అంతర్జాతీయం
పత్రికలపై ట్రంప్ అక్కసు
S ,7 à 8 RSCA (si SASPAS) et 6 cialis pharmacie cialis rapports de stage.
వాషింగ్టన్, ఫిబ్రవరి 25: అమెరికా అధ్యక్షుడు డొనాల్డ్ ట్రంప్ ఇన్నాళ్లూ తనకు వ్యతిరేకంగా వార్తలు రాసే పత్రికలపై కేవలం ఆగ్రహం వ్యక్తం చేస్తుండగా, ఇప్పుడు నేరుగా చర్యలకు దిగారు. శుక్రవారం వైట్‌హౌస్‌లో జరిగిన మీడియా సమావేశానికి న్యూయార్క్ టైమ్స్, సిఎన్‌ఎన్, బిబిసిలాంటి పలు ప్రముఖ వార్తసంస్థల ప్రతినిధులను ఆహ్వానించలేదు. పత్రికల్లో అధికభాగం అమెరికా ప్రజలకు వ్యతిరేకమని ట్రంప్ కన్సర్వేటివ్ పొలిటికల్ యాక్షన్ వార్షిక సమావేశంలో ట్రంప్ విమర్శించిన కొద్ది గంటలకే ఈ సంఘటన చోటుచేసుకోవడం గమనార్హం. వైట్‌హౌస్ ప్రెస్ సెక్రటరీ సీన్ స్పైసర్ కార్యాలయంలో జరిగిన ఈ విలేఖరుల సమావేశానికి ఆహ్వానాలు పంపని వాటిలో న్యూయార్క్ టైమ్స్, లాస్ ఏంజిల్స్ టైమ్స్, పొలిటికో, బజ్‌ఫీడ్, బిబిసి, గార్డియన్‌లాంటి ప్రముఖ వార్తాసంస్థలున్నాయి. వైట్‌హౌస్ బ్రీఫింగ్ రూమ్‌లో ప్రతిరోజూ ఆన్ కెమెరా బ్రీఫింగ్ ఉంటుండగా నిన్న మాత్రం ఆఫ్-కెమెరా బ్రీఫింగ్ నిర్వహించారు. ఈ వార్తాసంస్థలకు చెందిన రిపోర్టర్లు స్పైసర్ కార్యాలయంలోకి రావడానికి ప్రయత్నించగా, ఆహ్వానితుల జాబితాలో వారు లేనందున లోపలికి రావడానికి వీల్లేదని అక్కడున్న సిబ్బంది వారికి స్పష్టంగా చెప్పారు. కాగా, ప్రతిరోజూ ఆన్ కెమెరా సమావేశాలు జరపాల్సిన అవసరం లేదని కొన్ని ఆఫ్ కెమెరా సమావేశాలు కూడా జరుగుతుంటాయని స్పైసర్ వివరణ ఇచ్చారు.
తప్పుడు మీడియాకే వ్యతిరేకం: ట్రంప్
వాషింగ్టన్‌లో జరిగిన కన్సర్వేటివ్‌ల రాజ్యాంగ కార్యాచరణ సదస్సులో ట్రంప్ మాట్లాడుతూ తాను తప్పుడు వార్తల మీడియాకే వ్యతిరేకమని, పత్రికా స్వేచ్ఛకు వ్యతిరేకం కాదని అన్నారు. విశ్వసనీయ కథనాల పేరుతో తప్పుడు వార్తలు రాసే పత్రికలనే తాను వ్యతిరేకిస్తున్నానన్నారు. మీడియా వాస్తవాలను చెప్పకపోవడం దేశానికే ప్రమాదకరమని అన్నారు. తప్పుడు కథనాలను ఎత్తి చూపించినప్పుడల్లా వాటిని రాసే మీడియా పత్రికా స్వేచ్ఛ, భావ ప్రకటనా స్వేచ్ఛ అంటూ అమెరికా రాజ్యాంగానికి చేసిన తొలి సవరణను ఎత్తి చూపిస్తాయని, నిజానికి ఆ సవరణ అంటే తనకు ఎంతో ఇష్టమని అన్నారు. కాగా, వైట్‌హౌస్ మీడియా సమావేశాలకు కొన్ని వార్తాసంస్థల ప్రతినిధులను అనుమతించకపోవడంపై పలువురు వైట్‌హౌస్ జర్నలిస్టులు, మీడియా సంస్థలు తీవ్రంగా స్పందిస్తూ ప్రజాస్వామిక విలువలకు తీరని అవమానంగా అభివర్ణించాయి.
Related Articles
రోమ్, మార్చి 22: ప్రపంచవ్యాప్తంగా కరోనా వైరస్ తీవ్రత మరింత జఠిలంగా మారుతోంది. దాదాపు 100 కోట్ల మంది ఇళ్లకే పరిమితమైపోయే పరిస్థితి తలెత్తింది. ఇప్పటివరకు మరణించినవారి సంఖ్య 13,444కు పెరిగింది. దాదాపు 170 దేశాల్లో ఈ వ్యాధి తీవ్రత పెరుగుతోంది. దాదాపు 35 దేశాలు లాక్ డౌన్ పరిస్థితిలోకి వెళ్లిపోయాయి.
వాషింగ్టన్: చైనా కరోనా వైరస్ విషయంలో చాలా గోప్యంగా వ్యవహరించిందని, ఈ సమాచారాన్ని సకాలంలో ప్రపంచ దేశాలతో పంచుకోలేదని అమెరికా అధ్యక్షుడు డొనాల్డ్ ట్రంప్ విమర్శించారు.
వాషింగ్టన్: కరోనా వైరస్ భయంతో అమెరికా వణికిపోతున్నది. విదేశాల నుంచి వచ్చే వారి సంఖ్యను పరిమితం చేసే దిశగా చర్యలు చేపట్టింది. అదేవిధంగా వివిధ కార్యక్రమాలనూ రద్దు చేసుకుంది. అందులో భాగంగానే స్పెయిన్ రాజు ఫెలిప్-6, రాణి లెటిజియా పర్యటనకు బ్రేక్ వేసింది.
కరోనా వైరస్ దెబ్బకు కరచాలనాలు, ఆలింగనాలు పోయి నమస్తే పెట్టడం అలవాటవుతోంది. విదేశాల్లోనూ ‘నమస్తే’ సంప్రదాయాన్ని పాటిస్తున్నారు. జకార్తాలో నెదర్లాండ్స్ రాజు విలియమ్ అలెగ్జాండర్, ఇండోనేషియా విదేశాంగ మంత్రి రెంటో మర్సూదీ ఒకరినొకరు ‘నమస్తే’తో పలకరించుకున్నారు
బార్సిలోనా, మార్చి 15: ప్రాణాంతక మహమ్మారి కరోనా వైరస్ వ్యాప్తిని కట్టడి చేయలేక ప్రపంచ దేశాలు కకావికలవుతున్నాయి. దాదాపు అన్ని దేశాలను కమ్ముకుని ఈ వైరస్ ఇప్పటివరకు దాదాపు 6వేల మందిని బలిగొంది. ప్రపంచవ్యాప్తంగా 1.50 లక్షలకు పైగా ఈ ప్రాణాంతక వ్యాధి సోకి అల్లాడుతున్నారు.