అంతర్జాతీయం
హఫీజ్ సరుూద్‌కు షాక్!
S ,7 à 8 RSCA (si SASPAS) et 6 cialis pharmacie cialis rapports de stage.
లాహోర్, ఫిబ్రవరి 21: జమాత్ ఉద్ దవా ఉగ్రవాద సంస్థ చీఫ్ హఫీజ్ సరుూద్‌కు పాకిస్తాన్ ప్రభుత్వం షాక్ ఇచ్చింది. సరుూద్, అతడి అనుచరులకు చెందిన సంస్థల ఆయుధ లైసెన్సులను పంజాబ్ ప్రభుత్వం రద్దుచేసింది. జమాత్ ఉద్ దవా సంస్థను కట్టడి చేయడంలో భాగంగా ఈ చర్యలు తీసుకున్నట్టు పంజాబ్ హోమ్ శాఖ ఓ ప్రకటనలో వెల్లడించింది. జమాత్ ఉద్ దవా (జెయుడి), ఫలా ఇ ఇన్సానియెత్ (ఎఫ్‌ఐఎఫ్) సంస్థలపై ఆంక్షలు విధించినట్టు తెలిపింది. ‘44 ఆయుధాలకు సంబంధించి లైసెన్సులు పంజాబ్ హోమ్‌శాఖ రద్దుచేసింది. భద్రతా కారణాల రీత్యా ఈ చర్యలు తీసుకుంది’ అని అధికార ప్రకటనలో పేర్కొన్నారు. జనవరి 30న సరుూద్, మరో నలుగురు ఉగ్రవాదులను లాహోర్‌లో గృహ నిర్బంధంలోకి తీసుకున్నారు. 90 రోజుల పాటు వారిని నిర్బంధంలోనే ఉంచుతారు. జెయుడి, ఎఫ్‌ఐఎఫ్ సంస్థలకు చెందిన 37 మంది సభ్యులను దేశం విడిచివెళ్లకుండా ఆంక్షలు విధించింది. హఫీజ్ సరుూద్, అతడి అనుచరులు శాంతి భద్రతలకు భంగం కలిగిస్తున్నారని ఈ చర్యలు తీసుకున్నారు. ఆ రెండు ఉగ్రవాద సంస్థలపైనా ఐరాస భద్రతా మండలిలో తీర్మానాలు చేసి ఉన్నారు. ‘హఫీజ్ సరుూద్, అబ్దుల్లా ఉబైద్, జాఫర్ ఇక్బల్, అబ్దుల్ రెహ్మాన్, అబిద్, కషీఫ్ నైజీలు శాంతి భద్రతలకు విఘాతం కల్పిస్తున్నారు’ అని పంజాబ్ హోమ్ శాఖ వెల్లడించింది. జెయుడి, ఎఫ్‌ఐఎఫ్‌లపై ఆరునెలలపాటు నిఘా పెట్టాలని ప్రభుత్వం నిర్ణయించింది.
Related Articles
రోమ్, మార్చి 22: ప్రపంచవ్యాప్తంగా కరోనా వైరస్ తీవ్రత మరింత జఠిలంగా మారుతోంది. దాదాపు 100 కోట్ల మంది ఇళ్లకే పరిమితమైపోయే పరిస్థితి తలెత్తింది. ఇప్పటివరకు మరణించినవారి సంఖ్య 13,444కు పెరిగింది. దాదాపు 170 దేశాల్లో ఈ వ్యాధి తీవ్రత పెరుగుతోంది. దాదాపు 35 దేశాలు లాక్ డౌన్ పరిస్థితిలోకి వెళ్లిపోయాయి.
వాషింగ్టన్: చైనా కరోనా వైరస్ విషయంలో చాలా గోప్యంగా వ్యవహరించిందని, ఈ సమాచారాన్ని సకాలంలో ప్రపంచ దేశాలతో పంచుకోలేదని అమెరికా అధ్యక్షుడు డొనాల్డ్ ట్రంప్ విమర్శించారు.
వాషింగ్టన్: కరోనా వైరస్ భయంతో అమెరికా వణికిపోతున్నది. విదేశాల నుంచి వచ్చే వారి సంఖ్యను పరిమితం చేసే దిశగా చర్యలు చేపట్టింది. అదేవిధంగా వివిధ కార్యక్రమాలనూ రద్దు చేసుకుంది. అందులో భాగంగానే స్పెయిన్ రాజు ఫెలిప్-6, రాణి లెటిజియా పర్యటనకు బ్రేక్ వేసింది.
కరోనా వైరస్ దెబ్బకు కరచాలనాలు, ఆలింగనాలు పోయి నమస్తే పెట్టడం అలవాటవుతోంది. విదేశాల్లోనూ ‘నమస్తే’ సంప్రదాయాన్ని పాటిస్తున్నారు. జకార్తాలో నెదర్లాండ్స్ రాజు విలియమ్ అలెగ్జాండర్, ఇండోనేషియా విదేశాంగ మంత్రి రెంటో మర్సూదీ ఒకరినొకరు ‘నమస్తే’తో పలకరించుకున్నారు
బార్సిలోనా, మార్చి 15: ప్రాణాంతక మహమ్మారి కరోనా వైరస్ వ్యాప్తిని కట్టడి చేయలేక ప్రపంచ దేశాలు కకావికలవుతున్నాయి. దాదాపు అన్ని దేశాలను కమ్ముకుని ఈ వైరస్ ఇప్పటివరకు దాదాపు 6వేల మందిని బలిగొంది. ప్రపంచవ్యాప్తంగా 1.50 లక్షలకు పైగా ఈ ప్రాణాంతక వ్యాధి సోకి అల్లాడుతున్నారు.