అంతర్జాతీయం
ముషారఫే నేరస్థుడు
S ,7 à 8 RSCA (si SASPAS) et 6 cialis pharmacie cialis rapports de stage.
ఇస్లామాబాద్, ఆగస్టు 31:పాకిస్తాన్ మాజీ ప్రధాని బేనజీర్ భుట్టో హత్య కేసులో మాజీ అధ్యక్షుడు పర్వెజ్ ముషారఫ్‌ను పరారీలో ఉన్న నేరస్థుడిగా ఉగ్రవాద నిరోధక కోర్టు గురువారం ప్రకటించింది. 2007 డిసెంబర్ 27న రావల్పిండిలో ఎన్నికల ప్రచారం ముగించుకుని ఓ పార్కు నుంచి బయటికి వస్తూండగా బేనజీర్ దారుణ హత్యకు గురైన విషయం తెలిసిందే. ఈ కేసులో ఐదుగురు తహ్రీక్ ఎ తాలిబన్ పాకిస్తాన్ మిలిటెంట్లను న్యాయమూర్తి అస్గర్ అలీ ఖాన్ నిర్దోషులుగా ప్రకటించారు. బేనజీర్ హత్య జరిగిన అనంతరం అరెస్టయిన వీరు ఇప్పటి వరకూ జైల్లోనే ఉన్నారు. ఈ విషయంలో తమకు ముషారఫ్ అందించిన వీడియో సాక్ష్యాలు బూటకమని, దర్యాప్తు అధికారులను తప్పుదోవ పట్టించేందుకే దాన్ని సృష్టించారని ఫెడరల్ దర్యాప్తు ఏజెన్సీ ప్రధాన ప్రాసిక్యూటర్ మొహమ్మద్ అజ్‌హర్ చౌదరి తన ముగింపు వాదనల్లో కోర్టుకు స్పష్టం చేశారు. తనను తాను రక్షించుకోవడానికి ముషారఫ్ బ్రిగేడియర్ జావెద్ ఇక్బాల్‌తో కలిసి ఈ తప్పుడు ఆధారాలను సృష్టించారన్నారు.
Related Articles
రోమ్, మార్చి 22: ప్రపంచవ్యాప్తంగా కరోనా వైరస్ తీవ్రత మరింత జఠిలంగా మారుతోంది. దాదాపు 100 కోట్ల మంది ఇళ్లకే పరిమితమైపోయే పరిస్థితి తలెత్తింది. ఇప్పటివరకు మరణించినవారి సంఖ్య 13,444కు పెరిగింది. దాదాపు 170 దేశాల్లో ఈ వ్యాధి తీవ్రత పెరుగుతోంది. దాదాపు 35 దేశాలు లాక్ డౌన్ పరిస్థితిలోకి వెళ్లిపోయాయి.
వాషింగ్టన్: చైనా కరోనా వైరస్ విషయంలో చాలా గోప్యంగా వ్యవహరించిందని, ఈ సమాచారాన్ని సకాలంలో ప్రపంచ దేశాలతో పంచుకోలేదని అమెరికా అధ్యక్షుడు డొనాల్డ్ ట్రంప్ విమర్శించారు.
వాషింగ్టన్: కరోనా వైరస్ భయంతో అమెరికా వణికిపోతున్నది. విదేశాల నుంచి వచ్చే వారి సంఖ్యను పరిమితం చేసే దిశగా చర్యలు చేపట్టింది. అదేవిధంగా వివిధ కార్యక్రమాలనూ రద్దు చేసుకుంది. అందులో భాగంగానే స్పెయిన్ రాజు ఫెలిప్-6, రాణి లెటిజియా పర్యటనకు బ్రేక్ వేసింది.
కరోనా వైరస్ దెబ్బకు కరచాలనాలు, ఆలింగనాలు పోయి నమస్తే పెట్టడం అలవాటవుతోంది. విదేశాల్లోనూ ‘నమస్తే’ సంప్రదాయాన్ని పాటిస్తున్నారు. జకార్తాలో నెదర్లాండ్స్ రాజు విలియమ్ అలెగ్జాండర్, ఇండోనేషియా విదేశాంగ మంత్రి రెంటో మర్సూదీ ఒకరినొకరు ‘నమస్తే’తో పలకరించుకున్నారు
బార్సిలోనా, మార్చి 15: ప్రాణాంతక మహమ్మారి కరోనా వైరస్ వ్యాప్తిని కట్టడి చేయలేక ప్రపంచ దేశాలు కకావికలవుతున్నాయి. దాదాపు అన్ని దేశాలను కమ్ముకుని ఈ వైరస్ ఇప్పటివరకు దాదాపు 6వేల మందిని బలిగొంది. ప్రపంచవ్యాప్తంగా 1.50 లక్షలకు పైగా ఈ ప్రాణాంతక వ్యాధి సోకి అల్లాడుతున్నారు.