అంతర్జాతీయం
బాడీగార్డుతో పారిపోవాలనుకున్న డయానా!
S ,7 à 8 RSCA (si SASPAS) et 6 cialis pharmacie cialis rapports de stage.
లండన్, జూలై 30: పారిస్‌లో జరిగిన కారు ప్రమాదంలో ప్రిన్స్ డయానా మరణించి 20 ఏళ్లు గడిచిపోయినా బ్రిటిష్ యువరాజు ప్రిన్స్ చార్లెస్‌తో ఆమె విఫల వైవాహిక జీవితం, ఆమె ప్రేమకు సంబంధించిన కథనాలు ఇప్పటికీ వెలుగు చూస్తూనే ఉన్నాయి. తాజాగా ప్రిన్స్ చార్లెస్‌తో వైవాహిక జీవితంనుంచి తప్పించుకోవడానికి డయానా పీకల్లోతు ప్రేమలో పడిన తన బాడీగార్డు ఒకరితో పారిపోవాలనుకున్నట్లు ఆమె తన వాయిస్ కోచ్‌తో రహస్యంగా రికార్డు చేసిన వీడియోలను బట్టి తెలుస్తోంది. ఈ వీడియోలు ఇప్పుడు తొలిసారిగా బ్రిటన్‌లో ప్రసారం కాబోతున్నాయి. ప్రిన్స్ డయానా 1992-93 సంవత్సరాల మధ్య కెన్సింగ్‌టన్ ప్యాలెస్‌లో పీటర్ సెటెలెన్‌తో ఈ వీడియో టేప్‌లను రికార్డు చేశారు. వచ్చేవారం బ్రిటన్‌కు చెందిన చానెల్-4 ఒక డాక్యుమెంటరీలో భాగంగా తొలిసారి ప్రసారం చేయబోతోంది. తన అంగరక్షకుడు బ్యారీ మన్నాకీతో తాను ప్రేమలో పడిన విషయాన్ని ఈ వీడియోల్లో ఆమె అంగీకరించడమే కాకుండా అప్పట్లో కామిల్లా పార్కర్-బోవెల్స్‌తో ప్రిన్స్ చార్లెస్ ప్రేమ వ్యవహారం గురించి ఆయనతో చర్చించిన విషయాన్ని కూడా వెల్లడించింది. తనకు 24-25 ఏళ్ల వయసు ఉన్నప్పుడు ఒకరితో గాఢమైన ప్రేమలో పడినట్లు డయానా తెలిపింది. ‘నేను వీటన్నిటినీ వదిలిపెట్టి సంతోషంగా వెళ్లిపోవాలనుకుంటున్నాను.. అతను (మన్నాకీ) కూడా ఇది మంచి ఆలోచనేనని చెప్తూ వచ్చాడు’ అని డయానా ఆ వీడియో టేపుల్లో చెప్పినట్లు ‘సండే టైమ్స్’ పత్రిక ప్రచురించిన వీడియోలోని ముఖ్యాంశాలను బట్టి తెలుస్తోంది. అయితే మన్నాకీతో తనకు ఉన్నది కేవలం లైంగిక సం బంధం కాదని, అంతకు మించిన ప్రేమ అని డయానా స్పష్టం చేసింది. అయితే అతడ్ని ప్యాలెస్‌నుంచి బైటికి గెంటి వేశారని, అది తన జీవితంలో అతిపెద్ద దెబ్బ అని ఆమె చెప్పింది. ఆ తర్వాత మన్నాకీ ఓ మోటార్ బైక్ ప్రమాదంలో చనిపోయాడు. కాగా, చానెల్-4 ఏడు టేపులలోని ముఖ్యాంశాలను మాత్రమే తీసుకుంది. మొత్తం 12 టేపులుంటే మిగతా అయిదు కనిపించడం లేదని తెలుస్తోంది.
Related Articles
రోమ్, మార్చి 22: ప్రపంచవ్యాప్తంగా కరోనా వైరస్ తీవ్రత మరింత జఠిలంగా మారుతోంది. దాదాపు 100 కోట్ల మంది ఇళ్లకే పరిమితమైపోయే పరిస్థితి తలెత్తింది. ఇప్పటివరకు మరణించినవారి సంఖ్య 13,444కు పెరిగింది. దాదాపు 170 దేశాల్లో ఈ వ్యాధి తీవ్రత పెరుగుతోంది. దాదాపు 35 దేశాలు లాక్ డౌన్ పరిస్థితిలోకి వెళ్లిపోయాయి.
వాషింగ్టన్: చైనా కరోనా వైరస్ విషయంలో చాలా గోప్యంగా వ్యవహరించిందని, ఈ సమాచారాన్ని సకాలంలో ప్రపంచ దేశాలతో పంచుకోలేదని అమెరికా అధ్యక్షుడు డొనాల్డ్ ట్రంప్ విమర్శించారు.
వాషింగ్టన్: కరోనా వైరస్ భయంతో అమెరికా వణికిపోతున్నది. విదేశాల నుంచి వచ్చే వారి సంఖ్యను పరిమితం చేసే దిశగా చర్యలు చేపట్టింది. అదేవిధంగా వివిధ కార్యక్రమాలనూ రద్దు చేసుకుంది. అందులో భాగంగానే స్పెయిన్ రాజు ఫెలిప్-6, రాణి లెటిజియా పర్యటనకు బ్రేక్ వేసింది.
కరోనా వైరస్ దెబ్బకు కరచాలనాలు, ఆలింగనాలు పోయి నమస్తే పెట్టడం అలవాటవుతోంది. విదేశాల్లోనూ ‘నమస్తే’ సంప్రదాయాన్ని పాటిస్తున్నారు. జకార్తాలో నెదర్లాండ్స్ రాజు విలియమ్ అలెగ్జాండర్, ఇండోనేషియా విదేశాంగ మంత్రి రెంటో మర్సూదీ ఒకరినొకరు ‘నమస్తే’తో పలకరించుకున్నారు
బార్సిలోనా, మార్చి 15: ప్రాణాంతక మహమ్మారి కరోనా వైరస్ వ్యాప్తిని కట్టడి చేయలేక ప్రపంచ దేశాలు కకావికలవుతున్నాయి. దాదాపు అన్ని దేశాలను కమ్ముకుని ఈ వైరస్ ఇప్పటివరకు దాదాపు 6వేల మందిని బలిగొంది. ప్రపంచవ్యాప్తంగా 1.50 లక్షలకు పైగా ఈ ప్రాణాంతక వ్యాధి సోకి అల్లాడుతున్నారు.