అంతర్జాతీయం
ఒబామా నా ఫోన్ ట్యాప్ చేశారు
S ,7 à 8 RSCA (si SASPAS) et 6 cialis pharmacie cialis rapports de stage.
వాషింగ్టన్, మార్చి 4: నిత్యం వివాదాస్పద ప్రకటనలు చేస్తూ వార్తల్లోకి ఎక్కుతున్న అమెరికా అధ్యక్షుడు డొనాల్డ్ ట్రంప్ మరో వివాదాస్పద ప్రకటన చేశారు. తనకన్నా ముందు అధ్యక్షుడుగా ఉండిన బరాక్ ఒబామా అధ్యక్ష ఎన్నికలకు ముందు న్యూయార్క్‌లోని తన కార్యాలయం ఫోన్‌ను ట్యాపింగ్ చేశారని ఆయన ఆరోపించారు. అంతేకాదు, ఈ వ్యవహారాన్ని ఆయన ‘వాటర్‌గేట్’ కుంభకోణంతో పోల్చారు. శనివారం ట్విట్టర్‌లో ఈ ఆరోపణలు చేసిన ట్రంప్ తన ఆరోపణకు తగిన ఆధారాలను మాత్రం తెలపలేదు. అంతేకాదు తన కార్యాలయాన్ని ట్యాప్ చేయరాదని కోర్టు ఇచ్చిన ఆదేశాలను ఒబామా ధిక్కరించారని కూడా ఆయన పేర్కొన్నారు. న్యూయార్క్‌లోని తన కార్యాలయం ఫోన్లు ట్యాప్ చేయడాన్ని 1970 దశకం ప్రారంభంలో జరిగిన వాటర్ గేట్ కుంభకోణంతో పోల్చిన ట్రంప్ ఒబామాను ‘దుష్టబుద్ధి’గా అభివర్ణించారు కూడా.
కాగా, అధ్యక్ష ఎన్నికల ప్రచారం సమయంలో రష్యా రాయబారిని కలిసినట్లుగా ఆరోపణలు ఎదుర్కొంటున్న అమెరికా అటార్నీ జనరల్ జెఫ్ సెషన్స్‌ను కూడా ట్రంప్ మరో ట్వీట్‌లో గట్టిగా సమర్థించారు. సెషన్స్‌ను కలిసిన రష్యా రాయబారి ఒబామా వైట్‌హౌస్‌ను 22 సార్లు సందర్శించారని ఆయన ప్రత్యారోపణ చేశారు. కాగా, ట్రంప్ చేసిన ఆరోపణలపై ఒబామా కార్యాలయం వెంటనే స్పందించలేదు.
Related Articles
రోమ్, మార్చి 22: ప్రపంచవ్యాప్తంగా కరోనా వైరస్ తీవ్రత మరింత జఠిలంగా మారుతోంది. దాదాపు 100 కోట్ల మంది ఇళ్లకే పరిమితమైపోయే పరిస్థితి తలెత్తింది. ఇప్పటివరకు మరణించినవారి సంఖ్య 13,444కు పెరిగింది. దాదాపు 170 దేశాల్లో ఈ వ్యాధి తీవ్రత పెరుగుతోంది. దాదాపు 35 దేశాలు లాక్ డౌన్ పరిస్థితిలోకి వెళ్లిపోయాయి.
వాషింగ్టన్: చైనా కరోనా వైరస్ విషయంలో చాలా గోప్యంగా వ్యవహరించిందని, ఈ సమాచారాన్ని సకాలంలో ప్రపంచ దేశాలతో పంచుకోలేదని అమెరికా అధ్యక్షుడు డొనాల్డ్ ట్రంప్ విమర్శించారు.
వాషింగ్టన్: కరోనా వైరస్ భయంతో అమెరికా వణికిపోతున్నది. విదేశాల నుంచి వచ్చే వారి సంఖ్యను పరిమితం చేసే దిశగా చర్యలు చేపట్టింది. అదేవిధంగా వివిధ కార్యక్రమాలనూ రద్దు చేసుకుంది. అందులో భాగంగానే స్పెయిన్ రాజు ఫెలిప్-6, రాణి లెటిజియా పర్యటనకు బ్రేక్ వేసింది.
కరోనా వైరస్ దెబ్బకు కరచాలనాలు, ఆలింగనాలు పోయి నమస్తే పెట్టడం అలవాటవుతోంది. విదేశాల్లోనూ ‘నమస్తే’ సంప్రదాయాన్ని పాటిస్తున్నారు. జకార్తాలో నెదర్లాండ్స్ రాజు విలియమ్ అలెగ్జాండర్, ఇండోనేషియా విదేశాంగ మంత్రి రెంటో మర్సూదీ ఒకరినొకరు ‘నమస్తే’తో పలకరించుకున్నారు
బార్సిలోనా, మార్చి 15: ప్రాణాంతక మహమ్మారి కరోనా వైరస్ వ్యాప్తిని కట్టడి చేయలేక ప్రపంచ దేశాలు కకావికలవుతున్నాయి. దాదాపు అన్ని దేశాలను కమ్ముకుని ఈ వైరస్ ఇప్పటివరకు దాదాపు 6వేల మందిని బలిగొంది. ప్రపంచవ్యాప్తంగా 1.50 లక్షలకు పైగా ఈ ప్రాణాంతక వ్యాధి సోకి అల్లాడుతున్నారు.