రాష్ట్రీయం
కర్నూలు జిల్లాలో రోడ్డు ప్రమాదాలు : ఐదుగురి మృతి
S ,7 à 8 RSCA (si SASPAS) et 6 cialis pharmacie cialis rapports de stage.
కొలిమిగుండ్ల/ఆళ్లగడ్డ, నవంబర్ 21: కర్నూలు జిల్లాలో శనివారం జరిగిన రెండు వేర్వేరు ప్రమాదాల్లో ఐదుగురు దుర్మరణం చెందారు. కొలిమిగుండ్ల మండలంలో లారీ ఢీకొని ముగ్గురు బాలికలు మృతి చెందగా, ఆళ్లగడ్డలో ట్రాక్టర్ ట్రాలీని అంబులెన్స్ ఢీకొనడంతో ఇద్దరు మృతి చెందారు. కొలిమిగుండ్ల మండలం ఇటిక్యాలలో శనివారం ఉదయం తిరుపతమ్మ(16), కావ్య(12), రాజేశ్వరి(14) పాలు తీసుకుని రోడ్టు దాటుతుండగా తాడిపత్రి నుంచి వచ్చిన లారీ ఢీకొంది. దీంతో రాజేశ్వరి, కావ్య అక్కడికక్కడే మృతి చెందారు. తీవ్రంగా గాయపడిన తిరుపతమ్మను ఆసుపత్రిలో చేర్పించగా చికిత్స పొందుతూ మృతి చెందింది. కాగా బాలికలను ఢీకొన్న లారీ డ్రైవర్ ఆపకుండా వేగంగా వెళ్తూ ఎదురుగా వచ్చిన సిమెంటు లోడు లారీని ఢీకొట్టాడు. దీంతో ఇద్దరు లారీ డ్రైవర్లకు తీవ్రగాయాలయ్యాయి. మరో సంఘటనలో ఆళ్లగడ్డ సమీపంలో జాతీయ రహదారిపై ట్రాక్టర్ ట్రాలీని అంబులెన్స్ ఢీకొనడంతో కడప జిల్లా ప్రొద్దుటూరుకు చెందిన డ్రైవర్ శివ(36), అనిల్‌కుమార్‌రెడ్డి(20) అక్కడికక్కడే మృతి చెందారు. ఓ రోగిని కర్నూలు ఆసుపత్రిలో చేర్పించి తిరుగుప్రయాణంలో వీరు ప్రమాదం బారిన పడ్డారు. పోలీసులు కేసు దర్యాప్తు చేస్తున్నారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.