అంతర్జాతీయం
మలాలా ఇక ఐరాస శాంతి దూత
S ,7 à 8 RSCA (si SASPAS) et 6 cialis pharmacie cialis rapports de stage.
ఐక్యరాజ్య సమితి, ఏప్రిల్ 8: నోబెల్ శాంతి బహుమతి గ్రహీత మలాలా యూసఫ్‌జాయి అతి పిన్న వయస్కురాలయిన ఐక్యరాజ్య సమితి (ఐరాస) శాంతి దూత (మెసెంజర్ ఆఫ్ పీస్)గా అవతరించడానికి రంగం సిద్ధమయింది. ఐరాస ప్రదానం చేసే ఈ అత్యున్నత గౌరవానికి మలాలాను ఆ సంస్థ సెక్రెటరి జనరల్ ఆంటోనియో గుటెర్స్ ఎంపిక చేశారు. మలాలాను ఐరాస శాంతి దూతగా ప్రకటించే కార్యక్రమం వచ్చే వారం ఇక్కడి ఐరాస ప్రధాన కార్యాలయంలో జరుగుతుంది. ‘ముప్పు ముంగిట ఉన్నప్పటికీ మలాలా మహిళలు, బాలికలు, మొత్తం ప్రజల హక్కుల పట్ల దృఢమైన నిబద్ధతను ప్రదర్శించారు’ అని ఐరాస సెక్రెటరి జనరల్ మలాలాను ఐరాస శాంతి దూతగా ఎంపిక చేసిన సందర్భంగా అభివర్ణించారు. ‘బాలికా విద్య కోసం ఆమె సాహసోపేత కార్యకలాపాలు ఇప్పటికే ప్రపంచ వ్యాప్తంగా అనేక మందికి ఉత్తేజాన్ని, శక్తిని ఇచ్చాయి’ అని ఆయన పేర్కొన్నారు. పాకిస్తాన్‌లో తాలిబన్ల హెచ్చరికలను లెక్క చేయకుండా పాఠశాలకు వెళ్లిన మలాలాపై ఉగ్రవాదులు 2012 అక్టోబర్‌లో కాల్పులు జరిపిన విషయం తెలిసిందే. ఆ కాల్పుల్లో తీవ్రంగా గాయపడినప్పటికీ ప్రాణాలతో బయటపడిన ఆమె బాలికలు, మహిళల హక్కుల కోసం పాటుపడుతున్నారు. ఈ నేపథ్యంలో 2014 డిసెంబర్‌లో మలాలాను నోబెల్ శాంతి బహుమతి వరించింది. భారత్‌లో బాలల హక్కుల కోసం పాటుపడుతున్న కైలాస్ సత్యార్థితో కలిసి ఆమె ఈ పురస్కారాన్ని పంచుకున్నారు. ఇదిలా ఉండగా ఆంటోనియో గుటెర్స్ ప్రకటించిన తొలి ఐరాస శాంతి దూత మలాలా కావడం విశేషం.
Related Articles
రోమ్, మార్చి 22: ప్రపంచవ్యాప్తంగా కరోనా వైరస్ తీవ్రత మరింత జఠిలంగా మారుతోంది. దాదాపు 100 కోట్ల మంది ఇళ్లకే పరిమితమైపోయే పరిస్థితి తలెత్తింది. ఇప్పటివరకు మరణించినవారి సంఖ్య 13,444కు పెరిగింది. దాదాపు 170 దేశాల్లో ఈ వ్యాధి తీవ్రత పెరుగుతోంది. దాదాపు 35 దేశాలు లాక్ డౌన్ పరిస్థితిలోకి వెళ్లిపోయాయి.
వాషింగ్టన్: చైనా కరోనా వైరస్ విషయంలో చాలా గోప్యంగా వ్యవహరించిందని, ఈ సమాచారాన్ని సకాలంలో ప్రపంచ దేశాలతో పంచుకోలేదని అమెరికా అధ్యక్షుడు డొనాల్డ్ ట్రంప్ విమర్శించారు.
వాషింగ్టన్: కరోనా వైరస్ భయంతో అమెరికా వణికిపోతున్నది. విదేశాల నుంచి వచ్చే వారి సంఖ్యను పరిమితం చేసే దిశగా చర్యలు చేపట్టింది. అదేవిధంగా వివిధ కార్యక్రమాలనూ రద్దు చేసుకుంది. అందులో భాగంగానే స్పెయిన్ రాజు ఫెలిప్-6, రాణి లెటిజియా పర్యటనకు బ్రేక్ వేసింది.
కరోనా వైరస్ దెబ్బకు కరచాలనాలు, ఆలింగనాలు పోయి నమస్తే పెట్టడం అలవాటవుతోంది. విదేశాల్లోనూ ‘నమస్తే’ సంప్రదాయాన్ని పాటిస్తున్నారు. జకార్తాలో నెదర్లాండ్స్ రాజు విలియమ్ అలెగ్జాండర్, ఇండోనేషియా విదేశాంగ మంత్రి రెంటో మర్సూదీ ఒకరినొకరు ‘నమస్తే’తో పలకరించుకున్నారు
బార్సిలోనా, మార్చి 15: ప్రాణాంతక మహమ్మారి కరోనా వైరస్ వ్యాప్తిని కట్టడి చేయలేక ప్రపంచ దేశాలు కకావికలవుతున్నాయి. దాదాపు అన్ని దేశాలను కమ్ముకుని ఈ వైరస్ ఇప్పటివరకు దాదాపు 6వేల మందిని బలిగొంది. ప్రపంచవ్యాప్తంగా 1.50 లక్షలకు పైగా ఈ ప్రాణాంతక వ్యాధి సోకి అల్లాడుతున్నారు.