అంతర్జాతీయం
జాదవ్ ప్రాణాలకు ముప్పు
S ,7 à 8 RSCA (si SASPAS) et 6 cialis pharmacie cialis rapports de stage.
ది హేగ్, మే 15: తమ పౌరుడు కుల్‌భూషణ్ జాదవ్‌కు పాకిస్తాన్ సైనిక కోర్టు విధించిన మరణ శిక్షను తక్షణమే నిలిపివేయాలని అంతర్జాతీయ న్యాయ స్థానంలో భారత్ సోమవారం తన వాదనను మరింత గట్టిగా వినిపించింది. లేని పక్షంలో విచారణ పూర్తి కావడానికి ముందే జాదవ్‌కు విధించిన మరణ శిక్షను పాకిస్తాన్ అమలు చేసే ప్రమాదం ఉందని స్పష్టం చేసింది. జాదవ్ ప్రాణాలకు ముప్పు ఉన్నందున తక్షణమే అంతర్జాతీయ న్యాయస్థానం నిర్ణయం తీసుకోవాలని భారత్ తరపు న్యాయవాది హరీశ్ సాల్వే కోర్టుకు స్పష్టం చేశారు. పరిస్థితి ప్రమాదకరంగా, తీవ్రంగా మారడం వల్లే అతితక్కువ వ్యవధిలోనే అంతర్జాతీయ కోర్టును ఆశ్రయించాల్సి వచ్చిందని సాల్వే తెలిపారు. తనపై వచ్చిన వాదనల విషయంలో జాదవ్‌కు పాక్‌లో ఎలాంటి న్యాయ సహాయం లభించలేదని, కనీసం భారత దౌత్య కేంద్ర సాయం కోరే అవకాశమూ ఆయనకు ఇవ్వలేదని సాల్వే తెలిపారు. అసలు జాదవ్‌ను ఇరాన్ నుంచి కిడ్నాప్ చేశారని, సైనిక కస్టడీలోనే ఆయన వాంగ్మూలం తీసుకున్నారని సాల్వే తెలిపారు. జాదవ్‌కు కాన్సులర్ సాయాన్ని కూడా అందించక పోవడం వియన్నా ఒడంబడికను ఉల్లంఘించడమేనని కోర్టు విచారణలో పాక్‌పై భారత్ నిప్పులు చెరిగింది. కాగా పాకిస్తాన్ కూడా తనదైన శైలిలలోనే ఎదురుదాడి జరిపింది. జాదవ్‌ను కాపాడుకోవడానికి అంతర్జాతీయ న్యాయస్థానాన్ని ఆశ్రయించడాన్ని తప్పుబట్టింది. గూఢచారులు, ఉగ్రవాదులు,కుట్రదారులకు వియన్నా ఒడంబడికలోని నియమ నిబంధనలు వర్తించవని తెలిపింది. కాగా, జాదవ్ నేరాంగీకార వాంగ్మూలం వీడియోను కోర్టు ముందు ప్రదర్శించాలన్న పాక్ ప్రయత్నం విఫలమైంది. వీడియో ప్రదర్శనకు న్యాయస్థానం అంగీకరించలేదు.
చిత్రం..ప్రపంచ కోర్టులో న్యాయమూర్తుల రాకకోసం ఎదురుచూస్తున్న భారత్, పాక్ ప్రతినిధులు
Related Articles
రోమ్, మార్చి 22: ప్రపంచవ్యాప్తంగా కరోనా వైరస్ తీవ్రత మరింత జఠిలంగా మారుతోంది. దాదాపు 100 కోట్ల మంది ఇళ్లకే పరిమితమైపోయే పరిస్థితి తలెత్తింది. ఇప్పటివరకు మరణించినవారి సంఖ్య 13,444కు పెరిగింది. దాదాపు 170 దేశాల్లో ఈ వ్యాధి తీవ్రత పెరుగుతోంది. దాదాపు 35 దేశాలు లాక్ డౌన్ పరిస్థితిలోకి వెళ్లిపోయాయి.
వాషింగ్టన్: చైనా కరోనా వైరస్ విషయంలో చాలా గోప్యంగా వ్యవహరించిందని, ఈ సమాచారాన్ని సకాలంలో ప్రపంచ దేశాలతో పంచుకోలేదని అమెరికా అధ్యక్షుడు డొనాల్డ్ ట్రంప్ విమర్శించారు.
వాషింగ్టన్: కరోనా వైరస్ భయంతో అమెరికా వణికిపోతున్నది. విదేశాల నుంచి వచ్చే వారి సంఖ్యను పరిమితం చేసే దిశగా చర్యలు చేపట్టింది. అదేవిధంగా వివిధ కార్యక్రమాలనూ రద్దు చేసుకుంది. అందులో భాగంగానే స్పెయిన్ రాజు ఫెలిప్-6, రాణి లెటిజియా పర్యటనకు బ్రేక్ వేసింది.
కరోనా వైరస్ దెబ్బకు కరచాలనాలు, ఆలింగనాలు పోయి నమస్తే పెట్టడం అలవాటవుతోంది. విదేశాల్లోనూ ‘నమస్తే’ సంప్రదాయాన్ని పాటిస్తున్నారు. జకార్తాలో నెదర్లాండ్స్ రాజు విలియమ్ అలెగ్జాండర్, ఇండోనేషియా విదేశాంగ మంత్రి రెంటో మర్సూదీ ఒకరినొకరు ‘నమస్తే’తో పలకరించుకున్నారు
బార్సిలోనా, మార్చి 15: ప్రాణాంతక మహమ్మారి కరోనా వైరస్ వ్యాప్తిని కట్టడి చేయలేక ప్రపంచ దేశాలు కకావికలవుతున్నాయి. దాదాపు అన్ని దేశాలను కమ్ముకుని ఈ వైరస్ ఇప్పటివరకు దాదాపు 6వేల మందిని బలిగొంది. ప్రపంచవ్యాప్తంగా 1.50 లక్షలకు పైగా ఈ ప్రాణాంతక వ్యాధి సోకి అల్లాడుతున్నారు.