అంతర్జాతీయం
స్టంపుతో పొడిచి చంపాడు
S ,7 à 8 RSCA (si SASPAS) et 6 cialis pharmacie cialis rapports de stage.
ఢాకా, మే 12: క్రీడల్లో ప్రత్యర్థి ఆటగాళ్ల మధ్య మాటల యుద్ధాలు సర్వసాధారణం. ఒక్కోసారి అవి శ్రుతిమించి ఆటగాళ్లు కొట్టుకునే స్థాయికి సైతం చేరుకుంటూ ఉంటాయి. క్రికెట్, ఫుట్‌బాల్‌లాంటి ఆటల్లో ఇలాంటివి మనం తరచూ చూస్తూనే ఉంటాం. అయితే బంగ్లాదేశ్‌లో జరిగిన ఓ లోకల్ క్రికెట్ మ్యాచ్‌లో ఇలాంటి సంఘటనే ఒక యువకుడి ప్రాణాలను తీసింది. ఢాకాలోని ఓ నైబర్‌హుడ్ ప్రాంతంలో స్నేహితులంతా కలిసి మైదానంలో క్రికెట్ ఆడుతున్నారు. బాబుల్ సిక్దర్ అనే 16 ఏళ్ల బాలుడు వికెట్ కీపింగ్ చేస్తున్నాడు. అయితే బ్యాట్స్‌మన్ అవుటయ్యాడంటూ పదే పదే అంపైర్‌కు అపీల్ చేయడం ఆ బ్యాట్స్‌మన్‌కు కోపం తెప్పించింది. చివరికి ‘నోబాల్’కు కూడా సిక్దర్ అపీల్ చేయడంతో ఆ బ్యాట్స్‌మన్ స్టంప్ పీకి సిక్దర్ తలపై గట్టిగా బాదాడు. మొనదేలి ఉన్న స్టంప్ తల వెనుకభాగంలో బలంగా గుచ్చుకోవడంతో సిక్దర్ మైదానంలోనే కుప్పకూలిపోయాడు. ఆస్పత్రికి తీసుకెళ్తుండగా దారిలో చనిపోయాడని స్థానిక పోలీసు అధికారి చెప్పాడు. సంఘటన తర్వాత అక్కడినుంచి పారిపోయిన బ్యాట్స్‌మన్‌కోసం పోలీసులు గాలిస్తున్నారు.
chitram బాబుల్ సిక్దర్ మరణ వార్త విని విలపిస్తున్న కుటుంబ సభ్యులు
Related Articles
రోమ్, మార్చి 22: ప్రపంచవ్యాప్తంగా కరోనా వైరస్ తీవ్రత మరింత జఠిలంగా మారుతోంది. దాదాపు 100 కోట్ల మంది ఇళ్లకే పరిమితమైపోయే పరిస్థితి తలెత్తింది. ఇప్పటివరకు మరణించినవారి సంఖ్య 13,444కు పెరిగింది. దాదాపు 170 దేశాల్లో ఈ వ్యాధి తీవ్రత పెరుగుతోంది. దాదాపు 35 దేశాలు లాక్ డౌన్ పరిస్థితిలోకి వెళ్లిపోయాయి.
వాషింగ్టన్: చైనా కరోనా వైరస్ విషయంలో చాలా గోప్యంగా వ్యవహరించిందని, ఈ సమాచారాన్ని సకాలంలో ప్రపంచ దేశాలతో పంచుకోలేదని అమెరికా అధ్యక్షుడు డొనాల్డ్ ట్రంప్ విమర్శించారు.
వాషింగ్టన్: కరోనా వైరస్ భయంతో అమెరికా వణికిపోతున్నది. విదేశాల నుంచి వచ్చే వారి సంఖ్యను పరిమితం చేసే దిశగా చర్యలు చేపట్టింది. అదేవిధంగా వివిధ కార్యక్రమాలనూ రద్దు చేసుకుంది. అందులో భాగంగానే స్పెయిన్ రాజు ఫెలిప్-6, రాణి లెటిజియా పర్యటనకు బ్రేక్ వేసింది.
కరోనా వైరస్ దెబ్బకు కరచాలనాలు, ఆలింగనాలు పోయి నమస్తే పెట్టడం అలవాటవుతోంది. విదేశాల్లోనూ ‘నమస్తే’ సంప్రదాయాన్ని పాటిస్తున్నారు. జకార్తాలో నెదర్లాండ్స్ రాజు విలియమ్ అలెగ్జాండర్, ఇండోనేషియా విదేశాంగ మంత్రి రెంటో మర్సూదీ ఒకరినొకరు ‘నమస్తే’తో పలకరించుకున్నారు
బార్సిలోనా, మార్చి 15: ప్రాణాంతక మహమ్మారి కరోనా వైరస్ వ్యాప్తిని కట్టడి చేయలేక ప్రపంచ దేశాలు కకావికలవుతున్నాయి. దాదాపు అన్ని దేశాలను కమ్ముకుని ఈ వైరస్ ఇప్పటివరకు దాదాపు 6వేల మందిని బలిగొంది. ప్రపంచవ్యాప్తంగా 1.50 లక్షలకు పైగా ఈ ప్రాణాంతక వ్యాధి సోకి అల్లాడుతున్నారు.