అంతర్జాతీయం
చివరి క్షణం వరకూ పోరాడి ఓడిన సింధు
S ,7 à 8 RSCA (si SASPAS) et 6 cialis pharmacie cialis rapports de stage.
గ్లాస్గో, ఆగస్టు 27: ప్రపంచ బాడ్మింటన్ చాంపియన్‌షిప్స్‌లో కడవరకూ పోరాడిన తెలుగు తేజం పివి సింధు రన్నరప్ ట్రోఫీతో సంతృప్తి చెందాల్సి వచ్చింది. మహిళల సింగిల్స్ ఫైనల్‌లో జపాన్ క్రీడాకారిణి నొజోమీ ఒకుహరాతో చివరి క్షణం వరకూ నువ్వా నేనా అన్న చందంగా పోటీపడిన రియో ఒలింపిక్స్ రజత పతక విజేత సింధు మూడో సెట్ చివరిలో తనకు లభించిన ఆధిక్యాన్ని సద్వినియోగం చేసుకోలేకపోయింది. తీవ్రమైన ఒత్తిడికి గురైనట్టు కనిపించిన ఆమె చివరికి మ్యాచ్‌ని 19-21, 22-20, 20-22 తేడాతో చేజార్చుకుంది. 2013, 2014 సంవత్సరాల్లో ఈమెగా టోర్నీలో కాంస్య పతకాలను సాధించిన సింధు, ఈసారి తిరుగులేని ఆధిపత్యాన్ని కొనసాగించింది. ఫైనల్‌లో మొదటి సెట్‌ను కేవలం రెండు పాయింట్ల తేడాతో కోల్పోయిన ఆమె రెండో సెట్‌ను తీవ్రంగా పోరాడి మరీ గెల్చుకుంది. చివరిదైన మూడో సెట్‌లో సింధు, ఒకుహరా సర్వశక్తులు ఒడ్డారు. పాయింట్ల కోసం పోటీపడ్డారు. చక్కటి ప్లేసింగ్స్‌తో, బలమైన షాట్లతో, వేగవంతమైన స్మాష్‌లతో విరుచుకుపడ్డారు. దీనితో ఒకసారి ఒకరు పాయింటు సంపాదిస్తే, మరోసారి మరొకరి ఖాతాలో పాయింట్ చేరింది. చివరిలో సింధు ఆధిక్యానికి దూసుకెళ్లింది. అయితే, ఒకుహరా సంయమనం కోల్పోకుండా ఆడింది. వరుసగా మూడు పాయింట్లు సంపాదించింది. 19-20గా వెనుబడిన సింధు ఒక పాయింట్ సాధించడంతో స్కోరు సమమైంది. ఈ దశలో ఒత్తిడిని అధిగమించలేకపోయిన సింధు చిన్నపాటి పొరపాటు కారణంగా ఒక పాయింట్‌ను కోల్పోయింది. ప్రత్యర్థికి మరో పాయింట్ రాకుండా నిరోధించడానికి తీవ్రంగా శ్రమించింది. కానీ, షటిల్‌ను నెట్‌కు కొట్టడంతో సింధు పోరాటానికి తెరపడింది. ఒకుహరా అతి కష్టం మీద గెలిచి, కెరీర్‌లో మొదటిసారి ప్రపంచ చాంపియన్‌షిప్‌ను సాధించింది. కాగా, మన దేశం తరపున ప్రపంచ చాంపియన్‌షిప్స్‌లో ఎక్కువ పతకాలు సాధించిన తొలి క్రీడాకారిణిగా, రజత పతకాన్ని అందుకున్న రెండో షట్లర్‌గా రికార్డు పుస్తకాల్లోకి ఎక్కింది. 2015 ఎడిషనల్‌లో మరో హైదరాబాదీ సైనా నెహ్వాల్ ఫైనల్‌లో ఓటమిపాలై, రజతాన్ని స్వీకరించగా, ఈసారి సింధుకు ఆ పతకం దక్కింది. సెమీ ఫైనల్‌లో ఓడిన సైనాకు ఈ పర్యాయం కాంస్య పతకం లభించింది. మొత్తం మీద ఈ ప్రపంచ చాంపియన్‌షిప్స్‌లో భారత్‌కు రెండు పతకాలు లభించడం విశేషం.
Related Articles
రోమ్, మార్చి 22: ప్రపంచవ్యాప్తంగా కరోనా వైరస్ తీవ్రత మరింత జఠిలంగా మారుతోంది. దాదాపు 100 కోట్ల మంది ఇళ్లకే పరిమితమైపోయే పరిస్థితి తలెత్తింది. ఇప్పటివరకు మరణించినవారి సంఖ్య 13,444కు పెరిగింది. దాదాపు 170 దేశాల్లో ఈ వ్యాధి తీవ్రత పెరుగుతోంది. దాదాపు 35 దేశాలు లాక్ డౌన్ పరిస్థితిలోకి వెళ్లిపోయాయి.
వాషింగ్టన్: చైనా కరోనా వైరస్ విషయంలో చాలా గోప్యంగా వ్యవహరించిందని, ఈ సమాచారాన్ని సకాలంలో ప్రపంచ దేశాలతో పంచుకోలేదని అమెరికా అధ్యక్షుడు డొనాల్డ్ ట్రంప్ విమర్శించారు.
వాషింగ్టన్: కరోనా వైరస్ భయంతో అమెరికా వణికిపోతున్నది. విదేశాల నుంచి వచ్చే వారి సంఖ్యను పరిమితం చేసే దిశగా చర్యలు చేపట్టింది. అదేవిధంగా వివిధ కార్యక్రమాలనూ రద్దు చేసుకుంది. అందులో భాగంగానే స్పెయిన్ రాజు ఫెలిప్-6, రాణి లెటిజియా పర్యటనకు బ్రేక్ వేసింది.
కరోనా వైరస్ దెబ్బకు కరచాలనాలు, ఆలింగనాలు పోయి నమస్తే పెట్టడం అలవాటవుతోంది. విదేశాల్లోనూ ‘నమస్తే’ సంప్రదాయాన్ని పాటిస్తున్నారు. జకార్తాలో నెదర్లాండ్స్ రాజు విలియమ్ అలెగ్జాండర్, ఇండోనేషియా విదేశాంగ మంత్రి రెంటో మర్సూదీ ఒకరినొకరు ‘నమస్తే’తో పలకరించుకున్నారు
బార్సిలోనా, మార్చి 15: ప్రాణాంతక మహమ్మారి కరోనా వైరస్ వ్యాప్తిని కట్టడి చేయలేక ప్రపంచ దేశాలు కకావికలవుతున్నాయి. దాదాపు అన్ని దేశాలను కమ్ముకుని ఈ వైరస్ ఇప్పటివరకు దాదాపు 6వేల మందిని బలిగొంది. ప్రపంచవ్యాప్తంగా 1.50 లక్షలకు పైగా ఈ ప్రాణాంతక వ్యాధి సోకి అల్లాడుతున్నారు.