అంతర్జాతీయం
706 క్యారెట్ల భారీ వజ్రం
S ,7 à 8 RSCA (si SASPAS) et 6 cialis pharmacie cialis rapports de stage.
ఫ్రీటౌన్, మార్చి 17: పశ్చిమ ఆఫ్రికాలోని సియారా లియోన్ దేశంలో 706 క్యారెట్ల భారీ వజ్రం లభించింది. వజ్రాలు అధికంగా లభించే కోనో ప్రాంతంలో క్రిస్టియన్ పాస్టర్‌గా పని చేస్తున్న ఇమానుయేల్ మోమోహ్ అనే అతనికి ఈ వజ్రం లభించింది. ఇమానుయేల్ ఈ వజ్రాన్ని దేశాధ్యక్షుడు డాక్టర్ ఎర్నెస్ట్ బాయ్ కొరోమోనోకు బహూకరించినట్లు ప్రభుత్వం ఒక ప్రకటనలో తెలియజేసింది. అత్యంత విలువైన ఈ వజ్రాన్ని దేశం వెలుపలకు అక్రమంగా తరలించకుండా ప్రభుత్వానికి అందజేసినందుకు ఇమానుయేల్‌కు అధ్యక్షుడు కృతజ్ఞతలు తెలియజేస్తూ, దేశ ప్రయోజనాల కోసం ఈ వజ్రాన్ని పారదర్శకంగా వేలం వేయనున్నట్లు చెప్పారని ఆ ప్రకటన తెలిపింది. సియారా లియోన్‌లో వజ్రాల అక్రమ రవాణా ఎక్కువ. కాగా, ప్రపంచంలోనే అత్యంత విలువైన పది వజ్రాల్లో ఇదొకటని, ఓ చిన్న గనిలో ఇలాంటి భారీ వజ్రం దొరకడం చాలా అరుదని వజ్రాల ఎగుమతిదారుడు పౌల్ జిమ్నిస్కీ అంటున్నారు. ఈ వజ్రంలో లోపాలను, రంగును ప్రొఫెషనల్‌గా అంచనా వేసిన తర్వాత మాత్రమే దీని విలువను నిర్ణయించడం సాధ్యం అవుతుంది. కాగా, 2015లో బోట్స్‌వానాలోని ఓ గనిలో 1,111 క్యారెట్ల భారీ వజ్రం లభించింది. ఈ శతాబ్ద కాలంలో లభించిన అతి పెద్ద వజ్రం ఇదే. అయితే 1905లో దక్షిణాఫ్రికాలో కనుగొన్న 3,106 క్యారెట్ల కల్లినన్ డైమండే ఇప్పటివరకు కనుగొన్న వజ్రాలన్నిటిలోకి అతి పెద్దది.
చిత్రం.. 706 క్యారెట్ల భారీ వజ్రం
Related Articles
రోమ్, మార్చి 22: ప్రపంచవ్యాప్తంగా కరోనా వైరస్ తీవ్రత మరింత జఠిలంగా మారుతోంది. దాదాపు 100 కోట్ల మంది ఇళ్లకే పరిమితమైపోయే పరిస్థితి తలెత్తింది. ఇప్పటివరకు మరణించినవారి సంఖ్య 13,444కు పెరిగింది. దాదాపు 170 దేశాల్లో ఈ వ్యాధి తీవ్రత పెరుగుతోంది. దాదాపు 35 దేశాలు లాక్ డౌన్ పరిస్థితిలోకి వెళ్లిపోయాయి.
వాషింగ్టన్: చైనా కరోనా వైరస్ విషయంలో చాలా గోప్యంగా వ్యవహరించిందని, ఈ సమాచారాన్ని సకాలంలో ప్రపంచ దేశాలతో పంచుకోలేదని అమెరికా అధ్యక్షుడు డొనాల్డ్ ట్రంప్ విమర్శించారు.
వాషింగ్టన్: కరోనా వైరస్ భయంతో అమెరికా వణికిపోతున్నది. విదేశాల నుంచి వచ్చే వారి సంఖ్యను పరిమితం చేసే దిశగా చర్యలు చేపట్టింది. అదేవిధంగా వివిధ కార్యక్రమాలనూ రద్దు చేసుకుంది. అందులో భాగంగానే స్పెయిన్ రాజు ఫెలిప్-6, రాణి లెటిజియా పర్యటనకు బ్రేక్ వేసింది.
కరోనా వైరస్ దెబ్బకు కరచాలనాలు, ఆలింగనాలు పోయి నమస్తే పెట్టడం అలవాటవుతోంది. విదేశాల్లోనూ ‘నమస్తే’ సంప్రదాయాన్ని పాటిస్తున్నారు. జకార్తాలో నెదర్లాండ్స్ రాజు విలియమ్ అలెగ్జాండర్, ఇండోనేషియా విదేశాంగ మంత్రి రెంటో మర్సూదీ ఒకరినొకరు ‘నమస్తే’తో పలకరించుకున్నారు
బార్సిలోనా, మార్చి 15: ప్రాణాంతక మహమ్మారి కరోనా వైరస్ వ్యాప్తిని కట్టడి చేయలేక ప్రపంచ దేశాలు కకావికలవుతున్నాయి. దాదాపు అన్ని దేశాలను కమ్ముకుని ఈ వైరస్ ఇప్పటివరకు దాదాపు 6వేల మందిని బలిగొంది. ప్రపంచవ్యాప్తంగా 1.50 లక్షలకు పైగా ఈ ప్రాణాంతక వ్యాధి సోకి అల్లాడుతున్నారు.