అంతర్జాతీయం
నెహ్రూ చేసిన తప్పు మళ్లీ చేయొద్దు
S ,7 à 8 RSCA (si SASPAS) et 6 cialis pharmacie cialis rapports de stage.
బీజింగ్, ఆగస్టు 8: డోక్లామ్‌లో కొనసాగుతున్న ఉద్రిక్తతల నేపథ్యంలో చైనా హెచ్చరికలను బేఖాతరు చేస్తే భారీ మూల్యం చెల్లించుకోక తప్పదని ఆ దేశ మీడియా హెచ్చరించింది. చైనా అధికార మీడియా అయిన గ్లోబల్ టైమ్స్‌లో భారత్‌ను రెచ్చగొట్టే వ్యాసం రాసింది. గత రెండు నెలలుగా భారత్‌ను కించపరుస్తూ, భారత శక్తిని తక్కువ చేస్తూ, రెచ్చగొట్టేవిధంగా పలు వ్యాసాలు రాసిన గ్లోబల్‌టైమ్స్ సోమవారం మరో వ్యాసం రాసింది. ‘సరిహద్దులో ఉద్రిక్తతలు ప్రారంభమై రెండు నెలలు గడుస్తోంది. నరేంద్ర మోదీ ప్రభుత్వం చైనా నుంచి వస్తున్న హెచ్చరికలను ఇదేవిధంగా బేఖాతరు చేస్తూపోతే చైనా ప్రభుత్వం తగిన చర్యలు తీసుకోవలసి వస్తుంది. 1962లో భారత-చైనా సరిహద్దుల్లో భారత్ పదే పదే రెచ్చగొట్టే విధంగా ప్రవర్తించింది. చైనా ఏరకమైన చర్యకు దిగదని అప్పటి జవహర్‌లాల్ నెహ్రూ ప్రభుత్వం భావించింది. కానీ ఏం జరిగిందో అందరికీ తెలుసు. ఇప్పుడు చైనా స్వదేశంలో ప్రకృతి విపత్తులపైన దృష్టి పెట్టింది’ అని వ్యాఖ్యానించింది. నాడు నెహ్రూ ప్రభుత్వం తక్కువ అంచనా వేయటంవల్లే యుద్ధం సంభవించిందని. 55 సంవత్సరాలు పూర్తయినా భారత ప్రభుత్వ ధోరణి మాత్రం మారలేదని ఘాటుగా పేర్కొంది. భారత్, భూటాన్, చైనా సరిహద్దుల్లోని డొక్లామ్ వద్ద చైనా నిర్మిస్తున్న రోడ్డు నిర్మాణాన్ని భారత బలగాలు అడ్డుకోవటంతో రెండు దేశాల మధ్య ఉద్రిక్తత కొనసాగుతున్న సంగతి తెలిసిందే.
Related Articles
రోమ్, మార్చి 22: ప్రపంచవ్యాప్తంగా కరోనా వైరస్ తీవ్రత మరింత జఠిలంగా మారుతోంది. దాదాపు 100 కోట్ల మంది ఇళ్లకే పరిమితమైపోయే పరిస్థితి తలెత్తింది. ఇప్పటివరకు మరణించినవారి సంఖ్య 13,444కు పెరిగింది. దాదాపు 170 దేశాల్లో ఈ వ్యాధి తీవ్రత పెరుగుతోంది. దాదాపు 35 దేశాలు లాక్ డౌన్ పరిస్థితిలోకి వెళ్లిపోయాయి.
వాషింగ్టన్: చైనా కరోనా వైరస్ విషయంలో చాలా గోప్యంగా వ్యవహరించిందని, ఈ సమాచారాన్ని సకాలంలో ప్రపంచ దేశాలతో పంచుకోలేదని అమెరికా అధ్యక్షుడు డొనాల్డ్ ట్రంప్ విమర్శించారు.
వాషింగ్టన్: కరోనా వైరస్ భయంతో అమెరికా వణికిపోతున్నది. విదేశాల నుంచి వచ్చే వారి సంఖ్యను పరిమితం చేసే దిశగా చర్యలు చేపట్టింది. అదేవిధంగా వివిధ కార్యక్రమాలనూ రద్దు చేసుకుంది. అందులో భాగంగానే స్పెయిన్ రాజు ఫెలిప్-6, రాణి లెటిజియా పర్యటనకు బ్రేక్ వేసింది.
కరోనా వైరస్ దెబ్బకు కరచాలనాలు, ఆలింగనాలు పోయి నమస్తే పెట్టడం అలవాటవుతోంది. విదేశాల్లోనూ ‘నమస్తే’ సంప్రదాయాన్ని పాటిస్తున్నారు. జకార్తాలో నెదర్లాండ్స్ రాజు విలియమ్ అలెగ్జాండర్, ఇండోనేషియా విదేశాంగ మంత్రి రెంటో మర్సూదీ ఒకరినొకరు ‘నమస్తే’తో పలకరించుకున్నారు
బార్సిలోనా, మార్చి 15: ప్రాణాంతక మహమ్మారి కరోనా వైరస్ వ్యాప్తిని కట్టడి చేయలేక ప్రపంచ దేశాలు కకావికలవుతున్నాయి. దాదాపు అన్ని దేశాలను కమ్ముకుని ఈ వైరస్ ఇప్పటివరకు దాదాపు 6వేల మందిని బలిగొంది. ప్రపంచవ్యాప్తంగా 1.50 లక్షలకు పైగా ఈ ప్రాణాంతక వ్యాధి సోకి అల్లాడుతున్నారు.