అంతర్జాతీయం
అగ్నికి ఆజ్యం పోయొద్దు
S ,7 à 8 RSCA (si SASPAS) et 6 cialis pharmacie cialis rapports de stage.
సియోల్, ఆగస్టు 20: దక్షిణ కొరియాతో కలిసి వచ్చేవారం వార్షిక యుద్ధ విన్యాసాలను నిర్వహించాలని అమెరికా నిర్ణయించడం ప్రస్తుత ఉద్రిక్త పరిస్థితుల నేపథ్యంలో అగ్నికి ఆజ్యం పోయడమేనని ఉత్తర కొరియా ఆదివారంనాడు హెచ్చరించింది. అమెరికా, ఉత్తర కొరియాల మధ్య గత పది రోజులుగా తీవ్రస్థాయిలో వాగ్యుద్ధం సాగుతోంది. అమెరికా సైనిక కేంద్రమైన గువామ్‌పై క్షిపణి దాడి చేస్తామని ఉత్తర కొరియా హెచ్చరించడం, అదే జరిగితే చరిత్రలో కనీవినీ ఎరుగని రీతిలో భయానక దాడి జరుపుతామని అమెరికా అధ్యక్షుడు డొనాల్డ్ ట్రంప్ ప్రతి హెచ్చరిక చేయడంతో పరిస్థితి అనూహ్య రీతిలో వేడెక్కింది. అయితే అమెరికా సైనిక కేంద్రంపై క్షిపణి ప్రయోగ నిర్ణయాన్ని ఉత్తర కొరియా చివరి క్షణంలో వాయిదా వేసుకోవడంతో కొంతమేర ప్రశాంతత ఏర్పడింది. అమెరికా తీసుకునే తదుపరి చర్యను బట్టి తాము వేయబోయే అడుగు ఆధారపడి ఉంటుందని ఉత్తర కొరియా స్పష్టం చేసింది. ఈ నేపథ్యంలోనే సోమవారం దక్షిణ కొరియా, అమెరికాలు సంయుక్తంగా సైనిక విన్యాసాలు నిర్వహిస్తున్నాయి. ఈ చర్యను తమపై దాడి చేయడానికి జరుగుతున్న రిహార్సల్స్‌గా ఉత్తర కొరియా పరిగణిస్తోంది. ‘మాపై ఈ రెండు దేశాలకు తీవ్రస్థాయి వ్యతిరేకత ఉందని చెప్పడానికి ఈ విన్యాసాలే నిదర్శనం. ఈ విన్యాసాలు అంతిమంగా మాపై దాడికి దారితీయవన్న హామీ ఏమీ లేదు’ అని ఉత్తర కొరియా అధికార పత్రిక రోడోంగ్ సిన్‌మున్ తన సంపాదకీయంలో వెల్లడించింది. ఈ సైనిక విన్యాసాలు మరింతగా అగ్ని రాజేయడమేనని, దీనివల్ల కొరియా ద్వీపకల్పంలో పరిస్థితి మరింత క్షీణిస్తుందని హెచ్చరించింది.
Related Articles
రోమ్, మార్చి 22: ప్రపంచవ్యాప్తంగా కరోనా వైరస్ తీవ్రత మరింత జఠిలంగా మారుతోంది. దాదాపు 100 కోట్ల మంది ఇళ్లకే పరిమితమైపోయే పరిస్థితి తలెత్తింది. ఇప్పటివరకు మరణించినవారి సంఖ్య 13,444కు పెరిగింది. దాదాపు 170 దేశాల్లో ఈ వ్యాధి తీవ్రత పెరుగుతోంది. దాదాపు 35 దేశాలు లాక్ డౌన్ పరిస్థితిలోకి వెళ్లిపోయాయి.
వాషింగ్టన్: చైనా కరోనా వైరస్ విషయంలో చాలా గోప్యంగా వ్యవహరించిందని, ఈ సమాచారాన్ని సకాలంలో ప్రపంచ దేశాలతో పంచుకోలేదని అమెరికా అధ్యక్షుడు డొనాల్డ్ ట్రంప్ విమర్శించారు.
వాషింగ్టన్: కరోనా వైరస్ భయంతో అమెరికా వణికిపోతున్నది. విదేశాల నుంచి వచ్చే వారి సంఖ్యను పరిమితం చేసే దిశగా చర్యలు చేపట్టింది. అదేవిధంగా వివిధ కార్యక్రమాలనూ రద్దు చేసుకుంది. అందులో భాగంగానే స్పెయిన్ రాజు ఫెలిప్-6, రాణి లెటిజియా పర్యటనకు బ్రేక్ వేసింది.
కరోనా వైరస్ దెబ్బకు కరచాలనాలు, ఆలింగనాలు పోయి నమస్తే పెట్టడం అలవాటవుతోంది. విదేశాల్లోనూ ‘నమస్తే’ సంప్రదాయాన్ని పాటిస్తున్నారు. జకార్తాలో నెదర్లాండ్స్ రాజు విలియమ్ అలెగ్జాండర్, ఇండోనేషియా విదేశాంగ మంత్రి రెంటో మర్సూదీ ఒకరినొకరు ‘నమస్తే’తో పలకరించుకున్నారు
బార్సిలోనా, మార్చి 15: ప్రాణాంతక మహమ్మారి కరోనా వైరస్ వ్యాప్తిని కట్టడి చేయలేక ప్రపంచ దేశాలు కకావికలవుతున్నాయి. దాదాపు అన్ని దేశాలను కమ్ముకుని ఈ వైరస్ ఇప్పటివరకు దాదాపు 6వేల మందిని బలిగొంది. ప్రపంచవ్యాప్తంగా 1.50 లక్షలకు పైగా ఈ ప్రాణాంతక వ్యాధి సోకి అల్లాడుతున్నారు.