అంతర్జాతీయం
అమెరికా ఆంక్షలకు నిరసనగా క్షిపణులను ప్రదర్శించిన ఇరాన్
S ,7 à 8 RSCA (si SASPAS) et 6 cialis pharmacie cialis rapports de stage.
టెహరాన్, ఫిబ్రవరి 4: గత వారాంతంలో జరిపిన బాలిస్టిక్ క్షిపణి పరీక్షపై మండిపడిన అమెరికా ఇరాన్‌పై ఆంక్షలు విధించడంతో ఇరాన్ సైతం దానికి ప్రతిగా తన క్షిపణులను ప్రదర్శించింది. అమెరికా ఆంక్షలు విధించిన రెండు రోజులకే ఇరాన్ ఈ క్షిపణులను ప్రదర్శించడం గమనార్హం. ఉత్తర ఇరాన్ రాష్టమ్రైన సెమ్నాన్‌లో రివల్యూషనరీ గార్డ్స్ జరిపిన సైనిక విన్యాసాల్లో ఈ క్షిపణులను ప్రదర్శించారు. కాగా ఎలాంటి బెదిరింపులనైనా ఎదుర్కోవడానికి పూర్తిసన్నద్ధతతో ఉన్నామని చెప్పడానికి, అలాగే అమెరికా విధించిన అవమానకరమైన ఆంక్షలకు నిరసన తెలియజేసే ఉద్దేశంతోనే ఈ సైనిక విన్యాసాలు జరిపినట్లు రివల్యూషనరీ గార్డ్స్‌కు చెందిన ‘సెఫాన్యూస్’ వెబ్‌సైట్ తెలిపింది. దేశీయంగా తయారు చేసిన పలు రకాలయిన రాడార్, క్షిపణి వ్యవస్థలు, కమాండ్, కంట్రోల్ సెంటర్లు, సైబర్ యుద్ధ వ్యవస్థలను ఈ విన్యాసాల్లో ప్రదర్శించినట్లు ఆ వెబ్‌సైట్ తెలిపింది. అయితే ఈ విన్యాసాల్లో 75 కిలోమీటర్ల రేంజి సామర్థ్యం కలిగిన క్షిపణులను మాత్రమే ప్రదర్శించినట్లు ఆ తర్వాత వెబ్‌సైట్‌లో ఉంచిన క్షిపణుల జాబితాను బట్టి అర్థమవుతోంది. ప్రపంచంలోనే అత్యధికంగా ప్రభుత్వం ప్రోత్సహిస్తున్న ఉగ్రవాదం ఇరాన్‌లోనే ఉందని ఆంక్షలు విధించిన కొద్ది గంటల్లోనే అమెరికా రక్షణ కార్యాలయం పెంటగాన్ చీఫ్ జేమ్స్ మ్యాటిన్ చెప్పడం గమనార్హం. అయితే దీనికి ప్రతిగా తాము సైతం పశ్చిమాసియా ప్రాంతంలో ఉగ్రవాద ముఠాలను సమర్థించే కొంతమంది అమెరికన్లు, అమెరికా కంపెనీలపైన న్యాయపరమైన ఆంక్షలు విధిస్తామని ఇరాన్ విదేశాంగ శాఖ ఒక ప్రకటనలో తెలిపింది.
Related Articles
రోమ్, మార్చి 22: ప్రపంచవ్యాప్తంగా కరోనా వైరస్ తీవ్రత మరింత జఠిలంగా మారుతోంది. దాదాపు 100 కోట్ల మంది ఇళ్లకే పరిమితమైపోయే పరిస్థితి తలెత్తింది. ఇప్పటివరకు మరణించినవారి సంఖ్య 13,444కు పెరిగింది. దాదాపు 170 దేశాల్లో ఈ వ్యాధి తీవ్రత పెరుగుతోంది. దాదాపు 35 దేశాలు లాక్ డౌన్ పరిస్థితిలోకి వెళ్లిపోయాయి.
వాషింగ్టన్: చైనా కరోనా వైరస్ విషయంలో చాలా గోప్యంగా వ్యవహరించిందని, ఈ సమాచారాన్ని సకాలంలో ప్రపంచ దేశాలతో పంచుకోలేదని అమెరికా అధ్యక్షుడు డొనాల్డ్ ట్రంప్ విమర్శించారు.
వాషింగ్టన్: కరోనా వైరస్ భయంతో అమెరికా వణికిపోతున్నది. విదేశాల నుంచి వచ్చే వారి సంఖ్యను పరిమితం చేసే దిశగా చర్యలు చేపట్టింది. అదేవిధంగా వివిధ కార్యక్రమాలనూ రద్దు చేసుకుంది. అందులో భాగంగానే స్పెయిన్ రాజు ఫెలిప్-6, రాణి లెటిజియా పర్యటనకు బ్రేక్ వేసింది.
కరోనా వైరస్ దెబ్బకు కరచాలనాలు, ఆలింగనాలు పోయి నమస్తే పెట్టడం అలవాటవుతోంది. విదేశాల్లోనూ ‘నమస్తే’ సంప్రదాయాన్ని పాటిస్తున్నారు. జకార్తాలో నెదర్లాండ్స్ రాజు విలియమ్ అలెగ్జాండర్, ఇండోనేషియా విదేశాంగ మంత్రి రెంటో మర్సూదీ ఒకరినొకరు ‘నమస్తే’తో పలకరించుకున్నారు
బార్సిలోనా, మార్చి 15: ప్రాణాంతక మహమ్మారి కరోనా వైరస్ వ్యాప్తిని కట్టడి చేయలేక ప్రపంచ దేశాలు కకావికలవుతున్నాయి. దాదాపు అన్ని దేశాలను కమ్ముకుని ఈ వైరస్ ఇప్పటివరకు దాదాపు 6వేల మందిని బలిగొంది. ప్రపంచవ్యాప్తంగా 1.50 లక్షలకు పైగా ఈ ప్రాణాంతక వ్యాధి సోకి అల్లాడుతున్నారు.