అంతర్జాతీయం
ఆ డ్రోన్‌ను మీరే అట్టిపెట్టుకోండి
S ,7 à 8 RSCA (si SASPAS) et 6 cialis pharmacie cialis rapports de stage.
వాషింగ్టన్, డిసెంబర్ 18: దక్షిణ చైనా సముద్రంలో తమ అండర్ వాటర్ డ్రోన్‌ను స్వాధీనం చేసుకున్న చైనాపై అమెరికా తదుపరి అధ్యక్షుడు డొనాల్డ్ ట్రంప్ ఆదివారం మరోసారి తీవ్రస్థాయిలో ధ్వజమెత్తారు. ‘తగిన రీతిలో’ ఈ డ్రోన్‌ను అప్పగించేందుకు చైనా అంగీకరించడంతో ఆ డ్రోన్‌ను వారే అట్టిపెట్టుకోవాలని ట్రంప్ అన్నారు. ‘చైనా దొంగిలించిన ఆ డ్రోన్ మాకు అక్కర్లేదు. దానిని చైనాయే అట్టిపెట్టుకోవాలని అమెరికా స్పష్టం చేయాలి’ అని ట్విట్టర్‌లో ట్రంప్ పేర్కొన్నారు. ఈ డ్రోన్‌ను తిరిగి తీసుకునేందుకు చైనాతో అవగాహన కుదర్చుకున్నామని అమెరికా రక్షణ శాఖ ప్రధాన కార్యాలయం ‘పెంటగాన్’ ప్రకటించిన కొద్ది గంటలకే ట్రంప్ ఈ ట్వీట్ చేశారు. దక్షిణ చైనా సముద్రంలో సర్వే నిర్వహిస్తున్న అమెరికా నావికాదళ నౌక నుంచి ఈ నెల 15వ తేదీన చైనా అక్రమంగా ఆ డ్రోన్‌ను స్వాధీనం చేసుకుందని పెంటగాన్ ఆరోపించింది. దీనిపై అమెరికా దౌత్యపరమైన ఫిర్యాదును దాఖలుచేసి, ఆ డ్రోన్‌ను తిరిగి తమకు అప్పగించాలని డిమాండ్ చేసింది. అమెరికా, చైనా మధ్య దశాబ్దాల తరబడి కొనసాగుతున్న తీవ్రమైన సైనిక ఘర్షణల్లో ఈ ఘటన ఒకటి. ఈ డ్రోన్‌ను తాము స్వాధీనం చేసుకోవడం పట్ల గగ్గోలు పెడుతున్న అమెరికాపై చైనా శనివారం తీవ్రస్థాయిలో ధ్వజమెత్తడంతో పాటు ‘తగిన రీతి’లో ఈ డ్రోన్‌ను తిరిగి అమెరికాకు అప్పగిస్తామని పేర్కొంది.
చిత్రం..మొబైల్‌లో విజయోత్సవ ర్యాలీలో మాట్లాడుతున్న ట్రంప్
Related Articles
రోమ్, మార్చి 22: ప్రపంచవ్యాప్తంగా కరోనా వైరస్ తీవ్రత మరింత జఠిలంగా మారుతోంది. దాదాపు 100 కోట్ల మంది ఇళ్లకే పరిమితమైపోయే పరిస్థితి తలెత్తింది. ఇప్పటివరకు మరణించినవారి సంఖ్య 13,444కు పెరిగింది. దాదాపు 170 దేశాల్లో ఈ వ్యాధి తీవ్రత పెరుగుతోంది. దాదాపు 35 దేశాలు లాక్ డౌన్ పరిస్థితిలోకి వెళ్లిపోయాయి.
వాషింగ్టన్: చైనా కరోనా వైరస్ విషయంలో చాలా గోప్యంగా వ్యవహరించిందని, ఈ సమాచారాన్ని సకాలంలో ప్రపంచ దేశాలతో పంచుకోలేదని అమెరికా అధ్యక్షుడు డొనాల్డ్ ట్రంప్ విమర్శించారు.
వాషింగ్టన్: కరోనా వైరస్ భయంతో అమెరికా వణికిపోతున్నది. విదేశాల నుంచి వచ్చే వారి సంఖ్యను పరిమితం చేసే దిశగా చర్యలు చేపట్టింది. అదేవిధంగా వివిధ కార్యక్రమాలనూ రద్దు చేసుకుంది. అందులో భాగంగానే స్పెయిన్ రాజు ఫెలిప్-6, రాణి లెటిజియా పర్యటనకు బ్రేక్ వేసింది.
కరోనా వైరస్ దెబ్బకు కరచాలనాలు, ఆలింగనాలు పోయి నమస్తే పెట్టడం అలవాటవుతోంది. విదేశాల్లోనూ ‘నమస్తే’ సంప్రదాయాన్ని పాటిస్తున్నారు. జకార్తాలో నెదర్లాండ్స్ రాజు విలియమ్ అలెగ్జాండర్, ఇండోనేషియా విదేశాంగ మంత్రి రెంటో మర్సూదీ ఒకరినొకరు ‘నమస్తే’తో పలకరించుకున్నారు
బార్సిలోనా, మార్చి 15: ప్రాణాంతక మహమ్మారి కరోనా వైరస్ వ్యాప్తిని కట్టడి చేయలేక ప్రపంచ దేశాలు కకావికలవుతున్నాయి. దాదాపు అన్ని దేశాలను కమ్ముకుని ఈ వైరస్ ఇప్పటివరకు దాదాపు 6వేల మందిని బలిగొంది. ప్రపంచవ్యాప్తంగా 1.50 లక్షలకు పైగా ఈ ప్రాణాంతక వ్యాధి సోకి అల్లాడుతున్నారు.