అంతర్జాతీయం
అంగుళం కూడా వదులుకోం
S ,7 à 8 RSCA (si SASPAS) et 6 cialis pharmacie cialis rapports de stage.
బీజింగ్, ఆగస్టు 1: తమకు చెందిన భూభాగాన్ని అంగుళం కూడా వదులుకునే పరిస్థితి లేదని, అన్ని విధాలుగా ప్రాదేశిక సమగ్రతను, సార్వభౌమత్వాన్ని పరిరక్షించుకుంటామని చైనా అధ్యక్షుడు జీ జిన్‌పింగ్ ఉద్ఘాటించారు. పొరుగు దేశాలతో ప్రాదేశిక వివాదాలు తీవ్ర స్థాయిని సంతరించుకున్న నేపథ్యంలో ఆయన ఈ హెచ్చరిక స్వరాన్ని వినిపించడం గమనార్హం. అన్ని రకాలుగా దాడులను చిత్తు చేయడంతోపాటు దేశ సార్వభౌమత్వాన్ని కాపాడుకోగలిగే సత్తా పీపుల్స్ లిబరేషన్ ఆర్మీకి ఉందని ఆయన తెలిపారు. సిక్కింలోని డోక్లామ్‌పై భారత్‌తో ప్రతిష్టంభన ఏర్పడిన నేపథ్యంలో మాట్లాడిన జిన్‌పింగ్ ‘మా సార్వభౌమత్వాన్ని దెబ్బతీసే ఏ చర్యనూ సహించబోం. అలాగే భద్రత, అభివృద్ధి ప్రయోజనాలను తిరుగులేని విధంగా కాపాడుకుంటాం’ అని తెలిపారు. సిక్కిం వివాదాన్ని ఆయన నేరుగా ప్రస్తావించకపోయినా ఎలాంటి పరిణామాన్నైనా ఎదుర్కొనేందుకు సర్వసన్నద్ధంగా ఉండాలని పిఎల్‌ఏ పిలుపునిచ్చారు. అంతిమ విజయం తమదేనన్న ధీమాతోనే ఎప్పటికప్పుడు ఈ యుద్ధ సన్నద్ధతను పెంపొందించుకోవాలని కోరారు. చైనా ప్రజలు శాంతినే కోరుకుంటున్నారని తమకు దురాక్రమణ ఆకాంక్ష లేదని, అలాగే రాజ్యవిస్తరణ లక్ష్యమూ లేదని జిన్‌పింగ్ తెలిపారు. అయితే తమపై ఎవరు దాడిచేసినా తిప్పికొట్టగలిగే ధీమా తమకు ఉందన్నారు. గ్రేట్ హాల్ ఆఫ్ చైనాలో జరిగిన కార్యక్రమంలో జిన్‌పింగ్ మాట్లాడారు. అధికార కమ్యూనిస్టు పార్టీకి చెందిన ప్రధాని లీ కెకియాంగ్, ఇతర పార్టీ సీనియర్ నేతలు, సైనికాధికారులు హాజరయ్యారు. శత్రు దేశాల దాడులను తిప్పికొట్టగలిగే సామర్థ్యం తమ సైనిక దళాలకు ఉందని జిన్‌పింగ్ చెప్పడం గత మూడు రోజుల్లో రెండోసారి. పిఎల్‌ఏ 90వ వార్షికోత్సవ సందర్భంగా కూడా దేశ సైనిక సత్తా గురించి ఆయన మాట్లాడిన విషయం తెలిసిందే. పరిస్థితులు ఎంతగా మారినా, ఎన్ని పరిస్థితులు వచ్చినా చైనా సైనిక దళం నిరంతరం ఆధునికతను సంతరించుకుంటూనే ఉంటుందని ఆయన స్పష్టం చేశారు. సిపిసి సెంట్రల్ కమిటీ అధికారాన్ని పరిరక్షించుకోవాలని దాని నిర్ణయాలను అనుసరించాలని పిలుపునిచ్చారు. అలాగే మారుతున్న పరిస్థితులకు అనుగుణంగా అభివృద్ధి వ్యూహాలను మరచిపోవాలని, ప్రతికూల పరిణామాలను అధిగమించే సత్తాను సంతరించుకోవాలని ఆయన స్పష్టం చేశారు. ముఖ్యంగా శాస్త్ర సాంకేతిక పరిజ్ఞానాన్ని ఎప్పటికప్పుడు అవగతం చేసుకుని చైనా సైన్యం తన సామర్థ్యాన్ని ఇనుమడింపజేసుకోవాలన్నారు.
చిత్రం.. గ్రేట్ హాల్ ఆఫ్ చైనాలో జరిగిన కార్యక్రమంలో మాట్లాడుతున్న జీ జిన్‌పింగ్
Related Articles
రోమ్, మార్చి 22: ప్రపంచవ్యాప్తంగా కరోనా వైరస్ తీవ్రత మరింత జఠిలంగా మారుతోంది. దాదాపు 100 కోట్ల మంది ఇళ్లకే పరిమితమైపోయే పరిస్థితి తలెత్తింది. ఇప్పటివరకు మరణించినవారి సంఖ్య 13,444కు పెరిగింది. దాదాపు 170 దేశాల్లో ఈ వ్యాధి తీవ్రత పెరుగుతోంది. దాదాపు 35 దేశాలు లాక్ డౌన్ పరిస్థితిలోకి వెళ్లిపోయాయి.
వాషింగ్టన్: చైనా కరోనా వైరస్ విషయంలో చాలా గోప్యంగా వ్యవహరించిందని, ఈ సమాచారాన్ని సకాలంలో ప్రపంచ దేశాలతో పంచుకోలేదని అమెరికా అధ్యక్షుడు డొనాల్డ్ ట్రంప్ విమర్శించారు.
వాషింగ్టన్: కరోనా వైరస్ భయంతో అమెరికా వణికిపోతున్నది. విదేశాల నుంచి వచ్చే వారి సంఖ్యను పరిమితం చేసే దిశగా చర్యలు చేపట్టింది. అదేవిధంగా వివిధ కార్యక్రమాలనూ రద్దు చేసుకుంది. అందులో భాగంగానే స్పెయిన్ రాజు ఫెలిప్-6, రాణి లెటిజియా పర్యటనకు బ్రేక్ వేసింది.
కరోనా వైరస్ దెబ్బకు కరచాలనాలు, ఆలింగనాలు పోయి నమస్తే పెట్టడం అలవాటవుతోంది. విదేశాల్లోనూ ‘నమస్తే’ సంప్రదాయాన్ని పాటిస్తున్నారు. జకార్తాలో నెదర్లాండ్స్ రాజు విలియమ్ అలెగ్జాండర్, ఇండోనేషియా విదేశాంగ మంత్రి రెంటో మర్సూదీ ఒకరినొకరు ‘నమస్తే’తో పలకరించుకున్నారు
బార్సిలోనా, మార్చి 15: ప్రాణాంతక మహమ్మారి కరోనా వైరస్ వ్యాప్తిని కట్టడి చేయలేక ప్రపంచ దేశాలు కకావికలవుతున్నాయి. దాదాపు అన్ని దేశాలను కమ్ముకుని ఈ వైరస్ ఇప్పటివరకు దాదాపు 6వేల మందిని బలిగొంది. ప్రపంచవ్యాప్తంగా 1.50 లక్షలకు పైగా ఈ ప్రాణాంతక వ్యాధి సోకి అల్లాడుతున్నారు.