అంతర్జాతీయం
అవినీతి కేసులో విచారణకు హాజరుకాని నవాజ్ కుటుంబం
S ,7 à 8 RSCA (si SASPAS) et 6 cialis pharmacie cialis rapports de stage.
లాహోర్, ఆగస్టు 20: పనామా పత్రాల కేసులో అవినీతికి, మనీ లాండరింగ్‌కు పాల్పడినట్లు అభియోగాలను ఎదుర్కొంటున్న పదవీచ్యుత పాకిస్తాన్ ప్రధాన మంత్రి నవాజ్ షరీఫ్, ఆయన కుటుంబ సభ్యులు ఆదివారం రెండోసారి కూడా దేశ అత్యున్నత అవినీతి నిరోధక సంస్థ ఎదుట హాజరు కాలేదు. ఈ కేసు విచారణ నిమిత్తం ఆదివారం తమ ఎదుట హాజరు కావలసిందిగా నవాజ్ షరీఫ్, ఆయన కుమారులు హసన్, హుస్సేన్, కుమార్తె మరియం, అల్లుడు సప్ధర్ (రిటైర్డ్ కెప్టెన్)లను ఆదేశిస్తూ నేషనల్ అకౌంటబిలిటీ బ్యూరో సమన్లు జారీ చేసిందని, అయితే వారిలో ఎవరూ ఆదివారం విచారణకు హాజరు కాలేదని ఎన్‌ఎబి అధికార ప్రతినిధి అసీమ్ అలీ నవాజిష్ పిటిఐ వార్తా సంస్థకు వెల్లడించారు. విదేశీ సంస్థల ద్వారా లబ్ధి పొందారన్న ఆరోపణలతో ప్రధానంగా మరియం చుట్టూ తిరుగున్న కేసులో ఆదివారం తమ ఎదుట హాజరు కావలసిందిగా నవాజ్ షరీఫ్‌తో పాటు ఆయన కుమారులకు, అల్లుడికి సమన్లు జారీ చేసిన ఎన్‌ఎబి, అవినీతి, మనీ లాండరింగ్ అభియోగాలకు సంబంధించిన మరో కేసులో శుక్రవారం విచారణకు రావలసిందిగా నవాజ్ షరీఫ్‌కు, ఆయన కుమారులకు సమన్లు జారీ చేసిందని, అయితే ఈ రెండుసార్లూ విచారణకు హాజరు కాలేదని అలీ వివరించారు.
Related Articles
రోమ్, మార్చి 22: ప్రపంచవ్యాప్తంగా కరోనా వైరస్ తీవ్రత మరింత జఠిలంగా మారుతోంది. దాదాపు 100 కోట్ల మంది ఇళ్లకే పరిమితమైపోయే పరిస్థితి తలెత్తింది. ఇప్పటివరకు మరణించినవారి సంఖ్య 13,444కు పెరిగింది. దాదాపు 170 దేశాల్లో ఈ వ్యాధి తీవ్రత పెరుగుతోంది. దాదాపు 35 దేశాలు లాక్ డౌన్ పరిస్థితిలోకి వెళ్లిపోయాయి.
వాషింగ్టన్: చైనా కరోనా వైరస్ విషయంలో చాలా గోప్యంగా వ్యవహరించిందని, ఈ సమాచారాన్ని సకాలంలో ప్రపంచ దేశాలతో పంచుకోలేదని అమెరికా అధ్యక్షుడు డొనాల్డ్ ట్రంప్ విమర్శించారు.
వాషింగ్టన్: కరోనా వైరస్ భయంతో అమెరికా వణికిపోతున్నది. విదేశాల నుంచి వచ్చే వారి సంఖ్యను పరిమితం చేసే దిశగా చర్యలు చేపట్టింది. అదేవిధంగా వివిధ కార్యక్రమాలనూ రద్దు చేసుకుంది. అందులో భాగంగానే స్పెయిన్ రాజు ఫెలిప్-6, రాణి లెటిజియా పర్యటనకు బ్రేక్ వేసింది.
కరోనా వైరస్ దెబ్బకు కరచాలనాలు, ఆలింగనాలు పోయి నమస్తే పెట్టడం అలవాటవుతోంది. విదేశాల్లోనూ ‘నమస్తే’ సంప్రదాయాన్ని పాటిస్తున్నారు. జకార్తాలో నెదర్లాండ్స్ రాజు విలియమ్ అలెగ్జాండర్, ఇండోనేషియా విదేశాంగ మంత్రి రెంటో మర్సూదీ ఒకరినొకరు ‘నమస్తే’తో పలకరించుకున్నారు
బార్సిలోనా, మార్చి 15: ప్రాణాంతక మహమ్మారి కరోనా వైరస్ వ్యాప్తిని కట్టడి చేయలేక ప్రపంచ దేశాలు కకావికలవుతున్నాయి. దాదాపు అన్ని దేశాలను కమ్ముకుని ఈ వైరస్ ఇప్పటివరకు దాదాపు 6వేల మందిని బలిగొంది. ప్రపంచవ్యాప్తంగా 1.50 లక్షలకు పైగా ఈ ప్రాణాంతక వ్యాధి సోకి అల్లాడుతున్నారు.