అంతర్జాతీయం
భారత్‌తో చర్చలు సానుకూలం
S ,7 à 8 RSCA (si SASPAS) et 6 cialis pharmacie cialis rapports de stage.
బీజింగ్, ఫిబ్రవరి 23: భారత్‌తో జరిగిన వ్యూహాత్మక చర్చలు ద్వైపాక్షిక సంబంధాలపై చెప్పుకోదగ్గ సానుకూల ప్రాధాన్యతను కలిగి ఉన్నాయని, ఈ చర్చల్లో అనేక అంశాలపై విస్తృతస్థాయిలో అంగీకరాలు కుదిరాయని చైనా పేర్కొంది. అయితే అణు సరఫరా దేశాల గ్రూపు (ఎన్‌ఎస్‌జి)లో సభ్యత్వంకోసం భారత్ చేస్తున్న ప్రయత్నాలు పాక్ ఉగ్రవాద సంస్థ జైషే మహమ్మద్ చీఫ్ మసూద్‌ను ఐక్యరాజ్య సమితి అంతర్జాతీయ ఉగ్రవాదిగా ప్రకటించేలా చూడడానికి మన దేశం చేస్తున్న ప్రయత్నాలపై ఇరుదేశాల మధ్య కొనసాగుతున్న విభేదాల గురించి మాత్రం ఎలాంటి వ్యాఖ్యా చేయలేదు. ‘ఊహించినట్లుగానే ఈ చర్చలు అనుకున్న లక్ష్యాన్ని చేరాయి. ద్వైపాక్షిక సంబంధాలపై చెప్పుకోదగ్గ సానుకూల ప్రభావాన్ని చూపించాయి’ అని భారత విదేశాంగ శాఖ కార్యదర్శి ఎస్ జైశంకర్ చైనా అధికారులతో జరిపిన చర్చలను గురువారం మీడియా సమావేశంలో విశే్లషిస్తూ చైనా విదేశాంగ శాఖ ప్రతినిధి గెంగ్ షువాంగ్ చెప్పారు. మొత్తం చర్చలు స్నేహపూర్వక వాతావరణంలో జరిగాయనేది తమ అభిప్రాయమని, ఇరుపక్షాలు కూడా లోతుగా సమగ్రంగా తమ అభిప్రాయాలను ఇచ్చిపుచ్చుకున్నాయని, అనేక అంశాలపై విస్తృతస్థాయి అంగీకారానికి వచ్చాయని ఆయన చెప్పారు. ఇరుపక్షాలు కూడా అంతర్జాతీయ పరిస్థితులు, దేశీయ, విదేశీ విధానాలు తదితర అంశాలపై సమగ్రంగా చర్చలు జరిపారని ఆయన చెప్పారు. అయితే ఎన్‌ఎస్‌జిలోకి భారత్‌ను చేర్చుకోవడాన్ని, అలాగే మసూద్ అజర్‌ను ఐక్యరాజ్య సమితి అంతర్జాతీయ ఉగ్రవాదిగా ప్రకటించేలా చూడడానికి మన దేశం చేస్తున్న ప్రయత్నాలను చైనా అడ్డుకోవడంపై మాత్రం గెంగ్ ఎలాంటి వ్యాఖ్యలు చేయకపోవడం గమనార్హం.
Related Articles
రోమ్, మార్చి 22: ప్రపంచవ్యాప్తంగా కరోనా వైరస్ తీవ్రత మరింత జఠిలంగా మారుతోంది. దాదాపు 100 కోట్ల మంది ఇళ్లకే పరిమితమైపోయే పరిస్థితి తలెత్తింది. ఇప్పటివరకు మరణించినవారి సంఖ్య 13,444కు పెరిగింది. దాదాపు 170 దేశాల్లో ఈ వ్యాధి తీవ్రత పెరుగుతోంది. దాదాపు 35 దేశాలు లాక్ డౌన్ పరిస్థితిలోకి వెళ్లిపోయాయి.
వాషింగ్టన్: చైనా కరోనా వైరస్ విషయంలో చాలా గోప్యంగా వ్యవహరించిందని, ఈ సమాచారాన్ని సకాలంలో ప్రపంచ దేశాలతో పంచుకోలేదని అమెరికా అధ్యక్షుడు డొనాల్డ్ ట్రంప్ విమర్శించారు.
వాషింగ్టన్: కరోనా వైరస్ భయంతో అమెరికా వణికిపోతున్నది. విదేశాల నుంచి వచ్చే వారి సంఖ్యను పరిమితం చేసే దిశగా చర్యలు చేపట్టింది. అదేవిధంగా వివిధ కార్యక్రమాలనూ రద్దు చేసుకుంది. అందులో భాగంగానే స్పెయిన్ రాజు ఫెలిప్-6, రాణి లెటిజియా పర్యటనకు బ్రేక్ వేసింది.
కరోనా వైరస్ దెబ్బకు కరచాలనాలు, ఆలింగనాలు పోయి నమస్తే పెట్టడం అలవాటవుతోంది. విదేశాల్లోనూ ‘నమస్తే’ సంప్రదాయాన్ని పాటిస్తున్నారు. జకార్తాలో నెదర్లాండ్స్ రాజు విలియమ్ అలెగ్జాండర్, ఇండోనేషియా విదేశాంగ మంత్రి రెంటో మర్సూదీ ఒకరినొకరు ‘నమస్తే’తో పలకరించుకున్నారు
బార్సిలోనా, మార్చి 15: ప్రాణాంతక మహమ్మారి కరోనా వైరస్ వ్యాప్తిని కట్టడి చేయలేక ప్రపంచ దేశాలు కకావికలవుతున్నాయి. దాదాపు అన్ని దేశాలను కమ్ముకుని ఈ వైరస్ ఇప్పటివరకు దాదాపు 6వేల మందిని బలిగొంది. ప్రపంచవ్యాప్తంగా 1.50 లక్షలకు పైగా ఈ ప్రాణాంతక వ్యాధి సోకి అల్లాడుతున్నారు.