అంతర్జాతీయం
రెచ్చగొట్టొద్దు
S ,7 à 8 RSCA (si SASPAS) et 6 cialis pharmacie cialis rapports de stage.
బీజింగ్, జనవరి 16: మరికొన్ని రోజుల్లో అమెరికా అధ్యక్ష పీఠాన్ని అధిరోహించనున్న డొనాల్డ్ ట్రంప్ వ్యవహారం చైనాకు మంట పుట్టిస్తోంది. తైవాన్ విషయంలోట్రంప్ చేస్తున్న వ్యాఖ్యలపై డ్రాగన్ నిప్పులు చెరగుతోంది. ‘ఒకేచైనా’ విధానాన్ని సవాలు చేసే రీతిలో అమెరికా వ్యవహరిస్తే మాత్రం తాము చేతులు ముడుచుకుని కూర్చోబోమని ట్రంప్‌ను హెచ్చరించింది. ఒకేచైనా అంశంపై తమ ఆలోచనలు మారబోతున్నాయంటూ వాల్‌స్ట్రీట్ జర్నల్‌కు ఇచ్చిన ఓ ఇంటర్‌వ్యూలో ట్రంప్ స్పష్టం చేశారు. తైవాన్‌కు సంబంధించి ఎప్పుడూ కూడా అమెరికా ప్రత్యక్షంగా జోక్యం చేసుకున్న దాఖలాలు ఇప్పటివరకూ లేవు. అయితే అమెరికా అధ్యక్షుడిగా తన ఎన్నికను అభినందిస్తూ తైవాన్ అధ్యక్షుడు వెన్ చేసిన ఫోన్‌కు డొనాల్డ్ ట్రంప్ ప్రతిస్పందించడం చైనాకు మింగుడుపడడం లేదు. తైవాన్ అధ్యక్షుడితో ఫోన్‌లో మాట్లాడటం ద్వారా దౌత్యపరమైన నిబంధనకు ట్రంప్ తిలోదకాలిచ్చాడని చైనా భావిస్తోంది. ప్రపంచంలోనే అతిపెద్ద ఆర్థిక వ్యవస్థలుగా ఉన్న అమెరికా, చైనాల మధ్య సత్సంబంధాలను దెబ్బతీసే చర్యలు చేపట్టవద్దంటూ బీజింగ్ ఇప్పటికే హెచ్చరించింది. అయితే తాజా పరిణామం నేపథ్యంలో ఒకేచైనా విధానం విషయంలో రాజీపడేది లేదని, ట్రంప్ తన ఆలోచన మార్చుకోకుంటే దేనికైనా సిద్ధమంటూ సవాలు సంకేతాలను చైనా అందించింది.
Related Articles
రోమ్, మార్చి 22: ప్రపంచవ్యాప్తంగా కరోనా వైరస్ తీవ్రత మరింత జఠిలంగా మారుతోంది. దాదాపు 100 కోట్ల మంది ఇళ్లకే పరిమితమైపోయే పరిస్థితి తలెత్తింది. ఇప్పటివరకు మరణించినవారి సంఖ్య 13,444కు పెరిగింది. దాదాపు 170 దేశాల్లో ఈ వ్యాధి తీవ్రత పెరుగుతోంది. దాదాపు 35 దేశాలు లాక్ డౌన్ పరిస్థితిలోకి వెళ్లిపోయాయి.
వాషింగ్టన్: చైనా కరోనా వైరస్ విషయంలో చాలా గోప్యంగా వ్యవహరించిందని, ఈ సమాచారాన్ని సకాలంలో ప్రపంచ దేశాలతో పంచుకోలేదని అమెరికా అధ్యక్షుడు డొనాల్డ్ ట్రంప్ విమర్శించారు.
వాషింగ్టన్: కరోనా వైరస్ భయంతో అమెరికా వణికిపోతున్నది. విదేశాల నుంచి వచ్చే వారి సంఖ్యను పరిమితం చేసే దిశగా చర్యలు చేపట్టింది. అదేవిధంగా వివిధ కార్యక్రమాలనూ రద్దు చేసుకుంది. అందులో భాగంగానే స్పెయిన్ రాజు ఫెలిప్-6, రాణి లెటిజియా పర్యటనకు బ్రేక్ వేసింది.
కరోనా వైరస్ దెబ్బకు కరచాలనాలు, ఆలింగనాలు పోయి నమస్తే పెట్టడం అలవాటవుతోంది. విదేశాల్లోనూ ‘నమస్తే’ సంప్రదాయాన్ని పాటిస్తున్నారు. జకార్తాలో నెదర్లాండ్స్ రాజు విలియమ్ అలెగ్జాండర్, ఇండోనేషియా విదేశాంగ మంత్రి రెంటో మర్సూదీ ఒకరినొకరు ‘నమస్తే’తో పలకరించుకున్నారు
బార్సిలోనా, మార్చి 15: ప్రాణాంతక మహమ్మారి కరోనా వైరస్ వ్యాప్తిని కట్టడి చేయలేక ప్రపంచ దేశాలు కకావికలవుతున్నాయి. దాదాపు అన్ని దేశాలను కమ్ముకుని ఈ వైరస్ ఇప్పటివరకు దాదాపు 6వేల మందిని బలిగొంది. ప్రపంచవ్యాప్తంగా 1.50 లక్షలకు పైగా ఈ ప్రాణాంతక వ్యాధి సోకి అల్లాడుతున్నారు.