అంతర్జాతీయం
ఎన్నో మాట్లాడుకున్నాం
S ,7 à 8 RSCA (si SASPAS) et 6 cialis pharmacie cialis rapports de stage.
హాంబర్గ్, జూలై 7: అమెరికా, రష్యాలు మరింత సన్నిహితంగా పనిచేయడానికి అన్నివిధాలా అనుకూల పరిస్థితులు ఉన్నాయని అగ్రరాజ్య అధినేత డొనాల్డ్ ట్రంప్ అన్నారు. జి-20 శిఖరాగ్ర సదస్సుకు హాజరయ్యేందుకు వచ్చిన రష్యా అధ్యక్షుడు వ్లాదిమిర్ పుతిన్‌తో ఆయన సమావేశమయ్యారు. అమెరికా అధ్యక్ష ఎన్నికలు జరిగినప్పటినుంచి చెలరేగిన వివాదాల నేపథ్యంలో ఇరు దేశాల అధ్యక్షులు కలుసుకోవడం ఇదే మొదటిసారి. పుతిన్‌తో కలిసి కూర్చోవడం తనకెంతో గౌరవంగా ఉందని డొనాల్డ్ ట్రంప్ అన్నారు. వీరిద్దరి సమావేశాన్ని వీక్షించేందుకు పాత్రికేయులను స్వల్ప వ్యవధిపాటు అనుమతించారు. ఇప్పటికే పుతిన్‌తో తాను ఎంతో అర్థవంతమైన చర్చలు జరిపానని, ఇరు దేశాలకు పనికొచ్చే విధంగా తామిద్దరూ కలిసి పనిచేయడానికి ఎంతో అనుకూల వాతావరణం ఉందని అన్నారు. ఈ రెండు దేశాలూ కలిస్తే సంబంధిత దేశాలన్నింటికే కాకుండా మొత్తం ప్రపంచానికే ఎంతో మేలు జరుగుతుందన్నారు. అయితే ఈ సమావేశంలో తామిద్దరి మధ్య జరిగిన చర్చల గురించి వివరించడానికి ట్రంప్ నిరాకరించారు. కేవలం ‘చాలా విషయాలు మాట్లాడుకున్నాం’ అని మాత్రమే ముక్తసరిగా జవాబిచ్చారు. పుతిన్ కూడా ట్రంప్ తరహాలోనే దాటవేత ధోరణినే అవలంబించారు. అంతర్జాతీయ సమస్యలను, ద్వైపాక్షిక అంశాలను చర్చించామన్నారు. అయితే తమమధ్య సమావేశం జరగడమే ఓ సానుకూల సంకేతమని, దీనివల్ల సానుకూల ఫలితాలు వస్తాయనే ఆశిస్తున్నామని తెలిపారు.
చిత్రం.. హాంబర్గ్‌లో భేటీ అయన రష్యా, అమెరికా అధినేతలు పుతిన్, ట్రంప్
Related Articles
రోమ్, మార్చి 22: ప్రపంచవ్యాప్తంగా కరోనా వైరస్ తీవ్రత మరింత జఠిలంగా మారుతోంది. దాదాపు 100 కోట్ల మంది ఇళ్లకే పరిమితమైపోయే పరిస్థితి తలెత్తింది. ఇప్పటివరకు మరణించినవారి సంఖ్య 13,444కు పెరిగింది. దాదాపు 170 దేశాల్లో ఈ వ్యాధి తీవ్రత పెరుగుతోంది. దాదాపు 35 దేశాలు లాక్ డౌన్ పరిస్థితిలోకి వెళ్లిపోయాయి.
వాషింగ్టన్: చైనా కరోనా వైరస్ విషయంలో చాలా గోప్యంగా వ్యవహరించిందని, ఈ సమాచారాన్ని సకాలంలో ప్రపంచ దేశాలతో పంచుకోలేదని అమెరికా అధ్యక్షుడు డొనాల్డ్ ట్రంప్ విమర్శించారు.
వాషింగ్టన్: కరోనా వైరస్ భయంతో అమెరికా వణికిపోతున్నది. విదేశాల నుంచి వచ్చే వారి సంఖ్యను పరిమితం చేసే దిశగా చర్యలు చేపట్టింది. అదేవిధంగా వివిధ కార్యక్రమాలనూ రద్దు చేసుకుంది. అందులో భాగంగానే స్పెయిన్ రాజు ఫెలిప్-6, రాణి లెటిజియా పర్యటనకు బ్రేక్ వేసింది.
కరోనా వైరస్ దెబ్బకు కరచాలనాలు, ఆలింగనాలు పోయి నమస్తే పెట్టడం అలవాటవుతోంది. విదేశాల్లోనూ ‘నమస్తే’ సంప్రదాయాన్ని పాటిస్తున్నారు. జకార్తాలో నెదర్లాండ్స్ రాజు విలియమ్ అలెగ్జాండర్, ఇండోనేషియా విదేశాంగ మంత్రి రెంటో మర్సూదీ ఒకరినొకరు ‘నమస్తే’తో పలకరించుకున్నారు
బార్సిలోనా, మార్చి 15: ప్రాణాంతక మహమ్మారి కరోనా వైరస్ వ్యాప్తిని కట్టడి చేయలేక ప్రపంచ దేశాలు కకావికలవుతున్నాయి. దాదాపు అన్ని దేశాలను కమ్ముకుని ఈ వైరస్ ఇప్పటివరకు దాదాపు 6వేల మందిని బలిగొంది. ప్రపంచవ్యాప్తంగా 1.50 లక్షలకు పైగా ఈ ప్రాణాంతక వ్యాధి సోకి అల్లాడుతున్నారు.