అంతర్జాతీయం
అమానుషం... ఆటవికం
S ,7 à 8 RSCA (si SASPAS) et 6 cialis pharmacie cialis rapports de stage.
న్యూయార్క్, ఆగస్టు 18: స్పెయిన్‌లోని బార్సిలోనాలో జరిగిన ఉగ్రవాద దాడిని అత్యంత ఆటవికమైనదిగా, పిరికిపందచేష్టగా ఐక్యరాజ్య సమితి తీవ్ర పదజాలంతో గర్హించింది. ఇలాంటి దాడులను ఎంతమాత్రం సహించడానికి వీల్లేదని ఐరాస సెక్రటరీ జనరల్ ఆంటోనియో గుటెరాస్, భద్రతామండలి ఖండించాయి. ఇలాంటి గర్హనీయ చర్యలను ప్రోత్సహించేవారిని, అందుకు సహకరించేవారిని క్షమించడానికి వీల్లేదని పిలుపునిచ్చాయి. ఈ విపత్కర సమయంలో స్పెయిన్ ప్రభుత్వంతోనూ, ప్రజలతోనూ సంఘటితంగా పనిచేస్తామని, సంయుక్తంగానే ఉగ్రవాదాన్ని హింసాత్మక దాడులను ఎదుర్కొంటామని ఆంటోనియో స్పష్టం చేశారు. ఉగ్రదాడుల్లో మరణించినవారి కుటుంబాలకు సంతాపం తెలియజేశారు. ఎలాంటి జాప్యం లేకుండా ఈ దాడికి కారకులైనవారిని, అందుకు కుట్రపన్నిన వారిని తగిన రీతిలో శిక్షించాలని గుటెరాస్ పిలుపునిచ్చినట్లుగా అధికార ప్రతినిధి ఫర్హన్ హక్ ఓ ప్రకటనలో తెలిపారు. భద్రతామండలి కూడా స్పెయిన్ దాడిని ఓ ప్రకటనలో తీవ్ర పదజాలంతో ఖండించింది. అంతర్జాతీయ శాంతిభద్రతలకు ఉగ్రవాదం పెను సవాలు అని, అది ఏ రూపంలో ఉన్నా ఉమ్మడిగా ఎదుర్కోవాల్సిందేనని మండలి సభ్య దేశాలు పిలుపునిచ్చాయి.
14కు పెరిగిన మృతులు
ఇదిలావుండగా బార్సిలోనా ఉగ్రదాడిలో మరణించినవారి సంఖ్య 14కు పెరిగింది. ఏకకాలంలో రెండుసార్లు ఈ దాడి జరిగినట్లుగా అత్యవసర సర్వీసుల విభాగం శుక్రవారం నాడు స్పష్టం చేసింది. మొత్తం రెండు వాహనాలు ఇటు బార్సిలోనాలోనూ, అటు కాంబ్రిల్స్‌లోనూ జనంపైకి దూసుకువెళ్లినట్లుగా ఈ ప్రకటన వెల్లడించింది.
చిత్రం..బార్సిలోనా ఉగ్రదాడిలో మృతిచెందిన వారికి సంతాపంగా కింగ్‌ఫెలిప్ సెంటర్‌లో శ్రద్ధాంజలి ఘటిస్తున్న ప్రధాని మరియనో రజోయ్, కాటలోనియా రీజియన్ అధ్యక్షుడు కార్లెస్ పుయగ్‌డెమాంట్, ప్రజలు
Related Articles
రోమ్, మార్చి 22: ప్రపంచవ్యాప్తంగా కరోనా వైరస్ తీవ్రత మరింత జఠిలంగా మారుతోంది. దాదాపు 100 కోట్ల మంది ఇళ్లకే పరిమితమైపోయే పరిస్థితి తలెత్తింది. ఇప్పటివరకు మరణించినవారి సంఖ్య 13,444కు పెరిగింది. దాదాపు 170 దేశాల్లో ఈ వ్యాధి తీవ్రత పెరుగుతోంది. దాదాపు 35 దేశాలు లాక్ డౌన్ పరిస్థితిలోకి వెళ్లిపోయాయి.
వాషింగ్టన్: చైనా కరోనా వైరస్ విషయంలో చాలా గోప్యంగా వ్యవహరించిందని, ఈ సమాచారాన్ని సకాలంలో ప్రపంచ దేశాలతో పంచుకోలేదని అమెరికా అధ్యక్షుడు డొనాల్డ్ ట్రంప్ విమర్శించారు.
వాషింగ్టన్: కరోనా వైరస్ భయంతో అమెరికా వణికిపోతున్నది. విదేశాల నుంచి వచ్చే వారి సంఖ్యను పరిమితం చేసే దిశగా చర్యలు చేపట్టింది. అదేవిధంగా వివిధ కార్యక్రమాలనూ రద్దు చేసుకుంది. అందులో భాగంగానే స్పెయిన్ రాజు ఫెలిప్-6, రాణి లెటిజియా పర్యటనకు బ్రేక్ వేసింది.
కరోనా వైరస్ దెబ్బకు కరచాలనాలు, ఆలింగనాలు పోయి నమస్తే పెట్టడం అలవాటవుతోంది. విదేశాల్లోనూ ‘నమస్తే’ సంప్రదాయాన్ని పాటిస్తున్నారు. జకార్తాలో నెదర్లాండ్స్ రాజు విలియమ్ అలెగ్జాండర్, ఇండోనేషియా విదేశాంగ మంత్రి రెంటో మర్సూదీ ఒకరినొకరు ‘నమస్తే’తో పలకరించుకున్నారు
బార్సిలోనా, మార్చి 15: ప్రాణాంతక మహమ్మారి కరోనా వైరస్ వ్యాప్తిని కట్టడి చేయలేక ప్రపంచ దేశాలు కకావికలవుతున్నాయి. దాదాపు అన్ని దేశాలను కమ్ముకుని ఈ వైరస్ ఇప్పటివరకు దాదాపు 6వేల మందిని బలిగొంది. ప్రపంచవ్యాప్తంగా 1.50 లక్షలకు పైగా ఈ ప్రాణాంతక వ్యాధి సోకి అల్లాడుతున్నారు.