అంతర్జాతీయం
కైరో చర్చిలో బాంబు పేలుడు
S ,7 à 8 RSCA (si SASPAS) et 6 cialis pharmacie cialis rapports de stage.
కైరో, డిసెంబర్ 11: ఈజిప్టు రాజధాని కైరోలోని ప్రముఖ కాప్టిక్ క్రిస్టియన్ క్యాథడ్రైల్‌లో ఆదివారం జరిగిన బాంబు పేలుడులో కనీసం 25 మంది మృతి చెందగా, 30 మందికి పైగా గాయపడ్డారు. చనిపోయిన వారిలో ఎక్కువ మంది మహిళలు, పిల్లలే ఉన్నారు. ఆదివారం ప్రార్థనలకోసం పెద్ద సంఖ్యలో జనం చేరినప్పుడు ఈ పేలుడు సంభవించింది. ఇటీవలి కాలంలో మైనారిటీ క్రిస్టియన్లపై ఇస్లామిక్ మిలిటెంట్లు జరిపిన అతిపెద్ద దాడి ఇదే కావడం గమనార్హం. సెంట్రల్ కైరోలోని అబ్బాసియా డిస్ట్రిక్ట్‌లో ఉన్న కాప్టిక్ క్రిస్టియన్ క్యాథడ్రైల్ ఉదయం పది గంటల సమయంలో ప్రార్థనలు జరుగుతున్నప్పుడు ఈ పేలుడు సంభవించినట్లు ఆరోగ్య మంత్రిత్వ శాఖ విడుదల చేసిన ఒక ప్రకటన తెలిపింది. ప్రార్థనలు జరపడానికి పెద్ద సం ఖ్యలో భక్తులు చేరినప్పుడు ఈ బాంబు పేలుడు సంభవించడంతో మృతుల సంఖ్య మరింత పెరిగే అవకాశముంది. ప్రహరీగోడ సమీపంలోని చాపెల్‌లోకి ఉగ్రవాదులు బాంబు విసిరారని, ఫలితంగా కననీసం 25 మంది చనిపోగా, 31 మంది గాయపడినట్లు ఆరోగ్య శాఖ మంత్రి అహ్మద్ ఎమాద్ చెప్పారు. టిఎంటితో చేసిన బాంబును ఉగ్రవాదులు రిమోట్‌తో పేల్చినట్లు ఒక భద్రతా అధికారి చెప్పినట్లు ప్రభుత్వ టీవీ చానెల్ తెలిపింది. గాయపడిన వారిని నగరంలోని దార్ ఎల్ షఎఫా, ఎయిన్ షామ్స్ యూనివర్శిటీ ఆస్పత్రులకు తరలించినట్లు అధికారులు తెలిపారు. ఈ దాడికి బాధ్యత వహిస్తూ ఏ ఉగ్రవాద సంస్థా ఇప్పటివరకు ప్రకటన చేయలేదు. కాప్టిక్ చర్చి ఈజిప్టులోనే అతిపెద్దది. కాగా, ఈజిప్టులో ఈ వారంలో జరిగిన మూడో పేలుడు ఇది. గత శుక్రవారం గిజానగరానికి చెందిన హరామ్ డిస్ట్రిక్ట్‌లో జరిగిన పేలుడులో ఆరుగురు పోలీసులు మృతి చెందగా, మరో ముగ్గురు గాయపడ్డారు. అలాగే కఫర్ ఎల్ షేక్ ఇంటర్నేషనల్ రోడ్డులో జరిగిన మరో పేలుడులో ఒక పోలీసు చనిపోగా, మరో ముగ్గురు గాయపడ్డారు.
చిత్రం..కైరోలో బాంబు పేలుళ్లు జరిగిన కాప్టిక్ ఆర్థొడాక్స్ చర్చిని పరిశీలిస్తున్న ఈజిప్టు అధికారులు
Related Articles
రోమ్, మార్చి 22: ప్రపంచవ్యాప్తంగా కరోనా వైరస్ తీవ్రత మరింత జఠిలంగా మారుతోంది. దాదాపు 100 కోట్ల మంది ఇళ్లకే పరిమితమైపోయే పరిస్థితి తలెత్తింది. ఇప్పటివరకు మరణించినవారి సంఖ్య 13,444కు పెరిగింది. దాదాపు 170 దేశాల్లో ఈ వ్యాధి తీవ్రత పెరుగుతోంది. దాదాపు 35 దేశాలు లాక్ డౌన్ పరిస్థితిలోకి వెళ్లిపోయాయి.
వాషింగ్టన్: చైనా కరోనా వైరస్ విషయంలో చాలా గోప్యంగా వ్యవహరించిందని, ఈ సమాచారాన్ని సకాలంలో ప్రపంచ దేశాలతో పంచుకోలేదని అమెరికా అధ్యక్షుడు డొనాల్డ్ ట్రంప్ విమర్శించారు.
వాషింగ్టన్: కరోనా వైరస్ భయంతో అమెరికా వణికిపోతున్నది. విదేశాల నుంచి వచ్చే వారి సంఖ్యను పరిమితం చేసే దిశగా చర్యలు చేపట్టింది. అదేవిధంగా వివిధ కార్యక్రమాలనూ రద్దు చేసుకుంది. అందులో భాగంగానే స్పెయిన్ రాజు ఫెలిప్-6, రాణి లెటిజియా పర్యటనకు బ్రేక్ వేసింది.
కరోనా వైరస్ దెబ్బకు కరచాలనాలు, ఆలింగనాలు పోయి నమస్తే పెట్టడం అలవాటవుతోంది. విదేశాల్లోనూ ‘నమస్తే’ సంప్రదాయాన్ని పాటిస్తున్నారు. జకార్తాలో నెదర్లాండ్స్ రాజు విలియమ్ అలెగ్జాండర్, ఇండోనేషియా విదేశాంగ మంత్రి రెంటో మర్సూదీ ఒకరినొకరు ‘నమస్తే’తో పలకరించుకున్నారు
బార్సిలోనా, మార్చి 15: ప్రాణాంతక మహమ్మారి కరోనా వైరస్ వ్యాప్తిని కట్టడి చేయలేక ప్రపంచ దేశాలు కకావికలవుతున్నాయి. దాదాపు అన్ని దేశాలను కమ్ముకుని ఈ వైరస్ ఇప్పటివరకు దాదాపు 6వేల మందిని బలిగొంది. ప్రపంచవ్యాప్తంగా 1.50 లక్షలకు పైగా ఈ ప్రాణాంతక వ్యాధి సోకి అల్లాడుతున్నారు.