అంతర్జాతీయం
భయం వద్దు.. మేమున్నాం!
S ,7 à 8 RSCA (si SASPAS) et 6 cialis pharmacie cialis rapports de stage.
హూస్టన్, ఫిబ్రవరి 27: అమెరికాలో జాత్యహంకారానికి బలయిన హైదరాబాద్ టెకీ శ్రీనివాస్ కూచిభొట్లకు ఆదివారం రాత్రి కన్సాస్ సిటీలో వందలాది మంది నివాళులు అర్పించారు. శాంతి, ఐకమత్యం కావాలనే నినాదాలతో కూడిన ప్లకార్డులను చేతబట్టుకొని వారు ప్రదర్శనలో పాల్గొన్నారు. అమెరికన్ నేవీకి చెందిన 51 ఏళ్ల ఆడం పురింటన్ తుపాకి గుళ్లకు బలయిన శ్రీనివాస్ చిత్రాలను, బ్యానర్లను చేతపట్టుకొని ప్రదర్శకులు ముందుకు సాగారు. ‘మాకు శాంతి కావాలి. మేము శాంతిని ప్రేమిస్తున్నాం. మా పిల్లలను వదలి మమ్మల్ని వెళ్లగొట్టకండి. సమాజంలో సమైక్యత భాగం. కలసి నిలబడదాం- విడిపోతే పడిపోతాం’ అంటూ నినదించారు. ప్రదర్శకుల్లో అనేకమంది చేతుల్లో కొవ్వొత్తులు పట్టుకున్నారు. ‘విద్వేష రాజకీయాలకు మేము మద్దతివ్వం’ అనే నినాదాలు రాసిన బ్యానర్లను ప్రదర్శించారు. పురింటన్ జరిపిన కాల్పుల్లో గాయపడిన శ్రీనివాస్ స్నేహితుడు అలోక్ మాడసాని, పురింటన్‌ను అడ్డుకోబోయి కాల్పుల్లో గాయపడిన అమెరికన్ ఇయాన్ గ్రిల్లట్ సోదరీమణులు కూడా శ్రీనివాస్‌కు నివాళులు అర్పించేందుకు నిర్వహించిన ఈ శాంతి ర్యాలీలో పాల్గొన్నారు. అలోక్ మాడసాని ఊతకర్ర సాయంతోనే ర్యాలీకి వచ్చారు. కన్సాస్ లెఫ్టినెంట్ గవర్నర్ జెఫ్ కోలియర్, అమెరికా కాంగ్రెస్ సభ్యుడు కెవిన్ యోడర్, ఓలాథ్ మేయర్ మైక్ కోప్‌ల్యాండ్, ఓలాథ్ పోలీస్ చీఫ్ స్టీవెన్ మెంకె, ఇతర ప్రభుత్వ అధికారులు శ్రీనివాస్‌కు నివాళులు అర్పించేందుకు నిర్వహించిన ప్రార్థన సమావేశంలో పాల్గొన్నారు. కన్సాస్ సిటీలోని ‘ద హిందూ టెంపుల్ అండ్ కల్చరల్ సెంటర్’లో వివిధ మతాలకు చెందిన పురోహితులు శ్రీనివాస్ ఆత్మకు శాంతి చేకూరాలని ప్రార్థించారు. హిందూ, క్రిస్టియన్, జెవిష్, ముస్లిం, సిక్కు మతాలకు చెందిన ప్రార్థనలతో ప్రారంభమయిన ఈ కార్యక్రమం ప్రజలు జాన్ లెన్నోన్‌కు చెందిన ‘ఇమాజిన్’ను పాడటంతో ముగిసింది. అంతకుముందు కార్యక్రమానికి తరలివచ్చిన ప్రజలను ఉద్దేశించి అలోక్ మాడసాని మాట్లాడుతూ శ్రీనివాస్‌తో తన జ్ఞాపకాలను నెమరువేసుకున్నారు. శ్రీనివాస్ ఎంతో కరుణామయుడని, ఇతరులను ఎంతో ప్రేమించేవాడని ఆయన పేర్కొన్నారు. పొరపాటున కూడా విద్వేష వ్యాఖ్యలు చేసేవాడు కాదని, నిర్లక్ష్యంగా మాట్లాడేవాడు కాదని చెప్పారు.
