అంతర్జాతీయం
సిరియాలో విషవాయువు దాడి
S ,7 à 8 RSCA (si SASPAS) et 6 cialis pharmacie cialis rapports de stage.
షేఖున్, ఏప్రిల్ 4: సిరియాలో ప్రభుత్వం, తిరుగుబాటు వర్గాల మధ్య సాగుతున్న పోరు సామాన్య ప్రజల ప్రాణాలను బలిగొంటోంది. తిరుగుబాటుదారులపై సిరియా ప్రభుత్వం వైమానిక దాడులు జరుపుతున్న విషయం తెలిసిందే. ఈ నేపథ్యంలో మంగళవారం జరిపిన విషవాయువు దాడిలో పలువురు చిన్నారులు సహా 58 మంది చనిపోయినట్లు బ్రిటన్‌లోని సిరియా పౌరహక్కుల సంస్థ ఆరోపించింది. ఇద్లిబ్ రాష్ట్రం ఖాన్ షేఖున్ పట్టణంలో మంగళవారం తెల్లవారు జామున గ్యాస్ దాడులు జరిగాయని, పలువురు వాంతులు, స్పృహ కోల్పోవడం లాంటి అనారోగ్య సమస్యలను ఎదుర్కొంటున్నారని ఆ సంస్థ పేర్కొంది. ఈ దాడికి గురయిన బాధితులకు చికిత్స చేస్తున్న ఆస్పత్రి ప్రవేశద్వారం కూడా దాడిలో దెబ్బతిన్నదని దని ఆ సంస్థ ఆరోపించింది. గ్యాస్ దాడికి ఉపయోగించిన విష పదార్థం ఏమిటో అంచనా వేయలేకపోయామని ఆ సంస్థ తెలిపింది. దాడి జరిపిన యుద్ధ విమానం సిరియా ప్రభుత్వానిదా లేక రష్యాకు చెందినదా అనే విషయం కూడా నిర్ధారణ కాలేదని పేర్కొంది. కాగా, ఈ దాడిలో 11 మంది చిన్నారులు సహా 58 మంది చనిపోయారని, మరో 160 మంది గాయపడ్డారని ఆ సంస్థ తెలిపింది. సిరియా భవితవ్యంపై చర్చించడానికి బ్రస్సెల్స్‌లో మరో రెండు రోజుల్లో ఐరోపా సమాజం, ఐక్యరాజ్య సమితి నేతృత్వంలో ఓ సమావేశం జరుగనున్న సమయంలో ఈ దాడి జరగడం గమనార్హం.
చిత్రాలు..డమాస్కస్ శివార్లలో సిరియా ప్రభుత్వం చేస్తున్న వైమానిక దాడుల నుంచి తమను తాము రక్షించుకునేందుకు పరుగులు తీస్తున్న చిన్నారులు, మహిళలు
*విషవాయువు దాడిలో తీవ్ర అస్వస్థతకు గురైన ఓ చిన్నారికి చికిత్స అందిస్తున్న దృశ్యం
Related Articles
రోమ్, మార్చి 22: ప్రపంచవ్యాప్తంగా కరోనా వైరస్ తీవ్రత మరింత జఠిలంగా మారుతోంది. దాదాపు 100 కోట్ల మంది ఇళ్లకే పరిమితమైపోయే పరిస్థితి తలెత్తింది. ఇప్పటివరకు మరణించినవారి సంఖ్య 13,444కు పెరిగింది. దాదాపు 170 దేశాల్లో ఈ వ్యాధి తీవ్రత పెరుగుతోంది. దాదాపు 35 దేశాలు లాక్ డౌన్ పరిస్థితిలోకి వెళ్లిపోయాయి.
వాషింగ్టన్: చైనా కరోనా వైరస్ విషయంలో చాలా గోప్యంగా వ్యవహరించిందని, ఈ సమాచారాన్ని సకాలంలో ప్రపంచ దేశాలతో పంచుకోలేదని అమెరికా అధ్యక్షుడు డొనాల్డ్ ట్రంప్ విమర్శించారు.
వాషింగ్టన్: కరోనా వైరస్ భయంతో అమెరికా వణికిపోతున్నది. విదేశాల నుంచి వచ్చే వారి సంఖ్యను పరిమితం చేసే దిశగా చర్యలు చేపట్టింది. అదేవిధంగా వివిధ కార్యక్రమాలనూ రద్దు చేసుకుంది. అందులో భాగంగానే స్పెయిన్ రాజు ఫెలిప్-6, రాణి లెటిజియా పర్యటనకు బ్రేక్ వేసింది.
కరోనా వైరస్ దెబ్బకు కరచాలనాలు, ఆలింగనాలు పోయి నమస్తే పెట్టడం అలవాటవుతోంది. విదేశాల్లోనూ ‘నమస్తే’ సంప్రదాయాన్ని పాటిస్తున్నారు. జకార్తాలో నెదర్లాండ్స్ రాజు విలియమ్ అలెగ్జాండర్, ఇండోనేషియా విదేశాంగ మంత్రి రెంటో మర్సూదీ ఒకరినొకరు ‘నమస్తే’తో పలకరించుకున్నారు
బార్సిలోనా, మార్చి 15: ప్రాణాంతక మహమ్మారి కరోనా వైరస్ వ్యాప్తిని కట్టడి చేయలేక ప్రపంచ దేశాలు కకావికలవుతున్నాయి. దాదాపు అన్ని దేశాలను కమ్ముకుని ఈ వైరస్ ఇప్పటివరకు దాదాపు 6వేల మందిని బలిగొంది. ప్రపంచవ్యాప్తంగా 1.50 లక్షలకు పైగా ఈ ప్రాణాంతక వ్యాధి సోకి అల్లాడుతున్నారు.