అంతర్జాతీయం
చైనా.. మళ్లీ ససేమిరా
S ,7 à 8 RSCA (si SASPAS) et 6 cialis pharmacie cialis rapports de stage.
బీజింగ్, నవంబర్ 7: భారత్ ఆశలపై చైనా మరోసారి నీళ్లు చల్లింది. అణు సరఫరా దేశాల కూటమి (ఎన్‌ఎస్‌జి)లో భారత్‌కు సభ్యత్వం కల్పించే విషయమై తన వైఖరిలో ఎలాంటి మార్పు లేదని స్పష్టం చేసింది. మరో నాలుగు రోజుల్లో శుక్ర, శనివారాల్లో వియన్నాలో ఎన్‌ఎస్‌జి ప్లీనరీ సమావేశాలు జరుగనున్న తరుణంలో చైనా సోమవారం ఈ ప్రకటన చేసింది. అణ్వస్త్ర వ్యాప్తి నిరోధక ఒప్పందం (ఎన్‌పిటి)పై సంతకం చేయని దేశాలకు ఎన్‌ఎస్‌జిలో సభ్యత్వం కల్పించే విషయమై నియమాలను రూపొందించిన తరువాత మాత్రమే ఎన్‌ఎస్‌జిలో చేరికకు భారత్ పెట్టుకున్న దరఖాస్తును పరిశీలించడం జరుగుతుందని చైనా స్పష్టం చేసింది. ‘వియన్నాలో శుక్రవారం ఎన్‌ఎస్‌జి ప్లీనరీ సెషన్ జరుగనుంది. ఇప్పటివరకు మా వైఖరిలో ఎలాంటి మార్పు లేదు’ అని చైనా విదేశాంగ శాఖ అధికార ప్రతినిధి లుకాంగ్ సోమవారం ఇక్కడ మీడియా సమావేశంలో తెలిపారు. భారత్, చైనా దేశాల జాతీయ భద్రతా సలహాదారుల మధ్య ఈ నెల 4న జరిగిన సమావేశాన్ని ప్రస్తావిస్తూ, భారత్‌సహా సంబంధిత పక్షాలన్నింటితో చైనా ఎప్పటికప్పుడు లోతుగా సంప్రదింపులు జరుపుతోందని, నిర్మాణాత్మక చర్చలు జరుపుతోందని, ఈ అంశంపై సమన్వయం చేస్తోందని లుకాంగ్ వివరించారు. అయితే నవంబర్ 11, 12 తేదీల్లో ఎన్‌ఎస్‌జి ప్లీనరీ సమావేశాలు జరుగనున్న తరుణంలో భారత జాతీయ భద్రతా సలహాదారు అజిత్ దోవల్ చైనా జాతీయ భద్రతా సలహాదారు, స్టేట్ కౌన్సిలర్ యాంగ్ జిచితో జరిపిన చర్చలు ప్రాధాన్యత సంతరించుకున్నాయి. ఎన్‌పిటిపై సంతకం చేయని దేశాలకు రెండు దశల ప్రక్రియలో సభ్యత్వం కల్పించే అంశంపై ఈ ప్లీనరీ సమావేశాలలో ఎన్‌ఎస్‌జి చర్చిస్తుందని మీడియాలో వార్తలు వచ్చాయి. ఎన్‌ఎస్‌జి సభ్యత్వానికి దరఖాస్తు చేసుకున్న భారత్, పాకిస్తాన్‌లు ఇప్పటివరకు ఎన్‌పిటిపై సంతకం చేయలేదు. భారత్‌తో రెండోసారి చర్చలు జరిపిన తరువాత చైనా గత వారం.. ఎన్‌పిటిపై సంతకం చేయని దేశాలు ఎన్‌ఎస్‌జిలో చేరికకు మార్గాన్ని అనే్వషించిన తరువాత మాత్రమే భారత్ చేసుకున్న దరఖాస్తుపై నిర్దిష్టంగా చర్చిస్తామని ప్రకటించింది. ‘ఎన్‌ఎస్‌జిలో భారత్ చేరికకు సంబంధించి చైనా వైఖరి చాలా స్పష్టంగా, నిలకడగా ఉందని నేను చెప్పగలను’ అని చైనా విదేశాంగ శాఖ అధికార ప్రతినిధి హువా చునియింగ్ ఇదివరకే పేర్కొన్నారు. ఇదిలా ఉండగా పాకిస్తాన్‌కు చెందిన జైష్ ఎ మొహమ్మద్ చీఫ్ మసూద్ అజర్‌పై ఐక్యరాజ్య సమితి నిషేధం విధించకుండా చైనా అడ్డుకుంటోందన్న భారత్ ఆందోళనను సోమవారం నాటి మీడియా సమావేశంలో ప్రస్తావించగా, ఇరు దేశాల జాతీయ భద్రతా సలహాదారుల సమావేశంలో ద్వైపాక్షిక సంబంధాలలో తలెత్తిన సమస్యలపై చర్చించారని లుకాంగ్ బదులిచ్చారు.
