అంతర్జాతీయం
‘గోడ’కు డిజైన్లు ఇవ్వండి
S ,7 à 8 RSCA (si SASPAS) et 6 cialis pharmacie cialis rapports de stage.
వాషింగ్టన్, మార్చి 20: అమెరికా అధ్యక్షుడు డొనాల్డ్ ట్రంప్ తమ దేశానికి మెక్సికోతో ఉన్న సరిహద్దు పొడవునా అందమైన పెద్ద గోడను నిర్మించడానికి కసరత్తు చేస్తున్నారని ఆయన పాలనా యంత్రాంగం తెలిపింది. ఈ గోడ చాలా ఎత్తుగా ఎవరూ ఎక్కడానికి వీలులేకుండా, ఈ గోడలోకి ఏ పరికరమూ చొరబడకుండా గట్టిగా ఉండాలని ఆయన భావిస్తున్నారని పేర్కొంది. అనేక మిలియన్ డాలర్ల వ్యయంతో కూడిన ఈ గోడ నిర్మాణ ప్రాజెక్టు వేలం ప్రక్రియను ప్రారంభించడానికి ట్రంప్ పాలనా యంత్రాంగం సన్నాహాలు చేస్తోంది. ఈ గోడకు ఉండవలసిన లక్షణాలను వెల్లడించింది. అమెరికా చరిత్రలోనే ప్రభుత్వం నిర్మించిన అతిపెద్ద ప్రాజెక్టుల్లో ఒకటిగా ఈ ప్రాజెక్టు నిలిచిపోనున్నది. ఈ గోడ చాలాఎత్తుగా, గంభీరంగా, చూచేవారికి కన్నులపండువగా ఉండాలని కాంట్రాక్టర్లకోసం జారీ చేసిన నోటీసులో కస్టమ్స్ అండ్ బోర్డర్ ప్రొటెక్షన్ పేర్కొంది. కనీసం 18 అడుగుల ఎత్తుతో డిజైన్లు ఉండాలని అధికారులు పేర్కొన్నారు. మెక్సికోతో 3,100 కిలోమీటర్ల పొడవు సరిహద్దు ఉన్నప్పటికీ, 1,600 కిలో మీటర్ల పొడవున గోడను నిర్మించనున్నారు. మిగతా భాగంలో ప్రకృతి సిద్ధమైన ఆటంకాలు వలసదారులకు అడ్డుగోడగా ఉన్నాయి. ఎక్కడానికి ఉపయోగించే అధునాతనమైన గ్రాప్లింగ్ హుక్‌లు వినియోగించేందుకు వీలులేకుండా గోడను నిర్మించాలని సూచించారని సిఎన్‌ఎన్ తెలిపింది. ఈ గోడ నిర్మాణానికి ఉపయోగించే సామగ్రి అంతా సాధ్యమైనంత వరకు అమెరికాలో తయారయినదే ఉండాలని పేర్కొన్నారు. అధ్యక్ష ఎన్నికల సందర్భంగా ట్రంప్ ఇచ్చిన ప్రధాన హామీలలో ఈ గోడ నిర్మాణం ఒకటి. ఈ గోడకు అయ్యే వ్యయంలో మెక్సికో కొంత భరించాలని ట్రంప్ అంటున్నారు. అయితే ఏమాత్రం చెల్లించబోమని మెక్సికో అధ్యక్షుడు ఎన్‌రిక్ పెనా నిటో పేర్కొంటున్నారు.
కిమ్ జోంగ్‌ది దుష్ట ప్రవర్తన: ట్రంప్
ఉత్తర కొరియా నేత కిమ్ జోంగ్ ఉన్ దుష్టుడిగా ప్రవర్తిస్తున్నారని అమెరికా అధ్యక్షుడు డొనాల్డ్ ట్రంప్ విమర్శించారు. ఉత్తర కొరియా ఒక రాకెట్ ఇంజన్‌ను పరీక్షించిన కొన్ని గంటల తరువాత ట్రంప్ ఈ వ్యాఖ్యలు చేశారు. ట్రంప్ అమెరికా జాతీయ భద్రత అధికారులతో ఉత్తర కొరియా, చైనాలపై సమీక్ష సమావేశం నిర్వహించిన అనంతరం విలేఖరులతో మాట్లాడుతూ ఈ వ్యాఖ్యలు చేశారు. అధ్యక్షుడు మిలిటరీ అధికారులతోనూ సమావేశమయ్యారని వైట్ హౌస్ ఒక ప్రకటనలో తెలిపింది.
Related Articles
రోమ్, మార్చి 22: ప్రపంచవ్యాప్తంగా కరోనా వైరస్ తీవ్రత మరింత జఠిలంగా మారుతోంది. దాదాపు 100 కోట్ల మంది ఇళ్లకే పరిమితమైపోయే పరిస్థితి తలెత్తింది. ఇప్పటివరకు మరణించినవారి సంఖ్య 13,444కు పెరిగింది. దాదాపు 170 దేశాల్లో ఈ వ్యాధి తీవ్రత పెరుగుతోంది. దాదాపు 35 దేశాలు లాక్ డౌన్ పరిస్థితిలోకి వెళ్లిపోయాయి.
వాషింగ్టన్: చైనా కరోనా వైరస్ విషయంలో చాలా గోప్యంగా వ్యవహరించిందని, ఈ సమాచారాన్ని సకాలంలో ప్రపంచ దేశాలతో పంచుకోలేదని అమెరికా అధ్యక్షుడు డొనాల్డ్ ట్రంప్ విమర్శించారు.
వాషింగ్టన్: కరోనా వైరస్ భయంతో అమెరికా వణికిపోతున్నది. విదేశాల నుంచి వచ్చే వారి సంఖ్యను పరిమితం చేసే దిశగా చర్యలు చేపట్టింది. అదేవిధంగా వివిధ కార్యక్రమాలనూ రద్దు చేసుకుంది. అందులో భాగంగానే స్పెయిన్ రాజు ఫెలిప్-6, రాణి లెటిజియా పర్యటనకు బ్రేక్ వేసింది.
కరోనా వైరస్ దెబ్బకు కరచాలనాలు, ఆలింగనాలు పోయి నమస్తే పెట్టడం అలవాటవుతోంది. విదేశాల్లోనూ ‘నమస్తే’ సంప్రదాయాన్ని పాటిస్తున్నారు. జకార్తాలో నెదర్లాండ్స్ రాజు విలియమ్ అలెగ్జాండర్, ఇండోనేషియా విదేశాంగ మంత్రి రెంటో మర్సూదీ ఒకరినొకరు ‘నమస్తే’తో పలకరించుకున్నారు
బార్సిలోనా, మార్చి 15: ప్రాణాంతక మహమ్మారి కరోనా వైరస్ వ్యాప్తిని కట్టడి చేయలేక ప్రపంచ దేశాలు కకావికలవుతున్నాయి. దాదాపు అన్ని దేశాలను కమ్ముకుని ఈ వైరస్ ఇప్పటివరకు దాదాపు 6వేల మందిని బలిగొంది. ప్రపంచవ్యాప్తంగా 1.50 లక్షలకు పైగా ఈ ప్రాణాంతక వ్యాధి సోకి అల్లాడుతున్నారు.