అంతర్జాతీయం
బ్రిటిష్ ఎన్నికల్లో భారీగా నష్టపోయిన బెట్టింగ్‌రాయుళ్లు
S ,7 à 8 RSCA (si SASPAS) et 6 cialis pharmacie cialis rapports de stage.
లండన్, జూన్ 11: బ్రిటన్‌లో తాజాగా నిర్వహించిన మధ్యంతర ఎన్నికల్లో నష్టపోయింది ఒక్క ప్రధాని థెరిసా మే మాత్రమే కాదు. ఆమె కన్సర్వేటివ్ పార్టీ భారీగా మెజారిటీతో విజయం సాధిస్తుందని నమ్మి భారీ మొత్తంలో బెట్టింగ్‌లు కాసినవారు కూడా పెద్దమొత్తాల్లో నష్టపోయారు.
కన్సర్వేటివ్ పార్టీ మెజారిటీపై పందెం కాసిన ఓ జూదరి అయితే ఏకంగా 70 వేల పౌండ్లు కోల్పోయాడట. గత మే నెలలో జరిగిన స్థానిక సంస్థల ఎన్నికల్లో కన్సర్వేటివ్ పార్టీ ప్రతిపక్ష లేబర్ పార్టీని చిత్తుగా ఓడించిన తర్వాత బ్రిటిష్ బుక్‌మేకర్ విలియమ్ హిల్ వద్ద ఈ అజ్ఞాత జూదగాడు పందెం కాశాడట. త్వరలో జరగబోయే సాధారణ ఎన్నికల్లో థెరిసా మే ఎట్టి పరిస్థితిలోను ఓడిపోరని బలంగా నమ్మిన అనేక మందిలో అతనూ ఒకడని బుక్‌మేకర్ చెప్పినట్లు ‘ది ఇండిపెండెంట్’ పత్రిక తెలిపింది. ఎన్నికలకు ముందు నిర్వహించిన అన్ని ఒపీనియన్ పోల్స్‌లో ప్రధాన మంత్రి థెరిసా మేకు లేబర్ పార్టీ ప్రత్యర్థి జెరెమీ కోర్బిన్‌పై రెండంకెల ఆధిక్యత ఉండింది. దీంతో అందరు కూడా ఆధిక్యత ఎంత భారీగా ఉంటుందనే దానిపైనే బెట్టింగ్‌లు కాశారు. దాదాపు 20 మిలియన్ పౌండ్ల మేర బెట్టింగ్‌లు కాశారని అందులో ఎక్కువమంది టోరీలు (కన్సర్వేటివ్ పార్టీవారు) విజయం సాధిస్తారనే పందేలు కాశారని బుక్‌మేకర్ ప్రతినిధి జో క్రిల్లీ చెప్పారు. అయితే ఫలితాలు ఎవరూ ఊహించని విధంగా ఉండడంతో చాలా మంది నష్టపోయారు. అయితే కన్సర్వేటివ్ పార్టీ అధిక స్థానాలు గెలుచుకుంటుందని పందెం కాసిన లండన్‌కు చెందిన ఓ వ్యక్తి మాత్రం 2 లక్షల పౌండ్ల దాకా గెలుచుకున్నాడని ఆ ప్రతినిధి చెప్పారు.
Related Articles
రోమ్, మార్చి 22: ప్రపంచవ్యాప్తంగా కరోనా వైరస్ తీవ్రత మరింత జఠిలంగా మారుతోంది. దాదాపు 100 కోట్ల మంది ఇళ్లకే పరిమితమైపోయే పరిస్థితి తలెత్తింది. ఇప్పటివరకు మరణించినవారి సంఖ్య 13,444కు పెరిగింది. దాదాపు 170 దేశాల్లో ఈ వ్యాధి తీవ్రత పెరుగుతోంది. దాదాపు 35 దేశాలు లాక్ డౌన్ పరిస్థితిలోకి వెళ్లిపోయాయి.
వాషింగ్టన్: చైనా కరోనా వైరస్ విషయంలో చాలా గోప్యంగా వ్యవహరించిందని, ఈ సమాచారాన్ని సకాలంలో ప్రపంచ దేశాలతో పంచుకోలేదని అమెరికా అధ్యక్షుడు డొనాల్డ్ ట్రంప్ విమర్శించారు.
వాషింగ్టన్: కరోనా వైరస్ భయంతో అమెరికా వణికిపోతున్నది. విదేశాల నుంచి వచ్చే వారి సంఖ్యను పరిమితం చేసే దిశగా చర్యలు చేపట్టింది. అదేవిధంగా వివిధ కార్యక్రమాలనూ రద్దు చేసుకుంది. అందులో భాగంగానే స్పెయిన్ రాజు ఫెలిప్-6, రాణి లెటిజియా పర్యటనకు బ్రేక్ వేసింది.
కరోనా వైరస్ దెబ్బకు కరచాలనాలు, ఆలింగనాలు పోయి నమస్తే పెట్టడం అలవాటవుతోంది. విదేశాల్లోనూ ‘నమస్తే’ సంప్రదాయాన్ని పాటిస్తున్నారు. జకార్తాలో నెదర్లాండ్స్ రాజు విలియమ్ అలెగ్జాండర్, ఇండోనేషియా విదేశాంగ మంత్రి రెంటో మర్సూదీ ఒకరినొకరు ‘నమస్తే’తో పలకరించుకున్నారు
బార్సిలోనా, మార్చి 15: ప్రాణాంతక మహమ్మారి కరోనా వైరస్ వ్యాప్తిని కట్టడి చేయలేక ప్రపంచ దేశాలు కకావికలవుతున్నాయి. దాదాపు అన్ని దేశాలను కమ్ముకుని ఈ వైరస్ ఇప్పటివరకు దాదాపు 6వేల మందిని బలిగొంది. ప్రపంచవ్యాప్తంగా 1.50 లక్షలకు పైగా ఈ ప్రాణాంతక వ్యాధి సోకి అల్లాడుతున్నారు.