అంతర్జాతీయం
ఉగ్రవాదం పీచమణచాలి
S ,7 à 8 RSCA (si SASPAS) et 6 cialis pharmacie cialis rapports de stage.
హాంబర్గ్, జూలై 7: ఉగ్రవాదంపై యుద్ధానికి బ్రిక్స్ దేశాధినేతలు కలిసి రావాలని మోదీ పిలుపునిచ్చారు. ఉగ్రవాదం అంతానికి, బ్రిక్స్ దేశాల ఆర్థికాభివృద్ధికి అందరూ కలిసికట్టుగా పనిచేయాల్సిన అవసరం ఉందని ఆయన అన్నారు. జి-20 దేశాల సమావేశానికి హాజరయ్యేందుకు ఇక్కడకు వచ్చిన ప్రధాని మోదీ బ్రిక్స్ (బ్రెజిల్, రష్యా, ఇండియా, చైనా, సౌత్ ఆఫ్రికా) దేశాధినేతలతో జరిగిన అనధికారిక సమావేశంలో మాట్లాడారు. ఉగ్రవాదం నిర్మూలన, ప్రపంచ ఆర్థిక గమనాన్ని శాసించగల స్థాయిలో బ్రిక్స్ దేశాలున్నాయని అన్నారు. ఈ దిశగా బ్రిక్స్ దేశాధినేతలు దృఢమైన న్యాయకత్వ పటిమను ప్రదర్శించాల్సిన అవసరం ఉందని మోదీ పేర్కొన్నారు. ఉగ్రవాదాన్ని కూకటివేళ్లతో పెకిలించడానికి జి-20 దేశాలు ఉగ్ర మూలాలను, ఆర్థిక మార్గాలను, వారికి మద్దతునిస్తున్న సంస్థలు, సహాయసహకారాలందిస్తున్న వారిపై కఠినంగా వ్యవహరించాలని అన్నారు. అందుకు బ్రిక్స్ దేశాధినేతలు కలిసికట్టుగా పనిచేయాలని పిలుపునిచ్చారు. విశ్వ విపణిలో వాణిజ్యం, మేధా సంపత్తిని ఇచ్చిపుచ్చుకోవడంలో ఎటువంటి ఆంక్షలు లేకుండా స్వేచ్ఛాయుత వాతావరణం కల్పించేందుకు కృషి చేయాలని అన్నారు. గల్ఫ్, పశ్చిమాసియా, కొరియా ద్వీపకల్పంలో దిగజారిపోతున్న పరిస్థితులపై మోదీ ఆందోళన వ్యక్తం చేశారు. ప్రపంచ వేదికపై ప్రగతి, సుస్థిరత, సంస్కరణల ప్రాముఖ్యతను బ్రిక్స్ దేశాలు గొంతెత్తి చాటాలని అన్నారు. నేడు ప్రపంచంలో ఆర్థిక, రాజకీయ, శాంతి భద్రతల విషయంలో చోటుచేసుకుంటున్న విపరిణామాలు అందరినీ కలవరపెడుతున్నాయని చెప్పారు. అంతర్యుద్ధంతో నలిగిపోతున్న అఫ్గానిస్తాన్, ఇజ్రాయెల్-పాలస్తీనా మధ్య చెలరేగుతున్న వివాదం, సిరియాలో ఐసిస్ ఉగ్రవాదుల ఆగడాలు, లిబియా, యెమెన్‌లలో జరుగుతున్న తిరుగుబాట్లు తీవ్ర ఆందోళన కలిగిస్తున్నాయని మోదీ ఈ సందర్భంగా పేర్కొన్నారు. దీనికితోడు ఉగ్రవాదానికి ఊతమిస్తోందంటూ ఖతర్‌తో సౌదీ అరేబియా, యుఏఈ, బెహ్రెయిన్ దేశాలు సంబంధాలు తెగతెంపులు చేసుకోవడం బ్రిక్స్ దేశాలపై తీవ్ర ప్రభావాన్ని చూపిస్తున్నదని అన్నారు. బ్రిక్స్ దేశాధినేతల మధ్య జరిగిన ఈ అనధికారిక సమావేశం చైనా అధ్యక్షుడు జిన్‌పింగ్ ఆహ్వానం మేరకు జరిగింది. అదీ భారత్, చైనా దేశాల మధ్య సిక్కిం సరిహద్దులో ఉద్రిక్త పరిస్థితులు నెలకొని ఉన్న తరుణంలో ఈ సమావేశం చైనా అధ్యక్షుడి ఆహ్వానం మేరకు జరగడం, అందులో ప్రధాని మోదీ మాట్లాడడం ప్రాధాన్యతను సంతరించుకుంది.
చిత్రం.. హాంబర్గ్‌లో శుక్రవారం జరిగిన బ్రిక్స్ దేశాధినేతల అనధికార సమావేశంలో పాల్గొన్న ప్రధాని మోదీ
Related Articles
రోమ్, మార్చి 22: ప్రపంచవ్యాప్తంగా కరోనా వైరస్ తీవ్రత మరింత జఠిలంగా మారుతోంది. దాదాపు 100 కోట్ల మంది ఇళ్లకే పరిమితమైపోయే పరిస్థితి తలెత్తింది. ఇప్పటివరకు మరణించినవారి సంఖ్య 13,444కు పెరిగింది. దాదాపు 170 దేశాల్లో ఈ వ్యాధి తీవ్రత పెరుగుతోంది. దాదాపు 35 దేశాలు లాక్ డౌన్ పరిస్థితిలోకి వెళ్లిపోయాయి.
వాషింగ్టన్: చైనా కరోనా వైరస్ విషయంలో చాలా గోప్యంగా వ్యవహరించిందని, ఈ సమాచారాన్ని సకాలంలో ప్రపంచ దేశాలతో పంచుకోలేదని అమెరికా అధ్యక్షుడు డొనాల్డ్ ట్రంప్ విమర్శించారు.
వాషింగ్టన్: కరోనా వైరస్ భయంతో అమెరికా వణికిపోతున్నది. విదేశాల నుంచి వచ్చే వారి సంఖ్యను పరిమితం చేసే దిశగా చర్యలు చేపట్టింది. అదేవిధంగా వివిధ కార్యక్రమాలనూ రద్దు చేసుకుంది. అందులో భాగంగానే స్పెయిన్ రాజు ఫెలిప్-6, రాణి లెటిజియా పర్యటనకు బ్రేక్ వేసింది.
కరోనా వైరస్ దెబ్బకు కరచాలనాలు, ఆలింగనాలు పోయి నమస్తే పెట్టడం అలవాటవుతోంది. విదేశాల్లోనూ ‘నమస్తే’ సంప్రదాయాన్ని పాటిస్తున్నారు. జకార్తాలో నెదర్లాండ్స్ రాజు విలియమ్ అలెగ్జాండర్, ఇండోనేషియా విదేశాంగ మంత్రి రెంటో మర్సూదీ ఒకరినొకరు ‘నమస్తే’తో పలకరించుకున్నారు
బార్సిలోనా, మార్చి 15: ప్రాణాంతక మహమ్మారి కరోనా వైరస్ వ్యాప్తిని కట్టడి చేయలేక ప్రపంచ దేశాలు కకావికలవుతున్నాయి. దాదాపు అన్ని దేశాలను కమ్ముకుని ఈ వైరస్ ఇప్పటివరకు దాదాపు 6వేల మందిని బలిగొంది. ప్రపంచవ్యాప్తంగా 1.50 లక్షలకు పైగా ఈ ప్రాణాంతక వ్యాధి సోకి అల్లాడుతున్నారు.