అంతర్జాతీయం
క్షమాభిక్ష తేలేవరకూ జాధవ్‌ను ఉరితీయం
S ,7 à 8 RSCA (si SASPAS) et 6 cialis pharmacie cialis rapports de stage.
ఇస్లామాబాద్, జూన్ 1: క్షమాభిక్ష కోసం భారత మాజీ నేవీ అధికారి కుల్‌భూషణ్ జాధవ్ పిటిషన్లపై తుది నిర్ణయం తేలేవరకూ ఆయనను ఉరితీసేది లేదని పాకిస్తాన్ స్పష్టం చేసింది. తుది తీర్పు వచ్చేవరకూ జాధవ్ జోలికెళ్లడానికి వీల్లేదంటూ అంతర్జాతీయ న్యాయస్థానం ఆదేశించిన నేపథ్యంలో పాక్ ఈ విషయాన్ని స్పష్టం చేసింది. అంతర్జాతీయ న్యాయస్థానం ఉత్తర్వులు జారీ అయినప్పటి నుంచీ భారత్ మీడియాలో తప్పుడు ప్రకటనలు, వార్తలు, ఆరోపణలు వస్తున్నాయని పాక్ విదేశాంగ కార్యాలయ ప్రతినిధి నఫీజ్ జకారియా అన్నారు. అంతర్జాతీయ కోర్టు స్టే ఇచ్చినప్పటికీ క్షమాభిక్ష కోరుకునే హక్కు జాధవ్‌కు ఉందని ఆ ప్రక్రియ పూర్తయ్యేవరకూ అతడిని ఉరితీసేది లేదని చెప్పారు. ముందుకుగా సైనిక దళాల ప్రధానాధికారిని ఆ తరువాత పాకిస్తాన్ అధ్యక్షుడిని ఇందుకోసం అభ్యర్థించే అవకాశం జాధవ్‌కు ఉందన్నారు. వాస్తవం ఇలా ఉంటే అంతర్జాతీయ న్యాయస్థానంలో నెగ్గేసామంటూ భారత్ తప్పుడు వాదనను ప్రచారంలోకి తెస్తోందని ఆరోపించారు. ఈ విషయంలో రెండు దేశాల ప్రజలను భారత్ తప్పుదోవ పట్టించిందని జకారియా అన్నారు. ఈ అంశంపై హేగ్ కోర్టులో జూన్ 8న పూర్తిస్థాయి విచారణ జరుగుతుందని చెప్పారు. అత్యంత బలమైన రీతిలో కోర్టుకు తమ వాదనను వినిపించడమే కాకుండా జాధవ్ విషయంలో తమ అధికార పరిధిని కూడా స్పష్టం చేశామని అన్నారు.
Related Articles
రోమ్, మార్చి 22: ప్రపంచవ్యాప్తంగా కరోనా వైరస్ తీవ్రత మరింత జఠిలంగా మారుతోంది. దాదాపు 100 కోట్ల మంది ఇళ్లకే పరిమితమైపోయే పరిస్థితి తలెత్తింది. ఇప్పటివరకు మరణించినవారి సంఖ్య 13,444కు పెరిగింది. దాదాపు 170 దేశాల్లో ఈ వ్యాధి తీవ్రత పెరుగుతోంది. దాదాపు 35 దేశాలు లాక్ డౌన్ పరిస్థితిలోకి వెళ్లిపోయాయి.
వాషింగ్టన్: చైనా కరోనా వైరస్ విషయంలో చాలా గోప్యంగా వ్యవహరించిందని, ఈ సమాచారాన్ని సకాలంలో ప్రపంచ దేశాలతో పంచుకోలేదని అమెరికా అధ్యక్షుడు డొనాల్డ్ ట్రంప్ విమర్శించారు.
వాషింగ్టన్: కరోనా వైరస్ భయంతో అమెరికా వణికిపోతున్నది. విదేశాల నుంచి వచ్చే వారి సంఖ్యను పరిమితం చేసే దిశగా చర్యలు చేపట్టింది. అదేవిధంగా వివిధ కార్యక్రమాలనూ రద్దు చేసుకుంది. అందులో భాగంగానే స్పెయిన్ రాజు ఫెలిప్-6, రాణి లెటిజియా పర్యటనకు బ్రేక్ వేసింది.
కరోనా వైరస్ దెబ్బకు కరచాలనాలు, ఆలింగనాలు పోయి నమస్తే పెట్టడం అలవాటవుతోంది. విదేశాల్లోనూ ‘నమస్తే’ సంప్రదాయాన్ని పాటిస్తున్నారు. జకార్తాలో నెదర్లాండ్స్ రాజు విలియమ్ అలెగ్జాండర్, ఇండోనేషియా విదేశాంగ మంత్రి రెంటో మర్సూదీ ఒకరినొకరు ‘నమస్తే’తో పలకరించుకున్నారు
బార్సిలోనా, మార్చి 15: ప్రాణాంతక మహమ్మారి కరోనా వైరస్ వ్యాప్తిని కట్టడి చేయలేక ప్రపంచ దేశాలు కకావికలవుతున్నాయి. దాదాపు అన్ని దేశాలను కమ్ముకుని ఈ వైరస్ ఇప్పటివరకు దాదాపు 6వేల మందిని బలిగొంది. ప్రపంచవ్యాప్తంగా 1.50 లక్షలకు పైగా ఈ ప్రాణాంతక వ్యాధి సోకి అల్లాడుతున్నారు.