అంతర్జాతీయం
ఉగ్రవాదంపై పోరుకు ఒక్కటి కావాలి
S ,7 à 8 RSCA (si SASPAS) et 6 cialis pharmacie cialis rapports de stage.
మాస్కో, మే 9: ఎలాంటి దాడినైనా రష్యా తిప్పి కొట్టగలదని ఆ దేశ అధ్యక్షుడు వ్లాదిమిర్ పుతిన్ అన్నారు. అయితే ఉగ్రవాదంపై పోరాటానికి ప్రపంచ దేశాలన్నీ ఒక్కటి కావాలని ఆయన అన్నారు. రెండవ ప్రపంచ యుద్ధంలో నాజీ జర్మనీని ఓడించి 72 ఏళ్లు పూర్తయిన సందర్భంగా మంగళవారం మాస్కోలో జరిగిన విజయోత్సవ వేడుకల్లో పుతిన్ మాట్లాడుతూ ‘గతంలో జరిగిన యుద్ధాలు నేర్పిన పాఠాలు మేము ఎప్పుడూ అప్రమత్తంగా ఉండేలా చేశాయి. రష్యా సైనిక దళాలు ఎలాంటి దాడినయినా తిప్పి కొట్టగల సామర్థ్యం కలిగి ఉన్నాయి’ అని అన్నారు. నేటి జీవన విధానం కూడా మనం మన రక్షణ సామర్థ్యాన్ని పెంచుకునేలా చేశాయని, అయితే ఉగ్రవాదం, తీవ్రవాదం, నియో నాజీయిజంపై పోరాడడానికి మొత్తం ప్రపంచం ఒక్కటి కావలసిన అవసరం ఉందని కూడా పుతిన్ అన్నారు. అలాంటి సహకారానికి రష్యా సిద్ధంగా ఉందని, రష్యా ఎప్పుడు కూడా శాంతి కాముకుల పక్షానే నిలుస్తూ వస్తోందన్నారు. మాస్కోలోని రెడ్‌స్క్వేర్ వద్ద జరిగిన ఈ వేడుకల్లోను రష్యా తన సైనిక పాటవాన్ని, ఆయుధ సంపత్తిని ప్రదర్శించింది. అయితే వాతావరణం అనుకూలంగా లేకపోవడంతో హెలికాప్టర్లు, యుద్ధ విమానాల విన్యాసాలను మాత్రం రద్దు చేశారు. సిరియాలోని హ్మెమిమ్ ఎయిర్ బేస్‌లో ఉన్న రష్యా బలగాలు కూడా ఈ వేడుకలను జరుపుకొన్నాయి.
Related Articles
రోమ్, మార్చి 22: ప్రపంచవ్యాప్తంగా కరోనా వైరస్ తీవ్రత మరింత జఠిలంగా మారుతోంది. దాదాపు 100 కోట్ల మంది ఇళ్లకే పరిమితమైపోయే పరిస్థితి తలెత్తింది. ఇప్పటివరకు మరణించినవారి సంఖ్య 13,444కు పెరిగింది. దాదాపు 170 దేశాల్లో ఈ వ్యాధి తీవ్రత పెరుగుతోంది. దాదాపు 35 దేశాలు లాక్ డౌన్ పరిస్థితిలోకి వెళ్లిపోయాయి.
వాషింగ్టన్: చైనా కరోనా వైరస్ విషయంలో చాలా గోప్యంగా వ్యవహరించిందని, ఈ సమాచారాన్ని సకాలంలో ప్రపంచ దేశాలతో పంచుకోలేదని అమెరికా అధ్యక్షుడు డొనాల్డ్ ట్రంప్ విమర్శించారు.
వాషింగ్టన్: కరోనా వైరస్ భయంతో అమెరికా వణికిపోతున్నది. విదేశాల నుంచి వచ్చే వారి సంఖ్యను పరిమితం చేసే దిశగా చర్యలు చేపట్టింది. అదేవిధంగా వివిధ కార్యక్రమాలనూ రద్దు చేసుకుంది. అందులో భాగంగానే స్పెయిన్ రాజు ఫెలిప్-6, రాణి లెటిజియా పర్యటనకు బ్రేక్ వేసింది.
కరోనా వైరస్ దెబ్బకు కరచాలనాలు, ఆలింగనాలు పోయి నమస్తే పెట్టడం అలవాటవుతోంది. విదేశాల్లోనూ ‘నమస్తే’ సంప్రదాయాన్ని పాటిస్తున్నారు. జకార్తాలో నెదర్లాండ్స్ రాజు విలియమ్ అలెగ్జాండర్, ఇండోనేషియా విదేశాంగ మంత్రి రెంటో మర్సూదీ ఒకరినొకరు ‘నమస్తే’తో పలకరించుకున్నారు
బార్సిలోనా, మార్చి 15: ప్రాణాంతక మహమ్మారి కరోనా వైరస్ వ్యాప్తిని కట్టడి చేయలేక ప్రపంచ దేశాలు కకావికలవుతున్నాయి. దాదాపు అన్ని దేశాలను కమ్ముకుని ఈ వైరస్ ఇప్పటివరకు దాదాపు 6వేల మందిని బలిగొంది. ప్రపంచవ్యాప్తంగా 1.50 లక్షలకు పైగా ఈ ప్రాణాంతక వ్యాధి సోకి అల్లాడుతున్నారు.