అంతర్జాతీయం
నవాజ్ షరీఫ్‌పై కేసులు మళ్లీ తిరగదోడాలి
S ,7 à 8 RSCA (si SASPAS) et 6 cialis pharmacie cialis rapports de stage.
ఇస్లామాబాద్, జూలై 16: లండన్‌లో పాకిస్తాన్ ప్రధాన మంత్రి నవాజ్ షరీఫ్ కుటుంబ సభ్యులకు సంబంధించిన ఆస్తులపై దర్యాప్తు జరుపుతున్న సంయుక్త దర్యాప్తు బృందం ఆయనపై 15 కేసులను తిరగదోడాలని సిఫారసు చేసినట్లు ఆదివారం ఒక వార్తా కథనం వెల్లడించింది. పనామా పత్రాల లీకేజీ కుంభకోణం వెలుగులోకి వచ్చిన అనంతరం పాక్ సంయుక్త దర్యాప్తు బృందం ఈ అంశంపై దృష్టి సారించిన విషయం విదితమే. 1990వ దశకంలో నవాజ్ షరీఫ్ రెండుసార్లు పాక్ ప్రధానిగా ఉన్నప్పుడు లండన్‌లో తన కుటుంబ సభ్యుల పేరిట ఆస్తులను కొనుగోలు చేసేందుకు మనీ లాండరింగ్‌కు పాల్పడ్డారన్న ఆరోపణలతో ఈ భారీ కుంభకోణం వెలుగులోకి వచ్చింది. నవాజ్ షరీఫ్ తన పిల్లల ఆధ్వర్యంలో నడుస్తున్న విదేశీ కంపెనీలద్వారా నిధులు మళ్లించి ఈ ఆస్తులను కొనుగోలు చేసినట్లు గత ఏడాది లీకైన పనామా పత్రాలు వెల్లడించాయి. దీంతో ఈ అంశంపై దర్యాప్తు జరిపిన ఆరుగురు సభ్యుల సంయుక్త దర్యాప్తు బృందం ఈ నెల 10వ తేదీన తన నివేదికను పాక్ సుప్రీం కోర్టుకు సమర్పించింది. నవాజ్ షరీఫ్, ఆయన పిల్లలు తమ ఆదాయ వనరులకు మించి ఎంతో విలాసవంతమైన జీవితాన్ని గడుపుతున్నారని, కనుక వారిపై కొత్త అవినీతి కేసు నమోదు చేయాలని సంయుక్త దర్యాప్తు బృందం తమ నివేదికలో సిఫారసు చేసింది.
Related Articles
రోమ్, మార్చి 22: ప్రపంచవ్యాప్తంగా కరోనా వైరస్ తీవ్రత మరింత జఠిలంగా మారుతోంది. దాదాపు 100 కోట్ల మంది ఇళ్లకే పరిమితమైపోయే పరిస్థితి తలెత్తింది. ఇప్పటివరకు మరణించినవారి సంఖ్య 13,444కు పెరిగింది. దాదాపు 170 దేశాల్లో ఈ వ్యాధి తీవ్రత పెరుగుతోంది. దాదాపు 35 దేశాలు లాక్ డౌన్ పరిస్థితిలోకి వెళ్లిపోయాయి.
వాషింగ్టన్: చైనా కరోనా వైరస్ విషయంలో చాలా గోప్యంగా వ్యవహరించిందని, ఈ సమాచారాన్ని సకాలంలో ప్రపంచ దేశాలతో పంచుకోలేదని అమెరికా అధ్యక్షుడు డొనాల్డ్ ట్రంప్ విమర్శించారు.
వాషింగ్టన్: కరోనా వైరస్ భయంతో అమెరికా వణికిపోతున్నది. విదేశాల నుంచి వచ్చే వారి సంఖ్యను పరిమితం చేసే దిశగా చర్యలు చేపట్టింది. అదేవిధంగా వివిధ కార్యక్రమాలనూ రద్దు చేసుకుంది. అందులో భాగంగానే స్పెయిన్ రాజు ఫెలిప్-6, రాణి లెటిజియా పర్యటనకు బ్రేక్ వేసింది.
కరోనా వైరస్ దెబ్బకు కరచాలనాలు, ఆలింగనాలు పోయి నమస్తే పెట్టడం అలవాటవుతోంది. విదేశాల్లోనూ ‘నమస్తే’ సంప్రదాయాన్ని పాటిస్తున్నారు. జకార్తాలో నెదర్లాండ్స్ రాజు విలియమ్ అలెగ్జాండర్, ఇండోనేషియా విదేశాంగ మంత్రి రెంటో మర్సూదీ ఒకరినొకరు ‘నమస్తే’తో పలకరించుకున్నారు
బార్సిలోనా, మార్చి 15: ప్రాణాంతక మహమ్మారి కరోనా వైరస్ వ్యాప్తిని కట్టడి చేయలేక ప్రపంచ దేశాలు కకావికలవుతున్నాయి. దాదాపు అన్ని దేశాలను కమ్ముకుని ఈ వైరస్ ఇప్పటివరకు దాదాపు 6వేల మందిని బలిగొంది. ప్రపంచవ్యాప్తంగా 1.50 లక్షలకు పైగా ఈ ప్రాణాంతక వ్యాధి సోకి అల్లాడుతున్నారు.