అంతర్జాతీయం
ఉమ్మడి సన్నద్ధత
S ,7 à 8 RSCA (si SASPAS) et 6 cialis pharmacie cialis rapports de stage.
చోల్‌పోన్-టా (కిర్గిజ్ రిపబ్లిక్), ఆగస్టు 24: ప్రకృతి విపత్తులు సంభవించినప్పుడు అత్యవసర పరిస్థితులకు మరింత మెరుగ్గా స్పందించడానికి 2019లో చైనా, పాకిస్తాన్ సహా షాంఘై సహకార మండలి (ఎస్‌సిఓ) సభ్య దేశాలతో కలిసి సంయుక్తంగా పట్టణ ప్రాంత భూకంప సహాయ, పునరావాస విన్యాసాలను నిర్వహించడానికి సిద్ధంగా ఉన్నామని భారత్ గురువారం తెలియజేసింది. అత్యవసర పరిస్థితుల నిరోధం, నిర్మూలనపై షాంఘై సహకార మండలి దేశాల ప్రభుత్వాధినేతల తొమ్మిదో సమావేశంలో మన దేశం తరఫున ప్రకటన చేస్తూ కేంద్ర హోం మంత్రి రాజ్‌నాథ్ ఈ విషయం తెలియజేశారు. ఉమ్మడి సన్నద్ధతను మెరుగుపర్చడంలో ఈ విన్యాసాలు ఎంతో ఉపయుక్తంగా ఉంటాయని రాజ్‌నాథ్ అన్నారు. గాలింపు, సహాయక బృందాలు సంయుక్త విన్యాసాలు నిర్వహించినప్పుడు అత్యవసర పరిస్థితులు ఎదురైనప్పుడు సహకరించుకునే విషయంలో అంతర్జాతీయంగా గుర్తించిన నిబంధనలు పాటించడంలో వారి మధ్య ఒక అవగాహన ఏర్పడడమే కాకుండా వ్యక్తిగత సాన్నిహిత్యం, స్నేహాలు పెరుగుతాయని, వారు ఉమ్మడిగా స్పందించేటప్పుడు ఇవి ఎంతో ఉపయోగపడతాయని ఆయన అన్నారు. ‘2019లో పట్టణ ప్రాంత భూకంప గాలింపు, సహాయక చర్యల ఉమ్మడి విన్యాసాలను నిర్వహించడానికి భారత్ సిద్ధంగా ఉంది’ అని రాజ్‌నాథ్ చెప్పారు. చైనా, పాకిస్తాన్ సహా షాంఘై సహకార మండలిలోని అన్ని సభ్య దేశాలు ఇందులో పాల్గొంటాయి గనుక హోం మంత్రి ప్రకటనకు ఎంతో ప్రాధాన్యత ఉంది. ఎస్‌సిఓ సభ్య దేశాల ప్రకృతి విపత్తుల నిరోధానికి సంబంధించిన విభాగాల అధిపతుల తదుపరి సమావేశానికి ఆతిథ్యం ఇవ్వడానికి కూడా భారత్ సిద్ధంగా ఉందని రాజ్‌నాథ్ చెప్పారు. హోం మంత్రి చేసిన ఈ రెండు ప్రతిపాదనలను ఎస్‌సిఓ సభ్య దేశాలన్నీ ముక్తకంఠంతో అంగీకరించాయని హోం మంత్రి కార్యాలయం ఆ తర్వాత ఒక ట్విట్టర్‌లో తెలియజేసింది. 2001లో ఏర్పాటు చేసిన షాంఘై సహకార మండలిలో చైనా, కజకిస్థాన్, కిర్గిజ్ రిపబ్లిక్, రష్యా, తజకిస్థాన్, ఉజ్బెకిస్థాన్, భారత్, పాకిస్తాన్ సభ్య దేశాలు కాగా, దీని ప్రధాన కార్యాలయం బీజింగ్‌లో ఉంది. చైనా ఆధిపత్యం ఉండే ఈ గ్రూపులో భారత్, పాకిస్తాన్‌లు గత జూన్‌లో కజకిస్థాన్ రాజధాని ఆస్తానాలో జరిగిన శిఖరాగ్ర సదస్సులో సభ్య దేశాలుగా చేరాయి. ఆ సమావేశానికి ప్రధాని నరేంద్ర మోదీ హాజరయ్యారు.
Related Articles
రోమ్, మార్చి 22: ప్రపంచవ్యాప్తంగా కరోనా వైరస్ తీవ్రత మరింత జఠిలంగా మారుతోంది. దాదాపు 100 కోట్ల మంది ఇళ్లకే పరిమితమైపోయే పరిస్థితి తలెత్తింది. ఇప్పటివరకు మరణించినవారి సంఖ్య 13,444కు పెరిగింది. దాదాపు 170 దేశాల్లో ఈ వ్యాధి తీవ్రత పెరుగుతోంది. దాదాపు 35 దేశాలు లాక్ డౌన్ పరిస్థితిలోకి వెళ్లిపోయాయి.
వాషింగ్టన్: చైనా కరోనా వైరస్ విషయంలో చాలా గోప్యంగా వ్యవహరించిందని, ఈ సమాచారాన్ని సకాలంలో ప్రపంచ దేశాలతో పంచుకోలేదని అమెరికా అధ్యక్షుడు డొనాల్డ్ ట్రంప్ విమర్శించారు.
వాషింగ్టన్: కరోనా వైరస్ భయంతో అమెరికా వణికిపోతున్నది. విదేశాల నుంచి వచ్చే వారి సంఖ్యను పరిమితం చేసే దిశగా చర్యలు చేపట్టింది. అదేవిధంగా వివిధ కార్యక్రమాలనూ రద్దు చేసుకుంది. అందులో భాగంగానే స్పెయిన్ రాజు ఫెలిప్-6, రాణి లెటిజియా పర్యటనకు బ్రేక్ వేసింది.
కరోనా వైరస్ దెబ్బకు కరచాలనాలు, ఆలింగనాలు పోయి నమస్తే పెట్టడం అలవాటవుతోంది. విదేశాల్లోనూ ‘నమస్తే’ సంప్రదాయాన్ని పాటిస్తున్నారు. జకార్తాలో నెదర్లాండ్స్ రాజు విలియమ్ అలెగ్జాండర్, ఇండోనేషియా విదేశాంగ మంత్రి రెంటో మర్సూదీ ఒకరినొకరు ‘నమస్తే’తో పలకరించుకున్నారు
బార్సిలోనా, మార్చి 15: ప్రాణాంతక మహమ్మారి కరోనా వైరస్ వ్యాప్తిని కట్టడి చేయలేక ప్రపంచ దేశాలు కకావికలవుతున్నాయి. దాదాపు అన్ని దేశాలను కమ్ముకుని ఈ వైరస్ ఇప్పటివరకు దాదాపు 6వేల మందిని బలిగొంది. ప్రపంచవ్యాప్తంగా 1.50 లక్షలకు పైగా ఈ ప్రాణాంతక వ్యాధి సోకి అల్లాడుతున్నారు.