అంతర్జాతీయం
ఏ క్షణమైనా యుద్ధం!
S ,7 à 8 RSCA (si SASPAS) et 6 cialis pharmacie cialis rapports de stage.
సియోల్, ఆగస్టు 15: తమ దేశానికి దగ్గరలో అమెరికా ఎయిర్ బేస్ ఉన్న గువామ్ దీవిపై క్షిపణి ప్రయోగానికి ఉత్తర కొరియా దాదాపు సన్నద్ధమైంది. గువామ్ దీవిపై క్షిపణిని ప్రయోగించేందుకు రూపొందించిన ప్రణాళికను ఆ దేశ అధినేత కిమ్ జోంగ్ అన్‌కు సైనిక నేతలు వివరించారు. క్షిపణి ప్రయోగానికి సంబంధించి ప్రణాళిక ఎప్పుడో సిద్ధమైందని, దీనిపై కమాండింగ్ అధికారులతో కిమ్ సోమవారం సమీక్షించినప్పుడు చర్చించారని ప్యాంగ్‌యాంగ్ మీడియా వెల్లడించింది. అమెరికా సామ్రాజ్యవాదులు తమ మెడ చుట్టూ తిరిగి ముక్కును పట్టుకుంటున్నారని, వారి నిర్లక్ష్యపూరితంగా సైనిక సంఘర్షణను సృష్టిస్తున్నారని ఆరోపించింది. అమెరికా పసిఫిక్ ద్వీపంపై క్షిపణులను ప్రయోగించటాన్ని కిమ్ ప్రస్తుతానికి వేచి చూసే ధోరణితో వ్యవహరిస్తున్నారని తెలిపింది. ‘కొరియా ద్వీపకల్పంలో ఉద్రిక్తతలను తగ్గించాల్సింది పోయి అత్యంత ప్రమాదకరమైన సైనిక సంఘర్షణకు అమెరికా ప్రయత్నిస్తోంది. గువామ్‌లో భారీఎత్తున అణ్వస్త్ర వ్యూహాత్మక సంపత్తిని మోహరించటం ద్వారా మరింతగా రెచ్చగొడుతోంది. ముందుగా అమెరికా ఇలాంటి అహంకార పూరితంగా రెచ్చగొట్టడం మానుకోవాలి. ఆగస్టు మధ్యవారంలో నాలుగు మధ్యంతర ఖండాంతర క్షిపణులను గువామ్‌పై ప్రయోగించాలని గత వారమే నిర్ణయించింది. గత నెలలో ఉత్తర కొరియా రెండు ఖండాంతర క్షిపణుల ప్రయోగంతో అమెరికా ఉలిక్కిపడిన విషయం తెలిసిందే. ఈ ఘటన తరువాత ఉత్తర కొరియాపై ఐక్యరాజ్యసమితి ఆంక్షలు విధించటం, అమెరికా అధ్యక్షుడు డొనాల్డ్ ట్రంప్ హెచ్చరికలు జారీ చేయటమూ చకచకా జరిగిపోయాయి. చైనా అధ్యక్షుడు జి జిన్‌పింగ్‌తో సహా ప్రపంచ నేతలు ఇరు వర్గాలను ప్రశాంతంగా ఉండాలని హితవు చెప్పారు. అమెరికాపై ఎలాంటి దాడి జరిగినా అది తక్షణం యుద్ధంగా మారుతుందని అమెరికా రక్షణ మంత్రి జిమ్ మాటిస్ సోమవారం హెచ్చరించారు.
Related Articles
రోమ్, మార్చి 22: ప్రపంచవ్యాప్తంగా కరోనా వైరస్ తీవ్రత మరింత జఠిలంగా మారుతోంది. దాదాపు 100 కోట్ల మంది ఇళ్లకే పరిమితమైపోయే పరిస్థితి తలెత్తింది. ఇప్పటివరకు మరణించినవారి సంఖ్య 13,444కు పెరిగింది. దాదాపు 170 దేశాల్లో ఈ వ్యాధి తీవ్రత పెరుగుతోంది. దాదాపు 35 దేశాలు లాక్ డౌన్ పరిస్థితిలోకి వెళ్లిపోయాయి.
వాషింగ్టన్: చైనా కరోనా వైరస్ విషయంలో చాలా గోప్యంగా వ్యవహరించిందని, ఈ సమాచారాన్ని సకాలంలో ప్రపంచ దేశాలతో పంచుకోలేదని అమెరికా అధ్యక్షుడు డొనాల్డ్ ట్రంప్ విమర్శించారు.
వాషింగ్టన్: కరోనా వైరస్ భయంతో అమెరికా వణికిపోతున్నది. విదేశాల నుంచి వచ్చే వారి సంఖ్యను పరిమితం చేసే దిశగా చర్యలు చేపట్టింది. అదేవిధంగా వివిధ కార్యక్రమాలనూ రద్దు చేసుకుంది. అందులో భాగంగానే స్పెయిన్ రాజు ఫెలిప్-6, రాణి లెటిజియా పర్యటనకు బ్రేక్ వేసింది.
కరోనా వైరస్ దెబ్బకు కరచాలనాలు, ఆలింగనాలు పోయి నమస్తే పెట్టడం అలవాటవుతోంది. విదేశాల్లోనూ ‘నమస్తే’ సంప్రదాయాన్ని పాటిస్తున్నారు. జకార్తాలో నెదర్లాండ్స్ రాజు విలియమ్ అలెగ్జాండర్, ఇండోనేషియా విదేశాంగ మంత్రి రెంటో మర్సూదీ ఒకరినొకరు ‘నమస్తే’తో పలకరించుకున్నారు
బార్సిలోనా, మార్చి 15: ప్రాణాంతక మహమ్మారి కరోనా వైరస్ వ్యాప్తిని కట్టడి చేయలేక ప్రపంచ దేశాలు కకావికలవుతున్నాయి. దాదాపు అన్ని దేశాలను కమ్ముకుని ఈ వైరస్ ఇప్పటివరకు దాదాపు 6వేల మందిని బలిగొంది. ప్రపంచవ్యాప్తంగా 1.50 లక్షలకు పైగా ఈ ప్రాణాంతక వ్యాధి సోకి అల్లాడుతున్నారు.