అంతర్జాతీయం
ట్రంప్‌కు మరో ఎదురుదెబ్బ
S ,7 à 8 RSCA (si SASPAS) et 6 cialis pharmacie cialis rapports de stage.
శాన్‌ఫ్రాన్సిస్కో, ఫిబ్రవరి 10: అమెరికా అధ్యక్ష బాధ్యతలు చేపట్టిన రోజునుంచి వివాదాస్పద నిర్ణయాలతో పరిపాలన సాగిస్తున్న డొనాల్డ్‌ట్రంప్‌కు మరో ఎదురుదెబ్బ తగిలింది. ఏడు ముస్లిం దేశాల పౌరులపై ఆంక్షలు విధిస్తూ ట్రంప్ ఇచ్చిన ఆదేశాలను పునరుద్ధరించాలన్న ప్రభుత్వ అభ్యర్థనను 9వ సర్క్యూట్ అపీళ్ల కోర్టు ముక్తకంఠంతో తిరస్కరించింది. దీంతో ఈ ఏడు దేశాలకు చెందిన ముస్లింలు అమెరికాలోకి ప్రవేశించడానికి అవకాశం లభించింది. జాతీయ భద్రత దృష్ట్యా కోర్టు తక్షణమే తన ఆదేశాలను ఉపసంహరించుకోవాలని ప్రభుత్వం చేసిన వాదనను అపీళ్ల కోర్టులోని ముగ్గురు న్యాయమూర్తుల ధర్మాసనం తిరస్కరించింది. ఉత్తర్వులో పేర్కొన్న ఏ దేశంతో సంబంధం ఉన్న వ్యక్తి ఎవరైనా కూడా అమెరికాపై ఉగ్రదాడికి కుట్ర పన్నారనే విషయాన్ని నిరూపించడంలో ప్రభుత్వం విఫలమైందని బెంచ్ పేర్కొంటూ, దేశ చట్టాలకు, రాజ్యాంగానికి వ్యతిరేకంగా వెళ్లలేమని స్పష్టం చేసింది. ట్రంప్ నిషేధాజ్ఞలను నిలిపివేస్తూ సియాటిల్ డిస్ట్రిక్ట్ కోర్టు ఇచ్చిన ఆదేశాలపై ట్రంప్ ప్రభుత్వం అపీళ్ల కోర్టులో పిటిషన్ దాఖలు చేసింది. అయితే సియాటిల్ కోర్టు ఇచ్చిన ఆదేశాలను నిలిపివేయలేమని బెంచ్‌లోని ముగ్గురు న్యాయమూర్తులు ఏకగ్రీవంగా
ఇచ్చిన తీర్పులో స్పష్టం చేశారు.
కాగా, అపీళ్ల కోర్టు తీర్పుపై ట్రంప్ ట్విట్టర్‌లో తీవ్రస్థాయిలో మండిపడ్డారు. ‘మన దేశ భద్రతకు ముప్పు ఉంది.. కోర్టులో కలుసుకుంటాం’ అని ఆయన ఆ ట్వీట్‌లో వ్యాఖ్యానించారు. అంతేకాకుండా తీర్పు అనంతరం విలేఖరులతో ముచ్చటించిన ట్రంప్ ఇది రాజకీయ నిర్ణయమని, దీనిపై తాము సుప్రీంకోర్టుకు వెళ్తామని, తప్పకుండా విజయం సాధిస్తామని అన్నారు. మరోవైపు కోర్టు తీర్పుపై ట్రంప్ వ్యతిరేకులు, పౌర హక్కుల ఉద్యమ కార్యకర్తలు హర్షం వ్యక్తం చేస్తూ వేడుకలు జరుపుకొన్నారు.
Related Articles
రోమ్, మార్చి 22: ప్రపంచవ్యాప్తంగా కరోనా వైరస్ తీవ్రత మరింత జఠిలంగా మారుతోంది. దాదాపు 100 కోట్ల మంది ఇళ్లకే పరిమితమైపోయే పరిస్థితి తలెత్తింది. ఇప్పటివరకు మరణించినవారి సంఖ్య 13,444కు పెరిగింది. దాదాపు 170 దేశాల్లో ఈ వ్యాధి తీవ్రత పెరుగుతోంది. దాదాపు 35 దేశాలు లాక్ డౌన్ పరిస్థితిలోకి వెళ్లిపోయాయి.
వాషింగ్టన్: చైనా కరోనా వైరస్ విషయంలో చాలా గోప్యంగా వ్యవహరించిందని, ఈ సమాచారాన్ని సకాలంలో ప్రపంచ దేశాలతో పంచుకోలేదని అమెరికా అధ్యక్షుడు డొనాల్డ్ ట్రంప్ విమర్శించారు.
వాషింగ్టన్: కరోనా వైరస్ భయంతో అమెరికా వణికిపోతున్నది. విదేశాల నుంచి వచ్చే వారి సంఖ్యను పరిమితం చేసే దిశగా చర్యలు చేపట్టింది. అదేవిధంగా వివిధ కార్యక్రమాలనూ రద్దు చేసుకుంది. అందులో భాగంగానే స్పెయిన్ రాజు ఫెలిప్-6, రాణి లెటిజియా పర్యటనకు బ్రేక్ వేసింది.
కరోనా వైరస్ దెబ్బకు కరచాలనాలు, ఆలింగనాలు పోయి నమస్తే పెట్టడం అలవాటవుతోంది. విదేశాల్లోనూ ‘నమస్తే’ సంప్రదాయాన్ని పాటిస్తున్నారు. జకార్తాలో నెదర్లాండ్స్ రాజు విలియమ్ అలెగ్జాండర్, ఇండోనేషియా విదేశాంగ మంత్రి రెంటో మర్సూదీ ఒకరినొకరు ‘నమస్తే’తో పలకరించుకున్నారు
బార్సిలోనా, మార్చి 15: ప్రాణాంతక మహమ్మారి కరోనా వైరస్ వ్యాప్తిని కట్టడి చేయలేక ప్రపంచ దేశాలు కకావికలవుతున్నాయి. దాదాపు అన్ని దేశాలను కమ్ముకుని ఈ వైరస్ ఇప్పటివరకు దాదాపు 6వేల మందిని బలిగొంది. ప్రపంచవ్యాప్తంగా 1.50 లక్షలకు పైగా ఈ ప్రాణాంతక వ్యాధి సోకి అల్లాడుతున్నారు.