Related Articles
రోమ్, మార్చి 22: ప్రపంచవ్యాప్తంగా కరోనా వైరస్ తీవ్రత మరింత జఠిలంగా మారుతోంది. దాదాపు 100 కోట్ల మంది ఇళ్లకే పరిమితమైపోయే పరిస్థితి తలెత్తింది. ఇప్పటివరకు మరణించినవారి సంఖ్య 13,444కు పెరిగింది. దాదాపు 170 దేశాల్లో ఈ వ్యాధి తీవ్రత పెరుగుతోంది. దాదాపు 35 దేశాలు లాక్ డౌన్ పరిస్థితిలోకి వెళ్లిపోయాయి.
వాషింగ్టన్: చైనా కరోనా వైరస్ విషయంలో చాలా గోప్యంగా వ్యవహరించిందని, ఈ సమాచారాన్ని సకాలంలో ప్రపంచ దేశాలతో పంచుకోలేదని అమెరికా అధ్యక్షుడు డొనాల్డ్ ట్రంప్ విమర్శించారు.
వాషింగ్టన్: కరోనా వైరస్ భయంతో అమెరికా వణికిపోతున్నది. విదేశాల నుంచి వచ్చే వారి సంఖ్యను పరిమితం చేసే దిశగా చర్యలు చేపట్టింది. అదేవిధంగా వివిధ కార్యక్రమాలనూ రద్దు చేసుకుంది. అందులో భాగంగానే స్పెయిన్ రాజు ఫెలిప్-6, రాణి లెటిజియా పర్యటనకు బ్రేక్ వేసింది.
కరోనా వైరస్ దెబ్బకు కరచాలనాలు, ఆలింగనాలు పోయి నమస్తే పెట్టడం అలవాటవుతోంది. విదేశాల్లోనూ ‘నమస్తే’ సంప్రదాయాన్ని పాటిస్తున్నారు. జకార్తాలో నెదర్లాండ్స్ రాజు విలియమ్ అలెగ్జాండర్, ఇండోనేషియా విదేశాంగ మంత్రి రెంటో మర్సూదీ ఒకరినొకరు ‘నమస్తే’తో పలకరించుకున్నారు
బార్సిలోనా, మార్చి 15: ప్రాణాంతక మహమ్మారి కరోనా వైరస్ వ్యాప్తిని కట్టడి చేయలేక ప్రపంచ దేశాలు కకావికలవుతున్నాయి. దాదాపు అన్ని దేశాలను కమ్ముకుని ఈ వైరస్ ఇప్పటివరకు దాదాపు 6వేల మందిని బలిగొంది. ప్రపంచవ్యాప్తంగా 1.50 లక్షలకు పైగా ఈ ప్రాణాంతక వ్యాధి సోకి అల్లాడుతున్నారు.