అంతర్జాతీయం
పెరుగుతున్న ఉద్రిక్తతలు
S ,7 à 8 RSCA (si SASPAS) et 6 cialis pharmacie cialis rapports de stage.
సియోల్, ఏప్రిల్ 30: అమెరికాతోపాటు దాని మిత్ర దేశమైన కొరియా భారీస్థాయిలో నిర్వహించిన వార్షిక సైనిక విన్యాసాలను ఆదివారం ముగించాయి. అయితే ఈ ఇరు దేశాలు ప్రత్యేకంగా సంయుక్త నావికాదళ విన్యాసాలను కొనసాగిస్తుండటంతో ఉత్తర కొరియా తీవ్రస్థాయిలో ఆగ్రహాన్ని వ్యక్తం చేసింది. కొరియా ద్వీపకల్పంలో గత కొన్ని వారాల ఉద్రిక్తతలు రోజురోజుకూ ముదురుతుండటంతో సుదూర ప్రాంతాల్లోని లక్ష్యాలను ఛేదించే దీర్ఘశ్రేణి క్షిపణి పరీక్షను లేదా ఆరోసారి అణు పరీక్షను నిర్వహించేందుకు ఉత్తర కొరియా సిద్ధమవుతున్నట్లు తెలుస్తోంది. దీంతో ఉత్తర కొరియాపై సైనిక దాడి జరిపే అవకాశాలను తోసిపుచ్చేందుకు అమెరికా నిరాకరిస్తోంది. ‘్ఫల్ ఈగల్’ పేరుతో తాము అమెరికాతో కలసి నిర్వహించిన వార్షిక సైనిక విన్యాసాలు నిర్దేశిత షెడ్యూలు ప్రకారం ఆదివారంతో ముగిశాయని, తమ దేశానికి చెందిన 20 వేల మంది సైనికులతో పాటు 10 వేల మంది అమెరికా సైనికులు ఈ విన్యాసాల్లో పాల్గొన్నారని దక్షిణ కొరియా రక్షణ మంత్రిత్వ శాఖ వెల్లడించింది. అంతకుముందు ఈ ఇరు దేశాలు ‘కీ రిజాల్వ్’ పేరుతో నిర్వహించిన విన్యాసాలు గత నెలలో ముగిసిన విషయం విదితమే. ఉత్తర కొరియాతో సైనిక సంఘర్షణ తలెత్తితే పరిస్థితులు ఏవిధంగా ఉంటాయన్న విషయాన్ని ఈ రెండు విన్యాసాల్లో అమెరికా, దక్షిణ కొరియా ప్రదర్శించాయి. అయితే ఈ విన్యాసాలతో అమెరికా, దక్షిణ కొరియా తమను రెచ్చగొడుతున్నాయని, తమ దేశంపై దాడి జరిపేందుకే ఈ విన్యాసాలను నిర్వహిస్తున్నాయని ఉత్తర కొరియా ఆగ్రహాన్ని వ్యక్తం చేస్తుండగా, స్వభావ రీత్యా ఈ విన్యాసాలు రక్షణాత్మక ధోరణితో కూడినవేనని అమెరికా, దక్షిణ కొరియా చెబుతున్నాయి.
Related Articles
రోమ్, మార్చి 22: ప్రపంచవ్యాప్తంగా కరోనా వైరస్ తీవ్రత మరింత జఠిలంగా మారుతోంది. దాదాపు 100 కోట్ల మంది ఇళ్లకే పరిమితమైపోయే పరిస్థితి తలెత్తింది. ఇప్పటివరకు మరణించినవారి సంఖ్య 13,444కు పెరిగింది. దాదాపు 170 దేశాల్లో ఈ వ్యాధి తీవ్రత పెరుగుతోంది. దాదాపు 35 దేశాలు లాక్ డౌన్ పరిస్థితిలోకి వెళ్లిపోయాయి.
వాషింగ్టన్: చైనా కరోనా వైరస్ విషయంలో చాలా గోప్యంగా వ్యవహరించిందని, ఈ సమాచారాన్ని సకాలంలో ప్రపంచ దేశాలతో పంచుకోలేదని అమెరికా అధ్యక్షుడు డొనాల్డ్ ట్రంప్ విమర్శించారు.
వాషింగ్టన్: కరోనా వైరస్ భయంతో అమెరికా వణికిపోతున్నది. విదేశాల నుంచి వచ్చే వారి సంఖ్యను పరిమితం చేసే దిశగా చర్యలు చేపట్టింది. అదేవిధంగా వివిధ కార్యక్రమాలనూ రద్దు చేసుకుంది. అందులో భాగంగానే స్పెయిన్ రాజు ఫెలిప్-6, రాణి లెటిజియా పర్యటనకు బ్రేక్ వేసింది.
కరోనా వైరస్ దెబ్బకు కరచాలనాలు, ఆలింగనాలు పోయి నమస్తే పెట్టడం అలవాటవుతోంది. విదేశాల్లోనూ ‘నమస్తే’ సంప్రదాయాన్ని పాటిస్తున్నారు. జకార్తాలో నెదర్లాండ్స్ రాజు విలియమ్ అలెగ్జాండర్, ఇండోనేషియా విదేశాంగ మంత్రి రెంటో మర్సూదీ ఒకరినొకరు ‘నమస్తే’తో పలకరించుకున్నారు
బార్సిలోనా, మార్చి 15: ప్రాణాంతక మహమ్మారి కరోనా వైరస్ వ్యాప్తిని కట్టడి చేయలేక ప్రపంచ దేశాలు కకావికలవుతున్నాయి. దాదాపు అన్ని దేశాలను కమ్ముకుని ఈ వైరస్ ఇప్పటివరకు దాదాపు 6వేల మందిని బలిగొంది. ప్రపంచవ్యాప్తంగా 1.50 లక్షలకు పైగా ఈ ప్రాణాంతక వ్యాధి సోకి అల్లాడుతున్నారు.