అంతర్జాతీయం
‘లిటిల్ కబ్’లో అంతరిక్ష రహస్యాలెన్నో!
S ,7 à 8 RSCA (si SASPAS) et 6 cialis pharmacie cialis rapports de stage.
లండన్, జూలై 4: విశ్వం ఏర్పడిన తొలినాళ్లకు చెందిన ఓ చిన్ని గెలాక్సీని అంతరిక్ష పరిశోధకులు కొత్తగా కనుగొన్నారు. బిగ్ బ్యాంగ్ థియరీ ప్రకారం విస్ఫోటనం తర్వాత అనేకానేక గెలాక్సీలలాగా ఈ చిన్ని గెలాక్సీ లిటిల్ కబ్ కూడా ఏర్పడింది. భూమికి కేవలం 50 మిలియన్ కాంతి సంవత్సరాల దూరంలో ఉన్న ఈ లిటిల్ కబ్ నక్షత్ర మహాకూటమి ఉర్షా మేయర్‌పైన ఉందని గుర్తించారు. దీనినుంచి నక్షత్రాలు ఏర్పడడానికి అవసరమైన గ్యాస్ వెలువడుతోంది. ఈ గ్యాస్‌ను అధ్యయనం చేస్తే అసలు విశ్వం ఎలా ఆవిర్భవించిందన్న రహస్యాలు ఎన్నో వెలుగులోకి వచ్చే అవకాశాలున్నాయని అమెరికాలోని కాలిఫోర్నియా యూనివర్సిటీలో అంతరిక్ష పరిశోధనలు చేస్తున్న బృందం పేర్కొంది. ఓ చిన్న గెలాక్సీ మరోపెద్ద గెలాక్సీ వైపుగా వెళుతున్నప్పుడు ఇలా నక్షత్రాలు ఏర్పడడానికి అవసరమైన గ్యాస్‌ను విడుదల చేయడం ఓ అరుదైన సంఘటన అని బృందంలోని సభ్యుడు టిపానీ స్యూ తెలిపారు. ఈ సమయంలో నక్షత్రాలు ఎలా ఏర్పడతాయో అధ్యయనం చేయడానికి ఓ మంచి అవకాశముంటుందని పేర్కొన్నాడు. అతిపెద్ద గెలాక్సీ అయిన ఎన్‌జిసి 3359తో కలిసేప్పుడు లిటిల్ కబ్‌లో ఉండే గ్యాస్ అంతా ఖాళీ అయిపోతుంది. లిటిల్ కబ్‌కంటే ఎన్‌జిసి 3359లో పదివేల రెట్లు ఎక్కువగా నక్షత్రాలున్నాయి. ఒక్కసారి చిన్న గెలాక్సీలు పెద్ద గెలాక్సీలలో కలిసిపోతే అవి నక్షత్రాలను తయారు చేసే శక్తి సామర్థ్యాలను కోల్పోతాయి. అనంతరం అవి అంతమైపోతాయి. లిటిల్ కబ్‌లోని అత్యంత కాంతివంతమైన చిన్నచిన్న నక్షత్రాలలోని హైడ్రోజన్, హీలియం అణువులపై పరిశోధనలు చేసే వీలుంటుంది. వీటిద్వారా ఎన్నో విశ్వరహస్యాలు ఛేదించే అవకాశాలున్నాయని పరిశోధకులు పేర్కొంటున్నారు.
Related Articles
రోమ్, మార్చి 22: ప్రపంచవ్యాప్తంగా కరోనా వైరస్ తీవ్రత మరింత జఠిలంగా మారుతోంది. దాదాపు 100 కోట్ల మంది ఇళ్లకే పరిమితమైపోయే పరిస్థితి తలెత్తింది. ఇప్పటివరకు మరణించినవారి సంఖ్య 13,444కు పెరిగింది. దాదాపు 170 దేశాల్లో ఈ వ్యాధి తీవ్రత పెరుగుతోంది. దాదాపు 35 దేశాలు లాక్ డౌన్ పరిస్థితిలోకి వెళ్లిపోయాయి.
వాషింగ్టన్: చైనా కరోనా వైరస్ విషయంలో చాలా గోప్యంగా వ్యవహరించిందని, ఈ సమాచారాన్ని సకాలంలో ప్రపంచ దేశాలతో పంచుకోలేదని అమెరికా అధ్యక్షుడు డొనాల్డ్ ట్రంప్ విమర్శించారు.
వాషింగ్టన్: కరోనా వైరస్ భయంతో అమెరికా వణికిపోతున్నది. విదేశాల నుంచి వచ్చే వారి సంఖ్యను పరిమితం చేసే దిశగా చర్యలు చేపట్టింది. అదేవిధంగా వివిధ కార్యక్రమాలనూ రద్దు చేసుకుంది. అందులో భాగంగానే స్పెయిన్ రాజు ఫెలిప్-6, రాణి లెటిజియా పర్యటనకు బ్రేక్ వేసింది.
కరోనా వైరస్ దెబ్బకు కరచాలనాలు, ఆలింగనాలు పోయి నమస్తే పెట్టడం అలవాటవుతోంది. విదేశాల్లోనూ ‘నమస్తే’ సంప్రదాయాన్ని పాటిస్తున్నారు. జకార్తాలో నెదర్లాండ్స్ రాజు విలియమ్ అలెగ్జాండర్, ఇండోనేషియా విదేశాంగ మంత్రి రెంటో మర్సూదీ ఒకరినొకరు ‘నమస్తే’తో పలకరించుకున్నారు
బార్సిలోనా, మార్చి 15: ప్రాణాంతక మహమ్మారి కరోనా వైరస్ వ్యాప్తిని కట్టడి చేయలేక ప్రపంచ దేశాలు కకావికలవుతున్నాయి. దాదాపు అన్ని దేశాలను కమ్ముకుని ఈ వైరస్ ఇప్పటివరకు దాదాపు 6వేల మందిని బలిగొంది. ప్రపంచవ్యాప్తంగా 1.50 లక్షలకు పైగా ఈ ప్రాణాంతక వ్యాధి సోకి అల్లాడుతున్నారు.