అంతర్జాతీయం
రాజీనామా ప్రసక్తేలేదు
S ,7 à 8 RSCA (si SASPAS) et 6 cialis pharmacie cialis rapports de stage.
ఇస్లామాబాద్, జూలై 13: పనామా కేసులో ప్రతికూల వ్యాఖ్యలు వచ్చిన నేపథ్యంలో తన పదవికి రాజీనామా చేయాలన్న డిమాండ్ పాకిస్తాన్ ప్రధాన మంత్రి నవాజ్ షరీఫ్ తిరస్కరించారు. పనామా కేసును దర్యాప్తు చేసిన ప్యానెల్ నవాజ్‌షరీఫ్, ఆయన కుటుంబ సభ్యులపై అవినీతి కేసును నమోదు చేయాలని సిఫార్సు చేసింది. ఈ నేపథ్యంలో గురువారం అత్యవసర కేబినెట్ సమావేశాన్ని నిర్వహించిన నవాజ్ షరీఫ్ ఈ దర్యాప్తు ప్యానెల్ నివేదికను ఆరోపణలు, ఊహాగానాల మయంగా అభివర్ణించారు. తనను దేశ ప్రధాన మంత్రిగా ఎన్నుకున్నది పాకిస్తాన్ ప్రజలని, తనను తొలగించాల్సింది కూడా వారేనని షరీఫ్ స్పష్టం చేశారు. రాజకీయాల్లోకి వచ్చిన తరువాత తన కుటుంబం సంపాదించుకున్నది ఏమీలేదని, ఎంతో కోల్పోయిందని చెప్పారు. సంయుక్త దర్యాప్తు బృందం (జెఐటి) నివేదికలో ఉపయోగించిన భాష దురుద్దేశంతో కూడుకున్నదిగా ఉందని ఆయన అన్నారు. తప్పుడు ఆరోపణల ప్రాతిపదికగా తన రాజీనామా డిమాండ్ చేస్తున్న వ్యక్తులు ముందుగా ఆత్మపరిశీలన చేసుకోవాలని షరీఫ్ హితవుపలికారు. కుట్రదారులు చేసే ఆరోపణకు స్పందించి తాను రాజీనామా చేసే ప్రసక్తేలేదని పునరుద్ఘాటించారు.
Related Articles
రోమ్, మార్చి 22: ప్రపంచవ్యాప్తంగా కరోనా వైరస్ తీవ్రత మరింత జఠిలంగా మారుతోంది. దాదాపు 100 కోట్ల మంది ఇళ్లకే పరిమితమైపోయే పరిస్థితి తలెత్తింది. ఇప్పటివరకు మరణించినవారి సంఖ్య 13,444కు పెరిగింది. దాదాపు 170 దేశాల్లో ఈ వ్యాధి తీవ్రత పెరుగుతోంది. దాదాపు 35 దేశాలు లాక్ డౌన్ పరిస్థితిలోకి వెళ్లిపోయాయి.
వాషింగ్టన్: చైనా కరోనా వైరస్ విషయంలో చాలా గోప్యంగా వ్యవహరించిందని, ఈ సమాచారాన్ని సకాలంలో ప్రపంచ దేశాలతో పంచుకోలేదని అమెరికా అధ్యక్షుడు డొనాల్డ్ ట్రంప్ విమర్శించారు.
వాషింగ్టన్: కరోనా వైరస్ భయంతో అమెరికా వణికిపోతున్నది. విదేశాల నుంచి వచ్చే వారి సంఖ్యను పరిమితం చేసే దిశగా చర్యలు చేపట్టింది. అదేవిధంగా వివిధ కార్యక్రమాలనూ రద్దు చేసుకుంది. అందులో భాగంగానే స్పెయిన్ రాజు ఫెలిప్-6, రాణి లెటిజియా పర్యటనకు బ్రేక్ వేసింది.
కరోనా వైరస్ దెబ్బకు కరచాలనాలు, ఆలింగనాలు పోయి నమస్తే పెట్టడం అలవాటవుతోంది. విదేశాల్లోనూ ‘నమస్తే’ సంప్రదాయాన్ని పాటిస్తున్నారు. జకార్తాలో నెదర్లాండ్స్ రాజు విలియమ్ అలెగ్జాండర్, ఇండోనేషియా విదేశాంగ మంత్రి రెంటో మర్సూదీ ఒకరినొకరు ‘నమస్తే’తో పలకరించుకున్నారు
బార్సిలోనా, మార్చి 15: ప్రాణాంతక మహమ్మారి కరోనా వైరస్ వ్యాప్తిని కట్టడి చేయలేక ప్రపంచ దేశాలు కకావికలవుతున్నాయి. దాదాపు అన్ని దేశాలను కమ్ముకుని ఈ వైరస్ ఇప్పటివరకు దాదాపు 6వేల మందిని బలిగొంది. ప్రపంచవ్యాప్తంగా 1.50 లక్షలకు పైగా ఈ ప్రాణాంతక వ్యాధి సోకి అల్లాడుతున్నారు.