అంతర్జాతీయం
బ్రిక్స్ భాగస్వామ్యం మరింత శక్తివంతం
S ,7 à 8 RSCA (si SASPAS) et 6 cialis pharmacie cialis rapports de stage.
జియామెన్, సెప్టెంబర్ 3: చైనాలోని జియామెన్‌లో సోమవారంనుంచి జరగనున్న బ్రిక్స్ శిఖరాగ్ర సదస్సులో పాల్గొనడం కోసం ప్రధాని నరేంద్ర మోదీ ఆదివారం ఇక్కడికి చేరుకున్నారు. చైనాలో తన రెండు రోజుల పర్యటన సందర్భంగా మోదీ చైనా అధ్యక్షుడు జీ జిన్‌పింగ్‌తో పాటుగా రష్యా అధ్యక్షుడు వ్లాదిమిర్ పుతిన్ ఇతర బ్రిక్స్ దేశాల నేతలతో ద్వైపాక్షిక చర్చలు జరపనున్నారు. భారత్, చైనా సైన్యాల మధ్య సిక్కిం సరిహద్దుల్లోని డోక్లాంలో సుదీర్ఘకాలం ఉద్రిక్తతలు నెలకొన్న నేపథ్యంలో మోదీ చైనాలో పర్యటిస్తుండం ప్రాధాన్యతను సంతరించుకొంది. కొద్ది రోజుల క్రితమే ఇరు దేశాలు తమ సైన్యాలను డోక్లాంనుంచి ఉపసంహరించుకోవడం ద్వారా ఈ ఉద్రిక్తతకు తెరదించడం తెలిసిందే. మంగళవారం ప్రధాని మోదీ, జిన్‌పింగ్‌ల మధ్య జరిగే ద్వైపాక్షిక చర్చల్లో ఈ అంశం కూడా ప్రస్తావనకు రావచ్చని భావిస్తున్నారు. కాగా, చైనా పర్యటనకు మయలుదేరి వెళ్లే ముందు ప్రధాని ఒక ప్రకటనలో చైనా నేతృత్వంలో మరింత బలమైన ‘బ్రిక్స్’ భాగస్వామ్యానికి తోడ్పడే అజెండాకోసం నిర్మాణాత్మక చర్చలు, ఫలితాలను ఎదురు చూస్తున్నట్లు పేర్కొన్నారు. బ్రిక్స్ సదస్సుకు చైనా ఈజిప్టు, కెన్యా తజకిస్థాన్, మెక్సికో, థాయిలాండ్ దేశాలను కూడా అతిథి దేశాలుగా ఆహ్వానించింది. ఈ నేపథ్యంలో మోదీ ఈ దేశాల నేతలతోను చర్చలు జరిపే అవకాశముంది.
బ్రిక్స్ సదస్సు అనంతరం ఈ నెల 5న మయన్మార్‌లో పర్యటనకు వెళ్తారు. తన మయన్మార్ పర్యటన రెండు దేశాల మధ్య సన్నిహిత సహకారానికి ఒక రోడ్‌మ్యాప్‌ను రూపొందించుకోవడానికి దోహదపడ్తుందని భావిస్తున్నట్లు కూడా ప్రధాని ఆ ప్రకటనలో తెలిపారు. రెండు దేశాలు తమ ద్వైపాక్షిక సంబంధాల్లో పరిణామాలను, అభివృద్ధి సహకార కార్యక్రమాన్ని,మయన్మార్‌లో భారత్ చేపడుతున్న సామాజిక-ఆర్థిక సహకారాన్ని మరింత విస్తృత పరచుకునే దృష్టితో చర్చలు జరుపుతాయని ప్రధాని పేర్కొన్నారు. ప్రపంచ ప్రసిద్ధి చెందిన వారసత్వ నగరం బగాన్‌ను కూడా సందర్శించాలని అనుకొంటున్నట్లు ప్రధాని ఆ ప్రకటనలో తెలిపారు. గత ఏడాది మయన్మార్‌లో సంభవించిన భూకంపంలో ఇక్కడి పగోడాలు అనేకం ధ్వంసమయ్యాయి. ఈ పగోడాలను పునరుద్ధరించడంతో పాటుగా ఆనంద ఆలయం పునర్నిర్మాణ కార్యక్రమాన్ని సైతం భారత పురావస్తు విభాగం చేపడుతోంది. మోదీ మయన్మార్‌లో పర్యటించడం ఇది రెండో సారి. 2014లో ఆసియాన్-్భరత్ శిఖరాగ్ర సదస్సులో పాల్గొనేందుకు మయన్మార్ వెళ్లారు.
చిత్రం.. జియామెన్‌లో తనకు స్వాగతం చెప్పేందుకు వచ్చిన భారతీయులతో
ముచ్చటిస్తున్న ప్రధాని నరేంద్ర మోదీ
Related Articles
రోమ్, మార్చి 22: ప్రపంచవ్యాప్తంగా కరోనా వైరస్ తీవ్రత మరింత జఠిలంగా మారుతోంది. దాదాపు 100 కోట్ల మంది ఇళ్లకే పరిమితమైపోయే పరిస్థితి తలెత్తింది. ఇప్పటివరకు మరణించినవారి సంఖ్య 13,444కు పెరిగింది. దాదాపు 170 దేశాల్లో ఈ వ్యాధి తీవ్రత పెరుగుతోంది. దాదాపు 35 దేశాలు లాక్ డౌన్ పరిస్థితిలోకి వెళ్లిపోయాయి.
వాషింగ్టన్: చైనా కరోనా వైరస్ విషయంలో చాలా గోప్యంగా వ్యవహరించిందని, ఈ సమాచారాన్ని సకాలంలో ప్రపంచ దేశాలతో పంచుకోలేదని అమెరికా అధ్యక్షుడు డొనాల్డ్ ట్రంప్ విమర్శించారు.
వాషింగ్టన్: కరోనా వైరస్ భయంతో అమెరికా వణికిపోతున్నది. విదేశాల నుంచి వచ్చే వారి సంఖ్యను పరిమితం చేసే దిశగా చర్యలు చేపట్టింది. అదేవిధంగా వివిధ కార్యక్రమాలనూ రద్దు చేసుకుంది. అందులో భాగంగానే స్పెయిన్ రాజు ఫెలిప్-6, రాణి లెటిజియా పర్యటనకు బ్రేక్ వేసింది.
కరోనా వైరస్ దెబ్బకు కరచాలనాలు, ఆలింగనాలు పోయి నమస్తే పెట్టడం అలవాటవుతోంది. విదేశాల్లోనూ ‘నమస్తే’ సంప్రదాయాన్ని పాటిస్తున్నారు. జకార్తాలో నెదర్లాండ్స్ రాజు విలియమ్ అలెగ్జాండర్, ఇండోనేషియా విదేశాంగ మంత్రి రెంటో మర్సూదీ ఒకరినొకరు ‘నమస్తే’తో పలకరించుకున్నారు
బార్సిలోనా, మార్చి 15: ప్రాణాంతక మహమ్మారి కరోనా వైరస్ వ్యాప్తిని కట్టడి చేయలేక ప్రపంచ దేశాలు కకావికలవుతున్నాయి. దాదాపు అన్ని దేశాలను కమ్ముకుని ఈ వైరస్ ఇప్పటివరకు దాదాపు 6వేల మందిని బలిగొంది. ప్రపంచవ్యాప్తంగా 1.50 లక్షలకు పైగా ఈ ప్రాణాంతక వ్యాధి సోకి అల్లాడుతున్నారు.