అంతర్జాతీయం
ఉగ్రపోరులో భారత్‌కు పూర్తి మద్దతు
S ,7 à 8 RSCA (si SASPAS) et 6 cialis pharmacie cialis rapports de stage.
జెరూసాలెం, జూలై 4: పాకిస్తాన్‌నుంచి ఎదురవుతున్న ఉగ్రవాదంపై భారత్ సాగిస్తున్న పోరుకు తమ దేశం పూర్తి మద్దతునిస్తుందని ఇజ్రాయెల్ విదేశాంగ మంత్రిత్వ శాఖ డిప్యూటీ డైరెక్టర్ జనరల్ మార్క్ సోఫర్ అన్నారు. ఉగ్రవాద ముప్పునుంచి దేశాన్ని రక్షించుకోవడంలో భారత్‌కు పూర్తి హక్కు ఉందని ఆయన పేర్కొన్నారు. మా దేశంలో హమస్ వంటిదే లష్కరే తోయిబా అని, ఇరు దేశాలు ఉగ్రవాద ముప్పును ఎదుర్కొంటున్నాయని ఆయన అన్నారు. బయటినుంచి గానీ దేశీయంగా గానీ ఉగ్రవాదుల చర్యలను కట్టడి చేయాల్సిందేనని సోఫర్ చెప్పారు. తమ దేశం కూడా భారత్‌లాగానే సీమాంతర ఉగ్రవాదాన్ని ఎదుర్కొంటోందని, ఉగ్ర రక్షసి నుంచి తమను తాము ఈ రెండు దేశాలు కాపాడుకోడానికి కృషి చేస్తున్నాయని అన్నారు. ఈ విషయంలో భారత్‌ను సమర్థించడంలో ఇజ్రాయెల్ ఎప్పుడూ ముందుందని చెప్పారు. సంకుచిత, విధ్వంసకర ఆలోచనా ధోరణి, పనికిరాని సిద్ధాంతాలతో అమాయకులను హతమార్చే ఉగ్రవాది ఎక్కడైనా, ఏ దేశంలోనైనా ఉగ్రవాదేనని అన్నారు. ఏ రూపంలో ఉన్నా ఉగ్రభూతాన్ని మట్టుబెట్టడం తక్షణ కర్తవ్యమని పేర్కొన్నారు. సోఫర్ గతంలో భారత్‌లో ఇజ్రాయెల్ రాయబారిగా పనిచేశారు. భారత ప్రధాని నరేంద్ర మోదీ మూడు రోజుల పర్యటనకు ఇజ్రాయెల్ వచ్చిన సందర్భంగా సోఫర్ ఈ వ్యాఖ్యలు చేశారు.
చిత్రం.. మంగళవారం ఇజ్రాయెల్ చేరిన ప్రధాని నరేంద్ర మోదీకి టెల్‌అవీవ్
ఎయర్ పోర్టులో స్వాగతం పలుకుతున్న ఆ దేశ ప్రధాని బెంజమిన్ నెతన్యాహు
Related Articles
రోమ్, మార్చి 22: ప్రపంచవ్యాప్తంగా కరోనా వైరస్ తీవ్రత మరింత జఠిలంగా మారుతోంది. దాదాపు 100 కోట్ల మంది ఇళ్లకే పరిమితమైపోయే పరిస్థితి తలెత్తింది. ఇప్పటివరకు మరణించినవారి సంఖ్య 13,444కు పెరిగింది. దాదాపు 170 దేశాల్లో ఈ వ్యాధి తీవ్రత పెరుగుతోంది. దాదాపు 35 దేశాలు లాక్ డౌన్ పరిస్థితిలోకి వెళ్లిపోయాయి.
వాషింగ్టన్: చైనా కరోనా వైరస్ విషయంలో చాలా గోప్యంగా వ్యవహరించిందని, ఈ సమాచారాన్ని సకాలంలో ప్రపంచ దేశాలతో పంచుకోలేదని అమెరికా అధ్యక్షుడు డొనాల్డ్ ట్రంప్ విమర్శించారు.
వాషింగ్టన్: కరోనా వైరస్ భయంతో అమెరికా వణికిపోతున్నది. విదేశాల నుంచి వచ్చే వారి సంఖ్యను పరిమితం చేసే దిశగా చర్యలు చేపట్టింది. అదేవిధంగా వివిధ కార్యక్రమాలనూ రద్దు చేసుకుంది. అందులో భాగంగానే స్పెయిన్ రాజు ఫెలిప్-6, రాణి లెటిజియా పర్యటనకు బ్రేక్ వేసింది.
కరోనా వైరస్ దెబ్బకు కరచాలనాలు, ఆలింగనాలు పోయి నమస్తే పెట్టడం అలవాటవుతోంది. విదేశాల్లోనూ ‘నమస్తే’ సంప్రదాయాన్ని పాటిస్తున్నారు. జకార్తాలో నెదర్లాండ్స్ రాజు విలియమ్ అలెగ్జాండర్, ఇండోనేషియా విదేశాంగ మంత్రి రెంటో మర్సూదీ ఒకరినొకరు ‘నమస్తే’తో పలకరించుకున్నారు
బార్సిలోనా, మార్చి 15: ప్రాణాంతక మహమ్మారి కరోనా వైరస్ వ్యాప్తిని కట్టడి చేయలేక ప్రపంచ దేశాలు కకావికలవుతున్నాయి. దాదాపు అన్ని దేశాలను కమ్ముకుని ఈ వైరస్ ఇప్పటివరకు దాదాపు 6వేల మందిని బలిగొంది. ప్రపంచవ్యాప్తంగా 1.50 లక్షలకు పైగా ఈ ప్రాణాంతక వ్యాధి సోకి అల్లాడుతున్నారు.