సాహితి

ఖాళీగా లేను

S ,7 à 8 RSCA (si SASPAS) et 6 cialis pharmacie cialis rapports de stage.

Published Monday, 23 November 2015

మాటల్ని వెతుక్కుంటున్నాను
మనసు నిండా మాట్లాడ్డం బందై
చాలాకాలమైంది

అట్లని వౌనం పందిరి కింద
నేనేమీ ఖాళీగా లేను

సముద్రపు అలల అంచుల్లోని
మీగడలాంటి నురగని
దోసిట్లోకి తీసుకుని ముద్దాడుతున్నాను

ఆకాశం కాన్వాస్‌పై
మబ్బులు వేస్తున్న
రంగుల చిత్రాల్ని
ఆస్వాదిస్తున్నాను

చెట్ల చిగురుటాకుల్లోని స్వచ్ఛతనీ
సున్నితత్వాన్ని అవలోకిస్తున్నాను

వౌనం పందిరి కింద
నేనేమీ ఖాళీగా లేను

తప్పిపోయిన మనిషిని,
మనిషితనాన్ని
వెతుక్కుంటున్నాను
ఆశగా ఆతృతగా..

- వారాల ఆనంద్