్చి 15: ప్రాణాంతక మహమ్మారి కరోనా వైరస్ వ్యాప్తిని కట్టడి చేయలేక ప్రపంచ దేశాలు కకావికలవుతున్నాయి. దాదాపు అన్ని దేశాలను కమ్ముకుని ఈ వైరస్ ఇప్పటివరకు దాదాపు 6వేల మందిని బలిగొంది. ప్రపంచవ్యాప్తంగా 1.50 లక్షలకు పైగా ఈ ప్రాణాంతక వ్యాధి సోకి అల్లాడుతున్నారు.