ఇలాంటి సంఘటనలు మళ్లీ జరుగకుండా ఉండేందుకు సమాధానాలు వెతకడం వంటి అనేక కారణాల రీత్యా తాను ఇక్కడికి వచ్చానని లెఫ్టినెంట్ గవర్నర్ కోల్‌యెర్ అన్నారు. దుష్టశక్తులపై మనం పైచేయి సాధిస్తామని, ఈ చీకట్ల నుంచి వెలుగుల్లోకి వెళ్తామని ఆయన భరోసా ఇచ్చారు. ఇలాంటి చెదురుమదురు చెడు సంఘటనలను అధిగమిస్తామని, ఒక పెద్ద, బలమైన కమ్యూనిటీగా జీవిస్తామని, ప్రపంచాన్ని మారుస్తామని ఆయన భారతీయ సంతతికి చెందిన ప్రజలకు భరోసా ఇచ్చారు. బాధిత కుటుంబాన్ని ఆదుకోవడానికి ప్రపంచ వ్యాప్తంగా వేలాది మంది ముందుకొచ్చారు. ‘గోఫండ్‌మి’ ఒక మిలియన్ డాలర్ల విరాళాలను సేకరించింది. బాధితుల కుటుంబాల వైద్యం ఖర్చులకోసం వీటిని ఉపయోగిస్తారు.
చిత్రాలు..
అమెరికాలో జాత్యహంకారానికి బలయిన హైదరాబాద్ టెకీ శ్రీనివాస్ కూచిభొట్లకు
కాన్సాస్ సిటీవాసులు పెద్దఎత్తున నివాళి అర్పించారు. శాంతి, ఐకమత్యం కావాలనే
నినాదాలతో కూడిన ప్లకార్డులను ప్రదర్శిస్తూ నిర్వహిస్తున్న ర్యాలీ
* శాంతిర్యాలీలో పాల్గొన్న అలోక్ మాడసాని
Related Articles
రోమ్, మార్చి 22: ప్రపంచవ్యాప్తంగా కరోనా వైరస్ తీవ్రత మరింత జఠిలంగా మారుతోంది. దాదాపు 100 కోట్ల మంది ఇళ్లకే పరిమితమైపోయే పరిస్థితి తలెత్తింది. ఇప్పటివరకు మరణించినవారి సంఖ్య 13,444కు పెరిగింది. దాదాపు 170 దేశాల్లో ఈ వ్యాధి తీవ్రత పెరుగుతోంది. దాదాపు 35 దేశాలు లాక్ డౌన్ పరిస్థితిలోకి వెళ్లిపోయాయి.
వాషింగ్టన్: చైనా కరోనా వైరస్ విషయంలో చాలా గోప్యంగా వ్యవహరించిందని, ఈ సమాచారాన్ని సకాలంలో ప్రపంచ దేశాలతో పంచుకోలేదని అమెరికా అధ్యక్షుడు డొనాల్డ్ ట్రంప్ విమర్శించారు.
వాషింగ్టన్: కరోనా వైరస్ భయంతో అమెరికా వణికిపోతున్నది. విదేశాల నుంచి వచ్చే వారి సంఖ్యను పరిమితం చేసే దిశగా చర్యలు చేపట్టింది. అదేవిధంగా వివిధ కార్యక్రమాలనూ రద్దు చేసుకుంది. అందులో భాగంగానే స్పెయిన్ రాజు ఫెలిప్-6, రాణి లెటిజియా పర్యటనకు బ్రేక్ వేసింది.
కరోనా వైరస్ దెబ్బకు కరచాలనాలు, ఆలింగనాలు పోయి నమస్తే పెట్టడం అలవాటవుతోంది. విదేశాల్లోనూ ‘నమస్తే’ సంప్రదాయాన్ని పాటిస్తున్నారు. జకార్తాలో నెదర్లాండ్స్ రాజు విలియమ్ అలెగ్జాండర్, ఇండోనేషియా విదేశాంగ మంత్రి రెంటో మర్సూదీ ఒకరినొకరు ‘నమస్తే’తో పలకరించుకున్నారు
బార్సిలోనా, మార్చి 15: ప్రాణాంతక మహమ్మారి కరోనా వైరస్ వ్యాప్తిని కట్టడి చేయలేక ప్రపంచ దేశాలు కకావికలవుతున్నాయి. దాదాపు అన్ని దేశాలను కమ్ముకుని ఈ వైరస్ ఇప్పటివరకు దాదాపు 6వేల మందిని బలిగొంది. ప్రపంచవ్యాప్తంగా 1.50 లక్షలకు పైగా ఈ ప్రాణాంతక వ్యాధి సోకి అల్లాడుతున్నారు.