అంతర్జాతీయం
ఆసియా పసిఫిక్ ప్రాంతంలో.. అమెరికా భద్రతకు భారతే కీలకం
S ,7 à 8 RSCA (si SASPAS) et 6 cialis pharmacie cialis rapports de stage.
వాషింగ్టన్, ఏప్రిల్ 13: ఆసియా పసిఫిక్ ప్రాంతంలో తన భద్రతకు భారత్ కీలకమైన దేశమని అమెరికా భావిస్తోందని అమెరికా రక్షణ శాఖ తెలిపింది. అమెరికా ఇటీవల భారత్‌కు ఇచ్చిన ‘ప్రధాన రక్షణ భాగస్వామి’ హోదాను అమలు చేయడానికి ఉద్దేశించిన ప్రక్రియను ట్రంప్ పాలనాయంత్రాంగం ప్రారంభించిందని పెంటగాన్ పేర్కొంది. భారత్, అమెరికా మధ్య సంబంధాలు సజావుగా సాగుతున్నాయని, రక్షణ మంత్రి జేమ్స్ మట్టిస్ భారత్‌తో రక్షణ సంబంధాలకు అధిక ప్రాధాన్యత ఇస్తున్నారని పెంటగాన్ అధికార ప్రతినిధి క్యాప్టెన్ జెఫ్ డేవిస్ ఒక వార్తాసంస్థకు తెలిపారు.
ఆసియా పసిఫిక్ ప్రాంతంలో భవిష్యత్తులో అమెరికా భద్రతకు భారత్‌ను కీలకమైన దేశంగా జేమ్స్ భావిస్తున్నారని డేవిస్ చెప్పారు. జేమ్స్ మట్టిస్ పెంటగాన్‌లో భారత జాతీయ భద్రతా సలహాదారు అజిత్ కె దోవల్‌తో జరిపిన సమావేశం విజయవంతమైన కొన్ని వారాల తరువాత డేవిస్ ఈ విషయం చెప్పారు.
మీడియా కథనాల ప్రకారం, అమెరికా జాతీయ భద్రతా సలహాదారు లెఫ్టినెంట్ జనరల్ హెచ్ ఆర్ మెక్‌మాస్టర్ త్వరలో భారత్‌ను సందర్శించనున్నారు. అయితే వైట్ హౌస్ ఈ పర్యటన గురించి ప్రస్తావించలేదు. భారత్- అమెరికా సంబంధాలలో రక్షణ బంధానికి అగ్ర ప్రాధాన్యం ఇస్తున్న ట్రంప్ పాలనా యంత్రాంగం.. భారత్‌కు ఇచ్చిన ‘మేజర్ డిఫెన్స్ పార్టనర్’ హోదాను అమలు చేసే ప్రక్రియను ప్రారంభించింది. మట్టిస్ అప్పటి భారత రక్షణ మంత్రి మనోహర్ పారికర్‌తో జరిపిన తొలి ఫోన్ సంభాషణలో తనకన్నా ముందున్న అమెరికా రక్షణ మంత్రి అశ్‌టోన్ కార్టర్ హయాంలో భారత్- అమెరికా రక్షణ బంధం ఎక్కడి వరకు సాగిందో, అక్కడి నుంచి ముందుకు తీసికెళ్తానని హామీ ఇచ్చినట్లు భావిస్తున్నారు. అంటే భారత్‌కు ఇచ్చిన ‘ప్రధాన రక్షణ భాగస్వామి’ హోదాను వేగంగా అమలు చేయడమే ఈ హామీ ఉద్దేశమని విశ్వసనీయ వర్గాలు తెలిపాయి. కాగా, తాము అగ్ర ప్రాధాన్యత ఇస్తున్న ప్రపంచ విషయాలలో భారత్‌తో తమ రక్షణ బంధం ఒకటని అమెరికా విదేశాంగ శాఖ అధికార ప్రతినిధి చెప్పారు.
Related Articles
రోమ్, మార్చి 22: ప్రపంచవ్యాప్తంగా కరోనా వైరస్ తీవ్రత మరింత జఠిలంగా మారుతోంది. దాదాపు 100 కోట్ల మంది ఇళ్లకే పరిమితమైపోయే పరిస్థితి తలెత్తింది. ఇప్పటివరకు మరణించినవారి సంఖ్య 13,444కు పెరిగింది. దాదాపు 170 దేశాల్లో ఈ వ్యాధి తీవ్రత పెరుగుతోంది. దాదాపు 35 దేశాలు లాక్ డౌన్ పరిస్థితిలోకి వెళ్లిపోయాయి.
వాషింగ్టన్: చైనా కరోనా వైరస్ విషయంలో చాలా గోప్యంగా వ్యవహరించిందని, ఈ సమాచారాన్ని సకాలంలో ప్రపంచ దేశాలతో పంచుకోలేదని అమెరికా అధ్యక్షుడు డొనాల్డ్ ట్రంప్ విమర్శించారు.
వాషింగ్టన్: కరోనా వైరస్ భయంతో అమెరికా వణికిపోతున్నది. విదేశాల నుంచి వచ్చే వారి సంఖ్యను పరిమితం చేసే దిశగా చర్యలు చేపట్టింది. అదేవిధంగా వివిధ కార్యక్రమాలనూ రద్దు చేసుకుంది. అందులో భాగంగానే స్పెయిన్ రాజు ఫెలిప్-6, రాణి లెటిజియా పర్యటనకు బ్రేక్ వేసింది.
కరోనా వైరస్ దెబ్బకు కరచాలనాలు, ఆలింగనాలు పోయి నమస్తే పెట్టడం అలవాటవుతోంది. విదేశాల్లోనూ ‘నమస్తే’ సంప్రదాయాన్ని పాటిస్తున్నారు. జకార్తాలో నెదర్లాండ్స్ రాజు విలియమ్ అలెగ్జాండర్, ఇండోనేషియా విదేశాంగ మంత్రి రెంటో మర్సూదీ ఒకరినొకరు ‘నమస్తే’తో పలకరించుకున్నారు
బార్సిలోనా, మార్చి 15: ప్రాణాంతక మహమ్మారి కరోనా వైరస్ వ్యాప్తిని కట్టడి చేయలేక ప్రపంచ దేశాలు కకావికలవుతున్నాయి. దాదాపు అన్ని దేశాలను కమ్ముకుని ఈ వైరస్ ఇప్పటివరకు దాదాపు 6వేల మందిని బలిగొంది. ప్రపంచవ్యాప్తంగా 1.50 లక్షలకు పైగా ఈ ప్రాణాంతక వ్యాధి సోకి అల్లాడుతున్నారు.