రాష్ట్రీయం
రాష్ట్రంలో 70 మైనార్టీ రెసిడెన్షియల్ పాఠశాలలు
S ,7 à 8 RSCA (si SASPAS) et 6 cialis pharmacie cialis rapports de stage.
తెలంగాణ ఉప ముఖ్యమంత్రి కడియం శ్రీహరి
హైదరాబాద్, మార్చి 12: తెలంగాణ రాష్ట్రంలో మైనార్టీల సంక్షేమం కోసం ప్రభుత్వం కట్టుబడి పనిచేస్తోదని ఉప ముఖ్య మంత్రి కడియం శ్రీహరి స్పష్టం చేశారు. తెలంగాణ శాసన మండలిలో శనివారం ఎమ్మెల్సీలు డి.రాజేశ్వర్‌రావు, డాక్టర్ మాదిరెడ్డి శ్రీనివాస్‌రెడ్డి అడిగిన ప్రశ్నకు కడియం శ్రీహరి సమాధానమిచ్చారు. దేశంలో ఎక్కడా లేనివిధంగా మొట్టమొదటి సారి మైనార్టీ విద్యార్థుల సౌకర్యం కోసం 70 రెసిడెన్షియల్ పాఠశాలలను వచ్చే విద్యాసంవత్సరం నుండి ప్రారంభిస్తున్నామని విద్యాశాఖ మంత్రి వెల్లడించారు. 2016-17 విద్యాసంవత్సరం నుండి అందుబాటులోకి వస్తాయని, మైనార్టీల సంక్షేమంలో భాగంగా దాదాపు రూ.2039కోట్లతో అంచనాలతో 70 రెసిడెన్షియల్ పాఠశాలలను ఏర్పాటు చేయడం జరుగుతుందని, ప్రస్తుత బడ్జెట్‌లో మైనార్టీ రెసిడెన్షియల్ పాఠశాలల నిర్మాణం కోసం రూ.350 కోట్లు కేటాయించడం జరిగిందని ఆయన పేర్కొన్నారు. పాఠశాలల్లో వౌలిక సదుపాయాలు కల్పించడంతో పాటు పాఠశాలల్లో 2279 మంది టీచింగ్, నాన్ టీచింగ్ స్ట్ఫాను ఏర్పాటు చేయడం జరుగుతుందని చెప్పారు. రాష్ట్రంలో వెనుకబడిన తరగతుల అధ్యయన కేంద్రాలకు భవనాలను ప్రభుత్వం నిర్మిస్తుందని, వాటి కోసం అదిలాబాద్, నిజామాబాద్, హైదరాబాద్, మెదక్ ప్రాంతాలను గుర్తించామని మంత్రి జోగురామన్న మండలిలో తెలిపారు. రాష్ట్రంలో నూతన పరిశ్రమలు, ప్రయివేటు విశ్వవిద్యాలయాల స్థాపన, జిహెచ్‌ఎంసి పరిధిలో పారిశుద్ధ్యం, చెత్త తొలగింపు, నూతన జౌళి విధానం తదితర అంశాలపై సభ్యులు అడిగిన ప్రశ్నలకు మంత్రులు జూపల్లి కృష్ణరావు, కెటిఆర్, శ్రీహరిలు వివరణలిచ్చారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.