అంతర్జాతీయం
పురింటన్‌పై విచారణ
S ,7 à 8 RSCA (si SASPAS) et 6 cialis pharmacie cialis rapports de stage.
హ్యూస్టన్, ఫిబ్రవరి 28: కాన్సాస్ బార్‌లో కాల్పులు జరిపి భారతీయ ఇంజనీర్ కూచిభొట్ల శ్రీనివాస్ మృతికి కారకుడైన అమెరికా నేవీ మాజీ ఉద్యోగి ఆడమ్ పురింటన్ (51)ను న్యాయస్థానంలో ప్రవేశపెట్టారు. జాన్స్ కౌంటీ డిస్ట్రిక్ట్ జడ్జి నిందితుడిని వీడియో కాన్ఫరెన్స్ ద్వారా విచారించారు. ప్యూరింటన్ ఇద్దరు ఇండియన్ ఇంజనీర్లపై కాల్పులు జరిపాడు. ఈ ఘటనలో శ్రీనివాస్ అక్కడికక్కడే మృతిచెందారు. అలోక్ మేడసాని అనే మరో ఇంజనీర్ గాయపడ్డారు. పురింటన్‌ను అడ్డుకోబోయిన 24 ఏళ్ల అమెరికన్ ఇయాన్ గ్రిలోట్ కూడా గాయపడ్డ సంగతి తెలిసిందే. ఒలాథేలోని ఆస్టిన్ బార్ అండ్ గ్రిల్‌లో చోటుచేసుకున్న ఈ సంఘటన ప్రపంచ వ్యాప్తంగా తీవ్ర సంచలనం రేపింది. బార్‌లో ఇద్దరు భారతీయ ఇంజనీర్లతో వాగ్వివాదానికి దిగిన పురింటన్ ఉద్దేశపూర్వంగానే తుపాకీతో కాల్పులు జరిపాడు. మీరు ఏ దేశస్తులు అని అడిగి మరీ ‘ మా దేశం నుంచి వెళ్లిపోండి’ అంటూ తుపాకీ గుళ్లు కురిపించాడు. నిందితుడు పురింటన్‌పై రెండు కేసులను నమోదు చేశారు. అతడిపై నేరం రుజువైతే 50 ఏళ్ల వరకూ జైలుశిక్ష పడే అవకాశం ఉందని జాన్సన్ కౌంటీ డిస్ట్రిక్ట్ కోర్టు అటార్నీ స్టీవ్ హొవే స్పష్టం చేశారు. ఇండియన్-అమెరికన్లను తీవ్రంగా కలిచివేసిన కాల్పుల కేసు విచారణలో స్థానిక పోలీసులకు ఎఫ్‌బిఐ సహకారం అందిస్తోంది. వందలాది మంది భారతీయ విద్యార్థులు ఒలాథే ఘటనపై ఆందోళన చెందుతున్నారు. విద్వేషంతోనే పురింటన్ ఈ ఘాతుకానికి పాల్పడినట్టు రుజవైన పక్షంలో శిక్ష తీవ్రంగానే ఉంటుంది. నిందితుడు పురింటన్ ప్రస్తుతం జాన్సన్ కౌంటీ జైలులోనే ఉన్నాడు. ఇద్దరు ఇంజనీర్లపై కాల్పులు జరిపిన కొద్ది గంటల్లోనే నిందితుడిని పట్టుకున్నారు.
Related Articles
రోమ్, మార్చి 22: ప్రపంచవ్యాప్తంగా కరోనా వైరస్ తీవ్రత మరింత జఠిలంగా మారుతోంది. దాదాపు 100 కోట్ల మంది ఇళ్లకే పరిమితమైపోయే పరిస్థితి తలెత్తింది. ఇప్పటివరకు మరణించినవారి సంఖ్య 13,444కు పెరిగింది. దాదాపు 170 దేశాల్లో ఈ వ్యాధి తీవ్రత పెరుగుతోంది. దాదాపు 35 దేశాలు లాక్ డౌన్ పరిస్థితిలోకి వెళ్లిపోయాయి.
వాషింగ్టన్: చైనా కరోనా వైరస్ విషయంలో చాలా గోప్యంగా వ్యవహరించిందని, ఈ సమాచారాన్ని సకాలంలో ప్రపంచ దేశాలతో పంచుకోలేదని అమెరికా అధ్యక్షుడు డొనాల్డ్ ట్రంప్ విమర్శించారు.
వాషింగ్టన్: కరోనా వైరస్ భయంతో అమెరికా వణికిపోతున్నది. విదేశాల నుంచి వచ్చే వారి సంఖ్యను పరిమితం చేసే దిశగా చర్యలు చేపట్టింది. అదేవిధంగా వివిధ కార్యక్రమాలనూ రద్దు చేసుకుంది. అందులో భాగంగానే స్పెయిన్ రాజు ఫెలిప్-6, రాణి లెటిజియా పర్యటనకు బ్రేక్ వేసింది.
కరోనా వైరస్ దెబ్బకు కరచాలనాలు, ఆలింగనాలు పోయి నమస్తే పెట్టడం అలవాటవుతోంది. విదేశాల్లోనూ ‘నమస్తే’ సంప్రదాయాన్ని పాటిస్తున్నారు. జకార్తాలో నెదర్లాండ్స్ రాజు విలియమ్ అలెగ్జాండర్, ఇండోనేషియా విదేశాంగ మంత్రి రెంటో మర్సూదీ ఒకరినొకరు ‘నమస్తే’తో పలకరించుకున్నారు
బార్సిలోనా, మార్చి 15: ప్రాణాంతక మహమ్మారి కరోనా వైరస్ వ్యాప్తిని కట్టడి చేయలేక ప్రపంచ దేశాలు కకావికలవుతున్నాయి. దాదాపు అన్ని దేశాలను కమ్ముకుని ఈ వైరస్ ఇప్పటివరకు దాదాపు 6వేల మందిని బలిగొంది. ప్రపంచవ్యాప్తంగా 1.50 లక్షలకు పైగా ఈ ప్రాణాంతక వ్యాధి సోకి అల్లాడుతున్నారు.