అంతర్జాతీయం
జాగ్రత్తలు తీసుకోండి
S ,7 à 8 RSCA (si SASPAS) et 6 cialis pharmacie cialis rapports de stage.
బీజింగ్, జూలై 8: భారత్‌లో పర్యటించే చైనా పౌరులు వ్యక్తిగత భద్రతకు కావాల్సిన జాగ్రత్తలు తీసుకోవాలని ఆ దేశ విదేశాంగ మంత్రిత్వ శాఖ సూచించింది. అయితే ఇది కేవలం సూచన మాత్రమేనని హెచ్చరిక కాదని పేర్కొంది. భారత్‌లో పర్యటించే చైనీయులు అక్కడ నెలకొని ఉన్న పరిస్థితులు, వ్యక్తిగత భద్రత విషయంలో ముందు జాగ్రత్తలు తీసుకోవాలని సూచించింది. న్యూఢిల్లీలోని చైనా రాయబార కార్యాలయం నుంచి శనివారం ఈ మేరకు ఓ ప్రకటన జారీ చేసింది. భారత్‌లో స్థానిక స్థితిగతులను క్షుణ్ణంగా పరిశీలించి వ్యక్తిగత భద్రతతోపాటు తగుజాగ్రత్తలు తీసుకోవాలని తమ దేశ పౌరులను కోరింది. తాము ఏయే ప్రాంతాల్లో పర్యటించనుంది, పర్యటన వివరాలను స్నేహితులు, బంధువులకు ఎప్పటికప్పుడు సమాచారం అందించాల్సిందిగా తెలిపింది. పర్యటిస్తున్నప్పుడు వ్యక్తిగత గుర్తింపు పత్రాలను తప్పనిసరిగా వెంట ఉంచుకోవాలని, భారత్‌లోని ఆచార వ్యవహాల విషయంలో జాగ్రత్తగా మెలగాలని, అక్కడి చట్టాలు, మతసంబంధ విషయాల్లో చాలాజాగ్రత్తగా ఉండాలని సూచించింది. అత్యవసర పరిస్థితుల్లో సంప్రదించేందుకు తమ దేశ కాన్సులర్ కార్యాలయ ఫోన్ నంబర్లను కూడా ఆ ప్రకటనలో వెల్లడించింది. అవసరం లేని పర్యటనలను రద్దు చేసుకోవడం మేలని తమ పౌరులకు చైనా సూచించింది. సిక్కిం సరిహద్దులోని డోక్లామ్ వద్ద గత మూడు వారాలుగా నెలకొని ఉన్న ఉద్రిక్త పరిస్థితుల దృష్ట్యా చైనా తాజాగా ఈ మేరకు భారత్‌లో పర్యటిస్తున్న తమ దేశ పౌరులకు జాగ్రత్తలు జారీ చేసింది.
Related Articles
రోమ్, మార్చి 22: ప్రపంచవ్యాప్తంగా కరోనా వైరస్ తీవ్రత మరింత జఠిలంగా మారుతోంది. దాదాపు 100 కోట్ల మంది ఇళ్లకే పరిమితమైపోయే పరిస్థితి తలెత్తింది. ఇప్పటివరకు మరణించినవారి సంఖ్య 13,444కు పెరిగింది. దాదాపు 170 దేశాల్లో ఈ వ్యాధి తీవ్రత పెరుగుతోంది. దాదాపు 35 దేశాలు లాక్ డౌన్ పరిస్థితిలోకి వెళ్లిపోయాయి.
వాషింగ్టన్: చైనా కరోనా వైరస్ విషయంలో చాలా గోప్యంగా వ్యవహరించిందని, ఈ సమాచారాన్ని సకాలంలో ప్రపంచ దేశాలతో పంచుకోలేదని అమెరికా అధ్యక్షుడు డొనాల్డ్ ట్రంప్ విమర్శించారు.
వాషింగ్టన్: కరోనా వైరస్ భయంతో అమెరికా వణికిపోతున్నది. విదేశాల నుంచి వచ్చే వారి సంఖ్యను పరిమితం చేసే దిశగా చర్యలు చేపట్టింది. అదేవిధంగా వివిధ కార్యక్రమాలనూ రద్దు చేసుకుంది. అందులో భాగంగానే స్పెయిన్ రాజు ఫెలిప్-6, రాణి లెటిజియా పర్యటనకు బ్రేక్ వేసింది.
కరోనా వైరస్ దెబ్బకు కరచాలనాలు, ఆలింగనాలు పోయి నమస్తే పెట్టడం అలవాటవుతోంది. విదేశాల్లోనూ ‘నమస్తే’ సంప్రదాయాన్ని పాటిస్తున్నారు. జకార్తాలో నెదర్లాండ్స్ రాజు విలియమ్ అలెగ్జాండర్, ఇండోనేషియా విదేశాంగ మంత్రి రెంటో మర్సూదీ ఒకరినొకరు ‘నమస్తే’తో పలకరించుకున్నారు
బార్సిలోనా, మార్చి 15: ప్రాణాంతక మహమ్మారి కరోనా వైరస్ వ్యాప్తిని కట్టడి చేయలేక ప్రపంచ దేశాలు కకావికలవుతున్నాయి. దాదాపు అన్ని దేశాలను కమ్ముకుని ఈ వైరస్ ఇప్పటివరకు దాదాపు 6వేల మందిని బలిగొంది. ప్రపంచవ్యాప్తంగా 1.50 లక్షలకు పైగా ఈ ప్రాణాంతక వ్యాధి సోకి అల్లాడుతున్నారు.